الي صارلها موقف غريب او قصه غريبه تدخل

[al.nada]

اسعدنى مروركم بنات وسوالفكم الحلوه :gathering:

هلا برفاعيه معانا نورتينا

ونورونا كل البنات الي شاركونا بهالمواضيع المرعبه الشيقه الصراحه

اوركيدا انا دايم ادخل باليل يكون الجو اهدأ لان دايم عندى ازعاج

Q8 Jewel ناطرين سوالفج​

 

[بدوره 22]

سوزان الله يعطيج العافيه على هالموضوع الصراحه

 

[choco girl]

السلام عليكم
الصراحه موافقكم تصروع
خاصة موقف سوزان مع المنقبات , الله ستر وياج والله

انا اللي يصير معاي اني اسمع صوت يناديني ، ولما ارد القى ان الشخص اصلا مو موجود بالبيت !!

 

[al.nada]

الله يعافيج حبيبتى

بمشاركاتكم اهو الي حلى الموضوع اكثر​

 

[Q8 Jewel]

باك


ياا كثر السوالف اللي عندي _03BA:


شكلي بأطيح بهالموضوع :tomato2:


هذي السالفه سارت لبنت جيرانا .. تقول كانت صاعده للسطح مادري شتبي فيه ... قبل السطح فيه غرفه للخدم و منها باب للسطح ..

المهم تقول اول ما دخلت الغرفه والا تشوف على عتبة الباب عجوز مفسخه ومنسدحه


تقول انا ما اذكر شلون نزلت من 3 دور وانا اركض بالدرج اول ما وصلت آخر عتبه رجولي ما شالتني وطحت على الارض

هذي السالفه سارت لي ثاني يوم بعد سالفة البطانيه


بس مادري شفيه الي بداري ما عنده سالفه يعني يا تتحرش نفس الناس يا تفكني لووووووووووووول

كنت توني مفتحيه عيوني الصبح وبأقوم من السرير .. البطانيه كانت مغطيه وجهي و كنت مخليه شعري برا البطانيه على المخده يعني .. وقوم ياللي ما عندك سالفه وامسك شعري وحركه لي فوق وانا جذي مفتحيه عيوني واشوف البطانيه والله يا بنات كنت اقرص نفسي اتأكد اني ما احلم قعدت دقايق بعدها وفتحت البطانيه التفت يمين يسار مافيه احد


بعد ما خلصت _03BA:

هذي سارت لبنت خالتي كنا كلنا مجتمعين ونايمين ببيت جدتي .. ومافيه الا احنا البنات سهرانين راحت بنت خالتي للحمام تكرمون .. رجعت بعدها وجهها منقلب جنه احد معطيها طراق .. قلت لها فلانه شفيج :080402ask_prv:

البنت ما صدقت طقتها بجيه و وجهها والله منقلب اسووووود .. بعد ما هدت شوي تقول وانا طالعه من الحمام فيه دريشه تطل على براحه ورا البيت .. سمعت صوت واحد يقولها يا بنت فتحي الباب بسررررعه ..

بعدها سرنا نسمع طق على طوف الغرفه اللي كنا فيها وطق على الباب :O_SHH_:

عاد انا اكبرهم توهقت اسكت منو واهدي منو :krkrkr:

بس عدت الليله على خير :eh_s(1):


واذا تذكرت سالفه بعد رديت كتبتها >>> بتنطرد :eh_s(3):​

 

[al.nada]

بقولكم على هالموقف صار من وقت طويل مع ابوى

الساعه 4 الفير دق جرس الباب قام ابوى يفتح ويشوف منو ياينا بهالوقت !

ولين فتح الباب شاف واحد يقوله انا غريب وابى اسافر ابيك تساعدني لأكمل طريجى

ابوى دخله اليت وقال للأهل يسووله شى ياكله شكله كان ياي يوعان

اكل اكله خلص راح ابوى اييبله فلوس يعطيه

رد ما القى احد وين راح :080402ask_prv:

فتح باب البيت يمكن يلقاه طالع

ماكو احد اختفى

منو كان وشيبى الله يعلم​

 

[al.nada]

هذي السالفه سارت لبنت جيرانا .. تقول كانت صاعده للسطح مادري شتبي فيه ... قبل السطح فيه غرفه للخدم و منها باب للسطح ..

