الي صارلها موقف غريب او قصه غريبه تدخل

[بدوره 22]

ها بنات .... وينكم ؟؟


تكفون الموضوع لا يروح الصفحه الثانيه ...


ابببببببببببببببببببببببببببببببب

 

[q8_nawnaw]

وااااي يمه ترى ما رح انام اليوم

 

[بدوره 22]

اب











اب














اب












اب

 

[al.nada]

بقول لكم سالفه اخوى الغريبه

صارت معاه واهو مسافر الي قالنه القصه اخوى الثانى الي رايح معاه السفره

يقول كنا بالفندق قمت باليل ابي اشرب الماي ولا اشوف اخوى مو بمكانه مو موجود استغربت وين راح فى هالليل

يقول رديت نمت ولي صار الصبح شفته بمكانه وسالته انت وين امس رد عليه وقال موجود نايم ما رحت مكان استغرب اخوى وقاله السالفه

ان ماكان موجود قاله لا انا كنت نايم بس حلمت ان فى احد يالى وخذانى معاه لمكان غريب اول مره اشوفه

اضاهر مودينه عالمهم معنه اخوي دين وقريب من الله بس الحمد الله ان ردوه ليش ودو وشنو يبون منه مادرى ....:eh_s(10):​

 

[Artya 【ツ】●]

@@@@@@@@@@@@@@@@@@@@@@@@@@@

 

[غاليه]

اول كنا ساكنين بعمارة الدور اللي احنا فيه جبالنا باكستانيين والعماره هذي قديمه ودايما ايسولفون انها صارت فيها سوالف بس احنا كنا اصغار مايقولون التفاصيل جدامنا بس بنت جيرانا بعمرنا كانت تسولف لنا المهم
انا كان عمري حزتها 17 سنه
والله يابنات كنت بالليل احس ان في احد يمشي علي فراشي ( اشلون لما تحطون ايدنكم علي الفراش وينزل لي تحت ) جذي احس فكنت اتعوذ من ابليس واكمل
احنا كنا بالدور الاخير وشي طبيعي ان فوقنا السطح وطبيعي ان ماكو احد فوق فاللي يصير ان بالليل ايصير فوق

اريول تركض



ناس تطق بمطرقه يعني حبك ايطقون هالمسمار بالليل وكل ليله


اصوات الجياس والاغراض بالدار تتحرك طبعا انا طناش <====== يعني قلبي قوي



مره كنت انا واختي بالليل الساعه 2 جذي نلعب اونو فدارنا كانت صوب الباب وسمعنا صوت لووويه بره بس طنشنا كنا في قمه حماس اللعبه
ثاني يوم قعدنا والا جارتنا الباكستانيه مسكينه قاعده تبجي ومنهد حيلها حزتها ريلها كان مسافر ومحد بالشقه الا اهيا واعيالها الصغار
اثاري مسكينه بالليل شايفه من طوفتها طالع دم


تخيلوا المرة انصرعت قامت تحوس طلعت من شقتها علي شقتنا تطق الباب تطق ومحد فج لها اهني احنا تذكرنا ان في حوسه بره بس مو باب بيتنا الظاهر الجني شوش الصوت علينا علشان ما نفتح لها


ومرة ابوي وربعه فوق السطح سهروا يلعبون جنجفه علي ان جو حلو وحبوا يغيرون جو فيسهرون لي الفجر المهم يقول نشوف خيال وواحد يحذفنا بالصخر



ونسيت اقول لكم مرت ابوي كانت ساكنه ويانا نفس البنايه بس اهيا الدور اللي تحتنا فابوي يحليله ليله عندنا وليله عندها فالليله اللي عندنا انا اروح انام عندها يعني بالعربي مستلمه شفت حراسه ويا ويهي خخخخخخخخخخخخ



