الي سجلتوا عيالكم لمدرسة الرؤية 9/2009؟؟ لو سمحتوا تعالوا

[Mrs. Finance]

السلام عليكم ..
خواتي انا بجري اسم الله عليه السنه الجاية اولى روضة .. و ما قدمت الا على الرؤية .. بس محد رد اتصل و قالنا شي قبلوا الاستمارة ولا لا احس اني معلقة و السالفة طالت !! في احد اتصلوا عليه من اولياء الامور او اي وحده عندها فكرة عن الموضوع؟ و امتحان القبول اشعبارة عنه؟ .. سامحوني ولية امر عليمية:krkrkr:

 

[اي اسم]

الاسبوع هذا بدوا يدقون على المستجدين بس بالدور اللي قدم اوراقه قبل يكون دوره في الامتحان قبل
يعني تحديد موعد الامتحان حسب تاريخ التقديم
وانت دقي عليهم لزيادة التاكيد

وتقدرين تقدمين على مدرسة الحياة ثنائية اللغة بعد اللي عند المواساة
المدرسة ممتازة والتسجيل فيها مستمر

 

[Mrs. Finance]

هلا اختي اي اسم .. مشكورة على ردج .. الصراحه قمت احاتي محد اتصل!
انا مقدمة الاوراق اول يوم التسجيل .. معناته احتمال ما انقبلت اوراقه .. بحاول اتصل اول الدوام عسى خير ..
الصراحة مدرسة الحياة هي خياري الثاني بس الي مرددني انها يديده و انا غشيمة و ما اعرف اوصل معلومة فخايفة اتعب معاه
عسى الله يكتب الي فيه الخير

 

[ريوف2]

انا اللي اعرفه ان المدرسة راح يدقون عليج قبل المقابلة بيوم (المقابلة حق ولدج) والمقابلات على ما اظن
راح تكون باخر هالشهر يعني احتمال الحين اي وقت يدقون عليج.. ولاتخافين ترى ادارة المدرسة زينة وحريصة.

وعسى الله يوفق ولدج ويخليه لج يارب

 

[رفرف]

انا كنت مسجلة بنتي قبل سنتين ما دقو علي ..

لما طقت جبدي ورحت سحبت اوراقها قالولي لييييش تسحبين احنا قابلينها !!
ومتى انشالله ناوين تبلغوني ؟؟

 

[Mrs. Finance]

السلام عليكم ..
:68_asmilies-com:
اليوم زوجى اتصل على المدرسة كلم وحدة من موظفات التسجيل تقول انهم خلاص اكتمل العدد:eh_s(1):
شلوون جذي ! ماني فاهمة اشصاير بالضبط ما اتوقع مداهم يتصلون على الكل و يمتحنونهم بهالسرعة و المفروض يتصلون يبلغونا انهم ما اقبلووه:0bee2e8d89:

 

[اي اسم]

هلا اختي اي اسم .. مشكورة على ردج .. الصراحه قمت احاتي محد اتصل!
انا مقدمة الاوراق اول يوم التسجيل .. معناته احتمال ما انقبلت اوراقه .. بحاول اتصل اول الدوام عسى خير ..
الصراحة مدرسة الحياة هي خياري الثاني بس الي مرددني انها يديده و انا غشيمة و ما اعرف اوصل معلومة فخايفة اتعب معاه
عسى الله يكتب الي فيه الخير

الحياة احسن من الرؤية 100 مرة
انا ولدي الكبير بالرؤية والصغير بالحياة وملاحظة الفرق
ميزة الرؤية الوحيدة تحفيظ القران والتجويد

ان شا الله خيرة ما قبلوا ولدج
وحياج تفضلي عندنا بتجمع امهات الحياة عشان تاخذين فكرة عن المدرسة

 

[ريوف2]

انا من رايي ان تدقين مرة ثانية باجر وتشوفين شسالفتهم بالضبط :eh_s(10):
والاحسن انج تحاجين "تغريد" <<< هاذي رئيسة قسم التسجيل

 

[Mrs. Finance]

اي اسم ..
مشكورة وايد على اهتمامج انا شخصيا وايد استفيد من مشاركاتج بالقسم و آخذها بعين الاعتبار:tek:
يعني تحسين من ناحية الشخصية ولدج الي بالرؤية تحسين انها مثل باجي الاولاد الي بعمرة يدرسون بمدارس الثانية و منهج الرؤية شنو اضاف له او لكم؟ .. يعني انا هذا الي مشجعني على المدرسة بالذات حتى القرآن وايد هامني
و الحياة .. شنو مميزها عن المدارس الخاصة الثانية؟ و من ناحية الشخصية هل بعد تحسين ببعض التميز بعيالج عن اقرانهم الي بمدارس ثانية؟