المهم تقول اول ما دخلت الغرفه والا تشوف على عتبة الباب عجوز مفسخه ومنسدحه


تقول انا ما اذكر شلون نزلت من 3 دور وانا اركض بالدرج اول ما وصلت آخر عتبه رجولي ما شالتني وطحت على الارض

هذي السالفه سارت لي ثاني يوم بعد سالفة البطانيه


بس مادري شفيه الي بداري ما عنده سالفه يعني يا تتحرش نفس الناس يا تفكني لووووووووووووول

كنت توني مفتحيه عيوني الصبح وبأقوم من السرير .. البطانيه كانت مغطيه وجهي و كنت مخليه شعري برا البطانيه على المخده يعني .. وقوم ياللي ما عندك سالفه وامسك شعري وحركه لي فوق وانا جذي مفتحيه عيوني واشوف البطانيه والله يا بنات كنت اقرص نفسي اتأكد اني ما احلم قعدت دقايق بعدها وفتحت البطانيه التفت يمين يسار مافيه احد


بعد ما خلصت _03BA:

هذي سارت لبنت خالتي كنا كلنا مجتمعين ونايمين ببيت جدتي .. ومافيه الا احنا البنات سهرانين راحت بنت خالتي للحمام تكرمون .. رجعت بعدها وجهها منقلب جنه احد معطيها طراق .. قلت لها فلانه شفيج :080402ask_prv:

البنت ما صدقت طقتها بجيه و وجهها والله منقلب اسووووود .. بعد ما هدت شوي تقول وانا طالعه من الحمام فيه دريشه تطل على براحه ورا البيت .. سمعت صوت واحد يقولها يا بنت فتحي الباب بسررررعه ..

بعدها سرنا نسمع طق على طوف الغرفه اللي كنا فيها وطق على الباب :O_SHH_:

عاد انا اكبرهم توهقت اسكت منو واهدي منو :krkrkr:

بس عدت الليله على خير :eh_s(1):


واذا تذكرت سالفه بعد رديت كتبتها >>> بتنطرد :eh_s(3):[/SIZE][/CENTER][/QUOTE]

وااااااااااااااااى سوالفج تخرع من قلب الا العيوز

لو صاير فينى هالموقف جان ما قدرت اوقف على حيلي​

 

[Anwaar]

قصصكم حلوة

لي رجعة أن شاء الله

 

[أم عبداللطيف]

كملو اندمجت قصص مثيرة وحلوة

اما عن نفسي ما صارت لي

 

[ليت الجرح من غيرك]

مرحبااااااا عجبني موضووعكم خصوصا انا وبنات خالاتي حياتنا كلهااا موااقف تخوووف وراح أبدأ أول شووي بموقف صارلي شهر 5 اللي طااف