في يوم مانمت عندها مااذكر شنو صار


والا اسمع ان بالليل طالعه لمرت ابوي جنيه عيوز لابسه شلحه خخخخخخخ




وااااااااااااااااااااااااااااااااااااااااااااااااااااااااااااااااااااي





انا اللي ما اخاف مت من الخوف




واشلون انا اللي كنت اسهر عندها واهيا اشخري اشلون اطلعت لها



فسوالف وااااااااااااااااااااايد اتذكر واقول لكم

 

[no0of]

أخت الزين 00

اذ اتشوفين موقف وانتي من اول شايفته او مار عليج

وانتي بطن امج تمر عليج كل مراحل عمرج 00 سبحان الله العظيم 000

 

[no0of]

مرة كانت جدتي نايمة الا واحد من الجنانوة بسم الله ساطرها ذاك السطار هههههههههههههه


ومرة امي كانت نايمة الا واحد يطق على الكمدينة يقومها لصلاة الفجر يحليه هل الجني ههههههههههههههه ما شاء الله عليه جني مطوع 000

 

[ام كتكوت]

موقف مستحيل انساه ..مره بأيام الغزوو

كنت العب بره البيت .. وبعدت شوي .. بالقارري (برووووحي)

اشوف جنود فوق برج الماي رافع سلاحه فوووووق ويسوي اطلاقات ناريه حسبي الله عليهم

يمممه مانسى الصوت والله مرعب مرررررعب

وانا واقفه مثل الهبله ولاخايفه ولاشي كلش ورب الكعبه ويجي ريال ماعرفه يقولي تعالي ركبي السياره معانا لايحوشج طشاااااااار

جان انحااااااااااش وصلت لي الفريج نزلت من القااااااري اررررررررركض واطيح ع الارض وانسحكت ريولي بس ماقلت لابوي من الخوف خفت يزفني

بنفس اليوم حلمت والله العظيم وربي صدقوني صج كأنه خيال

حلمت بنفس الشخص اللي ياني بالحلم ,,, تلثم وانا ركبت وقعد يطعني بصدري حيييييل حييييييييل حيييييييل لمن فقدت الوعي


يممممممممه واشوف ناس تكلمني وانا ماقدر ارد بس اسمع يالله تشهدي وانا اتشهد وناس تقول حرام صغيييييره

 

[al.nada]

الله ستر شلون طالعه بروحج بهالاجواء

حتى انا مره بايام الازمه ناويه على نفسى كميت على جندى عراقى ههه وناسه


بس جد حلم مرعب ام كتكوت

 

[اخت-اخوها]

سبحان الله انا دايمن احلم باللي يصيرلي ثاني يوم واذا احد خطر على بالي لازم اشوفها ولا اادق علي
مره كنت حلمانه انه ولد خالتي داق علي واصلا احنا علاقتنا فيهم مو ذاك الزود وقالي كلام قعدت اقول حق اختي وقلت لها داق يقولي جذي ولا عقبها بجم ساعه الولد داق علي ونفس الكلام دايمن تصير معاي جذي

 

[^فـّـزولـهـآآ^]

بسم الله سوالفكم تخررررع

أنا بعد صارت فيني سالفه تخرع من كثر ما هي تخرع ما نسيتها معنا كنت صغيره حزتها كنت في ثانيه ابتدائي بس من المنظر اللي شفته ما قدرت انسى الموقف

المهمممم حنا قبل كنا ساكنين في جابر العلي وبيتنا كان ثلاث ادوار وسرداب كبير وفي غرف واجد ما نستخدمها لأن احنا شوي مو واجد يعني بيتنا كان من امه مسكووووون ويخرع

