الي سوت عمليه ليزر لعيونها ادش بلييييييييييز

[الدنيا حلوة]

كل عام وانتو بخير يا احلى منتدى بالكون
بنات انا مسويه عمليه ليزر صارلي 5 ايام وسمعت انه الدكتور اول ما يخلص العمليه يحط عدسة بالعين بس انا ما حطلي ولا احس انه اكو بعيني عدسه فالي مسويتها تقولا حاطلها الدكتور ولا لا

 

[zahraa]

هلا حبيبتي انا مسويتها من خمس سنين او ست ما اذكر بس الدكتور ما حط عدس واول مره اسمع بهذا الشي

 

[Harmony]

حبيبتي انتى مسوية ليزك علشان جذى ما حطلج عدسة لأن مالها داعى لا تخافين اللى يحطلهم عدسة يسوون ليزر و ثانى يوم يعطيهم موعد علشان يشيلها يعنى ما يقدر يخليها و انتى تدرين فيه خو بيلبسج اياها و يقولج عنها و اصلا تبين لأنها اكبر من سواد العين فتشوين خط العدسة يبين على بياض العين

 

[مغروره بس معذوره]

بنات شالفرق بين الليزر والليزك ؟؟؟ اول مره ادري ان في نوعين :|

ومنو الاحسن ؟؟

 

[Harmony]

حبيبتي هم نفس الشيء الليزك يفتح غشاء العين ثلاث ارباع و يصفطه لفوق و يسوي العملية و يرجعة و هذى ما يحط عدسة و لا شيء و هو يبري اسرع و اسهل
و الليزر هذى العملية القديمة و هى نفس الليزك بس الفرق انه يشيل دائرة كامله من الغشاء فيصير مفتوح فيلبس العدسة علشاز يحمى العين لين ما يبرى الغشاء و يسكر الفتحة هذى

طبعا خلال العملية اثنينهم نفس الشيء و الوقت و ماكو عوار بالاثنين
بس عقب العملية الليزر يكون عندهم الم و حساسية من الضوء اكثر من الليزك بوايد علشان جذى يوصف لهم مسكن بس الليزك مافى داعى ماكو ذاك العوار

الاغلبية يسون لهم ليزك بس فى قلة قليلة يكون تحديبة العين ما تنفع معاها الليزك يقوم الطبيبي يحدد لهم ليزر

و ان شاء الله اكون فدتكم خواتى

 

[BLack suGar]

منو أحسن دكتور يسوي الليزك ؟

 

[الغلا للغلا]

الدنيا حلوه .منو مسويلج العمليه وشلون نظرج اللحين علمينا انا بسويها وخايفه؟

 

[الدنيا حلوة]

مشكورين بنات والله ماقصرتو والله يخليكم لاهلكم انشاء الله
الغلا للغلا انا مسويتها عند دكتور غسان بشركه النفط مستشفى الاحمدي واللله لليلحين تمام ومرتاحه مع انع صارلي تقريبا اسبوع مسويتها سويها ولا تخافين توكلي على الله ترى اهيا سهلة وااايد

 

[style@style]

انا مسويه ليزك من ثلاث سنوات تقريبا عند عبدالله المنصور والحمدلله مرتاحه جدا واحس انه احسن واحد من دكاترة العيون بالكويت

 

[مغروره بس معذوره]

اي والله انا وايد اسمع عن الدكتور عبدالله المنصور والكل يمدحه

ومشكوره حبيبتي Harmony عالشرح

وااااااااي حدي ودي اسويها بس اخاف احس العين مكان حساس يخوووف بس تعبت من العدسات
انشالله اصير جريئه من الحين لما اكمل 21 علشان اسويها لان سمعت باللي اتسويها واهيا عمرها 20 مو زين او يرد نظرها فعادي الحين انا صارلي جم سنه ما سويتها فعادي انطر سنه وحده واسويها
بس ادعووووووووووولي