هذا الموقف صاارلي بالمارينا انا وبنت خالتي ريووم احنا من النووع داايم مطيحين بالمارينا سينما او نتعشى يعني من الاربع ورى نرووح هناااك المهم انا من النوع اللي اذا احس باحساس غريب اذا كش جسمي من شخص اوشفته باحلامي ادري انه وراه مضره لي المهم ذاك اليوم انا وريوم نتمشى بالمارينا نتسووق والمح لكم ذااك المصري اللي تقوولين يشتغل بكرااج المهم شكله موجاي يتغدى اويتسووق تحسين مكانه موبالماريناا اول مره واجهته وانا بالجسر رايحه من الكريسنت للمجمع اول مامر من يمي جسمي كش حيل حسيت بربكه مو طبيعيه خصوصا نظرااته ماعجبتني كملت مشي وطنشته وانا اتمشى بالمجمع ياربي حسيت فيه يراقبني بطريقه غريبه مويلاحقني اذا كنت يمين يطلعي شمال جنني فجاه كان على يميني الف ويهي الصوب الثاني انصدم فيه يساااري انا اهنيه خلاص توترت جان اقوول لريوم والا الاخت تبطها ضحك وتقوول الحمدلله انهبلتي انتي قلت مالي دخل ونرووح نقعد بستاار بكس داااخل تخيلوو الموقف معااي حناا قااعدين داااخل ونشوووف الوضع اوكيه يمر من على يمني صووب اج اند ام مايلف رااسه بس بطرف عينه تخيلوو يكوون مار صووب اج اند ام فجااه نلقاااه قبالناا في كووفي بووول شلوون ووصل هناك من غير لانشووف اهنيهه ريم قااامت ترجف وقالت اقوول مشيناا جان اقوم انا وياها ونركض نبي نووصل للمصاافط واحنا نمشي جان فجاه يطلع من فيرجن اول ماشفنا من خرعه جان نوقف بمكاانا وهو مر ولاابتساامه ولاكلمه انا خفت قلت ان نزلت بسوي فيني شي شووي جان يجي وااحد مليق يتحرش انا مااصدقت ابي الفكه جان الف عليه وهذااك اللي يخرع مر صووبي قلت تبي اخذ رقمك استانس قال ايه قلت شووف هذاا الرجال انصدم قال منوو قلت هذاا جان يلف بصوووت عالي ويااشر على المصري قال هذا احنا من الخرعه لان المصري شاافه سكتنا جان يقوول منو هذا والا المصري ماتشووفين الا غبرته انا اهنيه مااقدرت بجييت ورحت ركض ركض للسياره وبعدهاا بأسبووع رحنا الساعه 3 المارينا انا وريوم وكانت رفيجتي بقطها اخوها علينا لانها تو ولدت تجهز للطلاعتهاا المهم تغدينا وخلصنا طبعا رفيجتي هذا اخووهاا مباااحث وانا وريم ننظرهااا وهي درت عن الموقف الاولي شووي واحنا نتمشى ونلقااه يمه معااه سلسله بيده وادق على رفيجتي واقوولها يمه لاتجين واقووولها اني شفته وهي ارتبكت وتهديني طبعاا اخووها درى بالموضوع لانها ارتبكت المهم هي وقفت تحت عند صووب زاارا السلم اللي تحت عند المواااقف انا نزلت لهاا ونسيت انه معاها اخووها واقعد اقوولها وشلون نظرته لي تخيلوو انا واقفه عند الباب التحتي للمساافط وهو كان فووق فجاه ويطلع جداامي ياربي شلوون ووصل برى شلون مستحيل لوبيطلع لازم يمر من عندنا انا شفت واقعد اشر جان يرووح اخو رفيجتي وينااديه وجاابه عندنا يقوولي هذاا هذاا انا انصدمت ونزلت رااسي مابي اشووفه الا انصدم على ايده وشم النجمه السداسيه باللون الازرق هاذي مالت السحر ودايم اشووفهااا بافلام الرعب لاشعوووري جان يغمي علي وياافضحى مسكني اخوو رفيجتي وشمموني عطر ولما صحصحت الا اخوو رفيجتي معصب لاني اول ماطحت انحااش ومن بعدها مااحب ارووح الماريناا كرهته يمه يمه للحين كل مااذكر نظارته وحركاته اخاف حيل شي موطبيعي​

 

[ليت الجرح من غيرك]

البااقي أكملهم لكم بعدين

 

[غاليه]

ابيييييه قصتج ولا بالافلام !!!!
معقوله صاير جذي بالكويت واشلون المارينا يسمحون له ايدش اذا اهوا مبهذل جذي ؟؟؟؟!!!
لان الامن هناك اي واحد شكله غلط ومبهذل مايخلونه ايدش لو شنو !!!!!
انا للحين مو قادره استوعب القصه .....

 

[ليت الجرح من غيرك]

هلا غاليه اي وربي انا منصدمه بعد هو شكله موجاي يشتري او يااكل ولما مسكه اخو رفيجتي قاله انا جاي ادور شغل بالمطااعم قاله لاوتستهبل المطاعم اللي فوق لازم شهاادات ياامعووده الامن مايدررون وين الله قااطهم الشباب اشكره تحرش والامن متفرجين وسااكتين مره خالتي زفت الامن قالت ماتشووف المصخره ليه ماتووقفهم انا والله بنات من بعدها من اطلع من بيتنا اقرى الادعيه الحين كثرووا السحره اللي يسحرون الوحده وتمشي ورااهم يمه

 

[Q8 Jewel]

ليت الجرح والله قصتج فيلم رعب :eh_s(1):

صااااجه والله كثروو السحره و الشباب اللي يستعملون السحر عشان يسحرون البنت .. ذكرتني بموقف مريت فيه من زماااان والله ما اذكر من جم سنه

كنت بالسوق مادري اي سوق والله وكنت مع امي واختي و كانت اختي بمحل قالت لي انادي امي لأنها طلعت من المحل واختي تبي توريها قطعه وجذي .. فطلعت من المحل بأروح لامي .. وكان فيه واحد واقف ومتسند على الطوفه كان لاف ومعطيني ظهره .. اول ما مريت قباله ولف يطالعني كان على يميني اهو ..