عاد ذاك اليوم كنا بنروح لبيت خوالي وقبل لا نطلع من البيت امي دزتني لغرفتها اجيب لها اغراض اول ما فتحت الباب
ألا اشوف مره نايمه على السرير ونايمه على صوب امي ومعطيتني ظهرها وشعرها طويييييييييل انا طبعا ركضت تحت عند امي وانا ارجف من الخوووووووف اقولها يمه في مره نايمه بغرفتش وتروح امي ورحت معاها الغرفه ألا السرير مافيه أحد وحتى الفراش مرتب يعني اللي يشوفه يقول محد نام عليه وعقبها امي سألت شيخ عن اللي شفته ألا يقولها اذا شافت جني على
صوب الابو يعني احد من اهله راح يموت واذا شافت على صوب الام يعني احد من اهلها راح يموت وفعلا عقب ماشفت المره بكم يوم يتوفى جدي ابو امي الله يرحمه

ومره اختي كانت نايمه وفجأه قامت الفجر ألا تشوف قطوه سوده قاعده على ركبها واختي من الخوف قامت تزحف على صوب سرير اخوي لين وصلت عند اخوي وتقوله عبووود قوووم شوف القطوه قوووم ويقوم اخوي وشافها الا القطوه تنط وتطلع من الدريشه والدريشه مسكره

ومره بعد كان عندنا عشا فبيتنا شوي ألا نسمع صوت عمي طالع من السرداب وينادي خواتي وبنت عمي الا تقول امي روحوا شوفوا يمكن عمكم جا ياخذ عشا الرياجيل وننزل انا وخواتي وبنت عمي وثنتين من بنات خالة ابوي وليتنااااااا مانزلنا
يوم نزلنا مالقينا أحد وقلنا يمكن بالديوانيه ونروح للديوانيه وطلع مافيهاااااا أحد طبعااا احنا ماتشوفون ألا غبرتناااااا من الخووووووف

وبعدين غيرنا بيتنا والمنطقه بكبرهاااااا وارتحنا والحمدالله ​

 

[CANDLES]

واااااااي سوالفكم حدها ررررعب
ويني عن هالموضوع من زمان لاني مادش هالقسم بس خوش موضوع
عاد عندي اشكثرررررر مواقف وسوالف :0bee2e8d89:
وقاعده اقرى سوالفكم وصلت عن الصفحه رقم 4 ووقفت بس بكمل لا تحاتون :dddds:
بس خل اقول جم سالفه او موقف مريت فيهم عالطاير واذا تذكرت بعد بقولكم مره ثانيه

قبل كنت دايما انام عند بنت خالتي كبر بعض وكان وقتها عمري تقريبا 11 ماذكر والله
المهم بالليل كنت نايمه انا وياها بالغرفه واهيا دشت بسابع نومه وانا مويايني النوم وولد خالتي غرفته يم بنت خالتي وكان حاط قرآن
والغرفه طبعا ظلللللمه و البيت كله بس صوت القران شغال وكانت الغرفه الي انا نايمه فيها الي اهيا غرفة بنت خالتي بابها امبطل
اشوي الا اسمع صوت القران يختفي ويطلع بداله صوت اغاني وبعدها يرد قران وبعدها هم يرد اغاني وانا اسمع ومتنحه :eh_s(1):

يعني مو ان تسجيل لااااا لاااا الصوت مثل القران يختفي تدريجيا واغاني ويرد هم قران متتتتتتت من الخووف ويتلي النومه غصب

وقبل شقتنا خو مسكونه عطونا بيت حكومه وطلعنا من الشقه بوقت مانشيل اغراضنا المغرب رحت ويا امي عشان ناخذ جم شغله من الشقه و عشان اييون ملوت العفش يشيلون الاثاث
عند الممر امي قاعده اتكلم الصباغ وتشرح له اشلون يصبغ البيت وجذي ويمنا المطبخ وانا واقفه الا نسمع صوت بالمطبخ صوت طقطقه احد يطقطق عالمغسله صوت كل ماله يعلى انا وامي تنحنا
جان بسرعه اتسكره من الصباغ وقالت لي امشي دشي شنو هالصوت قتلها مابي اخاف قالت انا وياج امشي ودشينا واختفى الصوت ماكو صوت صوت :eh_s(1):
قعدنا انطل بالبلكونه ماكو شي جان بسرعه ركككككككككض نزلنا تحت والا امي اتقول جنطتي نسيتها فوق روحي ييبيها ضحكت بويها :krkrkr:
ولما يو ملوت العفش واصعدو البيت هااااااادي ولا جنى شي صار امي قالت اي فرحانين ان بنغادر :krkrkr: لان وايد كنا متاذين منهم
وكنت لما انام بالغرفه باب الغرفه يتبطل ويتسكر :eh_s(1): واسمع صوت الماي يتبطل بالحمام ونتو بكرامه
واذا تذكرت بعد بقولكم :gathering:

 

[توته عنونه]

يمااااااااااااي
بنات انا صايره ما انام منكم

 

[CANDLES]

عقب ماقريت هالموضوع
رحت بنام وحدي دايخه ماقدرت حطيت على قناة المجد وقريت الكرسي و الاذكار وفتحت البرده كلها عشان اشوف نور الشمس لوول
وفتحت باب غرفتي < كل هذا خوف ونسدحت وقعدت استغفر وايد
وبعدها نمت و جان افز واشوف اختي برا قتلها تعالي سكري الباب صرت قويه لووول وكملت نومي والحمدلله احس الخوف فجاه اختفى
ولما قعدت من النوم بعد احس براحه الحمدلله
بس صج صج احب اقرى سوالف جذي بس من هالموضوع حسيت برعب مو طبيعي راودني لوول

بربـ

 

[Q8_rawraw]

الموضوع مووووووو صج ....... اليوم ماكو نوم

من صججq8_nawnaw داشه هالموضوع :eh_s(12):​

 

[CANDLES]

اول ماسكنا بيتنا هذا بعد ماطلعنا من الشقه التعيسه وكل الذكريات الي فيها اتييب اليهد : (
كنت ماحب اقعد فيه وانا الي احب قعدة البيت وبيتوتيه لما اشوف امي تطلع لو بتييب شغله بسيطه وترد لازم اروح وياها
حتى امي استغربت من تصرفاتي لاني والله اني كنت احس موبس احنا بالبيت في احد ويانا
وبعدين اكتشفنا صج ان السطح هذا كان في قبيله من الينانوه ابو وام و حصنهم و اعيالهم وعايشين طبيعي ويانا
ودايما اسمع صوت ريلهم مو بس انا حتى الخدم يسمعون صوت طبجه بالسلم والبيت يكون فاااضي واحنا طالعين و الخدامه يسمعون صوت اقلاصات تتكسر بالمطبخ يروحون ماكو شي
وخدامتنا راحت السطح اتنظف وتخم ولما خلصت اتشوف طقه زرقه بريلها وبعدها خذت عيش وصعدت وعطتهم حطته يعني وقالت سامحوني مادري ومن هالحجي لووووول وبعدها اختفت الطقه:eh_s(1):

وكنت لما انام بداري بالليل اسمع صوت احط يطق دريشتي واموت خرعه واسوي روحي نايمه وماسمع شي :krkrkr:
وايمع صوت المشط عندي و مره هم حاطه اللاب توب بالجنطه واسمع صوت الجنطه تتبطل اشوي اشوي وبعدها حطيت قران الا اسمع صوت حس وياي بالغرفه وبعدها اختفى

ومره بعز نومي وتلفزيوني امسكر انا نايمه الحين بس مثل احد مسكني من ايدي ويسحبني يبيني اقعد وقاعده اسمع صوت اغاني وضحك بالتلفزيون واهوا امسكر اساسا :0bee2e8d89: وكملت نومي من التعب لما قعدت استوعبت

ومره نايمه بعد و احس صوبي اليمين نفس حاررر خفت حدي وسويت روحي نايمه يمكن جان هذا ياثوم مادري لان كنت وايد احس فيه يطيح فوقي و مره بعد حسيته وراي ويتحرش فيني :eh_s(14):

وبعد قبل كنت قاعده بداري الفير الكل نايم طبعا انا اكثر وحده اسمع كنت مادري ليش معني كنت دايما اصلي واذكر ربي
المهم والحديقه تحت غرفتي الا اسمع صوت الدوارف بحديقتنا ويهال
قمت طليت ماكو احد !!