ريوف2 .. شكلنا بنمرهم باجر باذن الله و نكلم تغريد .. هي الكويتية؟
و عقبها بمر الحياة .. و الله يكتب الي فيه الخير

 

[حمامة الرؤية]

راجعيهم احسن ولا تنسين ان الاولوية للي لهم اخوان بالمدرسة وعموما تابعي الموضوع مع تغريد خوش وحدة وماتقصر والله يكتبلكم الخير ان شاء الله

 

[سر القلوب]

هلا حبيبتي
انا ولدي الوحيد وخاطري بالرؤية وسجلته بالرؤية وبس ومادقو علي ولما اتصلت عليهم قالو اكتفينا وخلوه على الويتنج لست وجدامه 10 وقالولي اشكره ترى الامل ضعيف
ونفسهم انصحوني اسجله بمدرسة الرسالة ثنائية اللغة يديدة بتفتح السنة الياية بالمهبولة واللي مأسستها سمية المطوع نفسها اللي مأسسه الرؤية نفس النظام ونفس الطريقة اتصلت عليهم وقالولي في اماكن اذا نجح بالختبار ينقبل عادي ورسومها الروضة 1500 والابتدائي 2200 انا باجر بروحلهم ان شاء الله

 

[Mrs. Finance]

السلام عليكم
حمامة الرؤية.. راجعناهم و للاسف مثل نا قلتي مكتفين و حاطين اسمه بالويتج .. مع انهم كانوا معشميني ان بينقبل بس الحمدلله على كل حال خيرة ان شاء الله
سر القلوب.. انا الي اعرفة الى ماسسه الرؤية اسمها نسيبه مو سمية .. و الرسالة غير اعتقد انها مدرسة عادية مو اسلامية اذا عرفتي معلومات عنها لا تبخلين علينا
رحنا الحياة العالمية و قالوا لن في اماكن و الله كريم

 

[SaRaA]

بنات انا سجلت ولدي حق الروضة وبنتي حق الحضانة ثاني يوم افتحوا التسجيل .... تخيلوا دقيت عليهم اليوم قالولي الروضة خلاص دقينا على الطلبة المقبولين وخلصت الاماكن والحضانة الاسبوع الياي ابلشون المقابلات

 

[SaRaA]

السلام عليكم
حمامة الرؤية.. راجعناهم و للاسف مثل نا قلتي مكتفين و حاطين اسمه بالويتج .. مع انهم كانوا معشميني ان بينقبل بس الحمدلله على كل حال خيرة ان شاء الله
سر القلوب.. انا الي اعرفة الى ماسسه الرؤية اسمها نسيبه مو سمية .. و الرسالة غير اعتقد انها مدرسة عادية مو اسلامية اذا عرفتي معلومات عنها لا تبخلين علينا
رحنا الحياة العالمية و قالوا لن في اماكن و الله كريم

اختي مدرسة الرسالة مدرسة اسلامية إلي أسسها طارق السويدان وشعارها وأهدافها نفس قناة الرسالة ولهم موقع على النت

 

[Mrs. Finance]

السلام عليكم
اختي ساره
انا امس سويت بحث على قوقل و شفت موقعهم و عرفت انها اسلامية .. بس اشك انها تابعة د. طارق السويدان و حتى الشعار يشبهه بس مختلف فمادري انا ودي بمردسة اسلامية بس متردده لانها اول سنه و مو مستعدة ان ولدي يكون حقل تجارب خاصة ان ولدي يبيلة مجاابل مو مثل باجي الياهال عسر و دلووع الله يهديه:0bee2e8d89: ان شاء الله يقبلون بنتج بالحضانه على شان تصير اسهل عليكم قبول اخوها السنه الي بعدها باذن الله

 

[حمامة الرؤية]

مدرسة الرسالة مؤسستها سمية المطوع وهي مدرسة اسلامية وتقريبا نظامها نفس نظام الرؤية يعني الي مايلقه مكان بالرؤية يروح يسجل في الرسالة وعلى فكرة سمية كانت من مؤسسين مدرسة الرؤية ومديرة الرؤية سابقا يعني ان شاء الله ماتحاتين الادارة لانها خبرة واكيد بتختار استاف جيد

 

[al7noona]

انا بعد سجلت بنتي وكل ما ادق اقولهم قبلتوها يقولون نطري ندق عليج علشان الامتحان وعلى يوم رحت لهم قتلهم عطوني كلمه وحده قابلينها ولا لا ولا تعفس ويها تقول لا مو مقبوله جان اخليها وامشي بطت جبدي