اقولكم اول ما لف .. بناات والله سار فيني شعور غريب وجنه ما اقدر اتحكم بنفسي وقفت ولفيت عليه مثل الآله والله يممممممه والله يا بنات ما اذكر شكله و ما كنت احب اطالع بالشباب بس شنو سار فيني مااادري

واذكر انه بايده اليمين مادري اليسار كان فيه خاتم وكان يلعب فيه بصبعه ويحركه ..

امي ردت لي وشافتني اطالع بهالولد حسبي الله على ابليسه مسكتني بايدي و سحبتني معاها للمحل والله يا بنات متأكده كاان سحر

حسبي الله عليهم والله زين بس هذا اللي سار معاي وعدت على جذي


اييي وذكرتيني بمرت اخوي تقول مره كانت بالبيت قبل لا تتزوج .. وانطق الباب وتروح تبطله والا طراره عند الباب ..
تقول الطراره مدت ايدها وسلمت علي .. تقول انا ما اذكر الا اني امشي واصعد فوق لداري وابطل البوك واطلع فلوس واعطيها لها .. تقول امي كانت بالصاله تشوفني وتناديني ما رديت عليها ..

الله يحمينا والله منهم كل مالهم وينتشرون هالسحره ​

 

[بدوره 22]

واااااااااااااااااااااااي اعوذ بالله من الشيطان الرجيم والله كش شعر يمبي من قصصكم

 

[al.nada]

واى واى منهم هالسحره صح انا سامعه بعد عنهم الله يكافينا شرهم

 

[miss-one]

واي الموضوع يخرع

مادري شلون بنام الليلة

 

[ليت الجرح من غيرك]

هههههههههههههههههههههه شكلنا خرعناااكم شلوون لوو اقووول الباااقي عاد موااقفي شي مو طبيعي

 

[بدوره 22]

ليت الجرح من غيرك


كملي نبي نسمع سوالفج

 

[ليت الجرح من غيرك]

خلاص ذيك المره خووفتكم اليووم بقلبهااا حزن
هاذي وحده أعرفهااا مات ابووها وعمرها 13 سنه ولما تذكر اخر لحظه جمعتهاا بابووهاا خلاص تذكر انها كانت قاعده طالع التلفزيون وهو جدامها بيطلع المغرب وطلع وبعدهاا بجم سااعه توفى الله يرحمه عاد البنت كل ماتذكر الموقف تقووول ليتني ذيك اللحظه ضميته ليتني بسته ليتني قعده ماخليته يرووح وداايم هذا بخااطرها ويجي يووم تحلم بابووها انه هي بغرفتهاا واهلها يجهزوون ابووهم بوديييهم ويجي ابووها يقوولها بطلي الباب هي انزين قال انا برووح ولارديت اخذتكم ولما خلصت وطلعت جت تبي تلحق ابووها تبي تسلم عليه وهو يمشي وهي تناادي وتركض الا تقووم من النوم وكان حززتهاا فجر ومن القهرر قاامت تبجي وتصيح وتقووول حتى بالحلم ماحضنته وتقعد تصييح وتقووم وتدااااوم ومالها خلق جان تجيهاا ووحده معاها بالدوااام طيبيه وحبووبه وتسالهاا تقوولها انتي ابوووج مواااصفاته جذي وجذي البنت اي اي شدراااج قالت امس عقب صلاة الفجر نمت واحلم فيه يجيني ويقوولي انا ابو فلانه سلميلي عليها ولاتزعل زعلها يزعلني طبعا البنت ماتدري انه ابووها متوفي ولا شي تدري هي بس قالت هالشي وتقعد البنت وتصيييح وتبجي تقوول ياحيااتي حس فيني سبحان الله ابووها متوفي بس حس فيها وبحزنهااااا
شراايكم بالموقف ماحرك مشااعركم