ومره انا وبنت خالتي بغرفتي قاعدين ونسمع حسين الجسمي بالمسجله اشوي الا الشريط انبلع قلت لالا لييش وبسرعه بطلعه وموراضي يطلع وقعدنا انحاول انطلع فيه وقلت خلاص راح الشريط لان الصوت امبين ان الشريط امبلع وبعد محاولات الا طلع ومافيه ولاشي

وخدامتنا كنا كل واحد الي مدرسه والي دوام الصبح كان وتشوف المرا الي عند السلم لابسه عبايه ومعطتها ظهرنا وقاعده تنزل من السلم

وعندنا حوض شافت خدامتنا ريال لابس دشداشه واقف بوسط الحوض ونفس الريال اختي الاصغيره شافته تحت السلم

ومره كنت قاعده بالصاله الي فوق ومندمجه ويا الكمبيوتر وبالليل الكل بسابع نومه الا اسمع صوت 2 يهال عند السلم صاعدين الظاهر شافوني الا واحد يقول للثاني اووش جان ادش ركض داري

وااااايد مووووواقف مره هم بنت خالتي قاعده بالخيمه بالحديقه كانت عندنا خيمه بالليل منسدحه وتشوف الجام مال دريشة الخيمه عاكس وتشوف شبل الحديقه جنى يمشي لوووول ومحد ماسكه تصررروعت بمكانها جان ايي انا قالت لي السالفه وانها توى صارت تصروعت وياها ونبي اندش داخل البيت ونركض وواحنا نركض الا اشوف الشبل صوبي عاليمين ونصارخ :dddds: وررررركض

وكانت في قطوه بحوشنا سوده اتقول الخدامه دايما بالليل تيي وتقعد وتعاوي عتوي يعني وتقول مايخاف احذف عليه شي عشان يخاف يروح ماكو
وكانو يم باب بيتنا في اقطاوه وسود بعد : (
وفي قطوه كله عند بابنا اتحوس وسايقنا يشيلها يوديها ابعيد منطقه ثانيه يعني والله العظيم انها ردت ولبيتنا بعد عند الباب :0bee2e8d89:
لما اختفت بروحها

وكنا عند السلم في ورد مجفف حاطينه على صوب رحنا اشوي ردينا الا شفناه الصوب الثاني ونرد انحطه هذاك الصوب انروح ونرد الا نفس الشي !

وخدامتنا راحت الخيمه وايا اختي الاصغيره تلعب الظهر كان وجان الخدامه تاخذ لها غفوه اشوي بمكانها الا يقولها واحد باذونها طعلي من بيتنا جان اتقوله مايبي لووول حدها قويه :dddds: وقعد يسبها :dddds:

واخوي شاف واحد قزم اقرع بالصاله الي تحت :eh_s(1):

وايد قرقرت لي عوده طبعا ويا مواقف ثانيه :0bee2e8d89:

 

[توته عنونه]

وااااااي شنو هذا

 

[Pwincess]

امبيييييييييييييييييي ترا انا قاعده اقرا سوالفكم برووووووووووووحي و مسكره الليتات مو قادره حتى اقوم افتحهم من الخرعه ... :\

 

[al.nada]

سبحان الله انا دايمن احلم باللي يصيرلي ثاني يوم واذا احد خطر على بالي لازم اشوفها ولا اادق علي
مره كنت حلمانه انه ولد خالتي داق علي واصلا احنا علاقتنا فيهم مو ذاك الزود وقالي كلام قعدت اقول حق اختي وقلت لها داق يقولي جذي ولا عقبها بجم ساعه الولد داق علي ونفس الكلام دايمن تصير معاي جذي

حتى انا مثلج دايما تصدق احلامى جذيه اخاف منها اذا كان الحلم مزعج