الي ستخدمت بيبي سبرين للحمل

[فخر البداوه]

بنات الي تستخدم بيبي السبرين للحمل شنو حست باعراض
ينزل معها دم
فيدوني كتبو كل الي حسيتوو فيهه

 

[New_bride]

انا خذته بحملي الاول وماكان له اعراض لاني كنت اخذه مع مثبت

هالحمل من بديت اخذه بروحه نزل مني شوي دم وقفته كم يوم ورديت خذته و بعدها بشهر بعد نزفت رحت سويت تصوير الدكتوره قالت كل شي طبيعي والرحم فيه كتلة دم ونطرت الدم يوقف ورديت خذته مره ثانيه والحمدلله لحد الحين مافي اي اعراض


اذا انتي تاخذينه وتنزفين لازم مثبت وتوقفين الاسبرين فترة النزيف لان الدم يكون سائل وايد ومب خاثر

 

[فخر البداوه]

حبيبي يجزاج خير رديتي علي بين ال18 الي يدشون ولاحتي دعوة
انا اخذه مع مثبت جل بس اليوم نزل افرازات بني مع دم يعني هقوتج منههه

 

[لوولوو_88]

انا أخذته ما حسيت بشي بس مفيد البيبي اسبرين يسوي سيولة بالدم عشان يساعد وصول الدم للمشيمه يتغذى و يمنع التجلطات و قطعته آخر السابع بحملي

و مو منه الدم الي ينزل منج ماله شغل و الدم تخافين منه إذا احممر نفس الدورة انا اذا بني و خفيف ماكو إلا العافيه وايد بنات اول حملهم لازم ينزفون

وربي اتمم عليج بصحة و عافيه

 

[فخر البداوه]

اي لوولو حبيبتي البعض ينزف منه ويوقفهه والبعض لا سبحان الله
االله يتمم ويثبت وان شالله مافي الا الخير

 

[New_bride]

الدم معاه مغص او الم
اذا لا ان شاء الله ماعليج شر

طبعا لازم تشوفين الدكتوره
وقلت لج اللي ياخذون اسبرين وينزفون لازم يوقفونه لين يوقف النزيف بعدين يرجعون له

 

[نجمه السيد]

اني كنت اخده من اول حملي لين الشهر التاسع من الحمل وهويساعد على سيوله الدم ويغدي المشيمه ويمنع تجلطات الدم ولاصابني منه اي نزف دموي مفروض تراجعي الدكتوره وهي الاتقرررلش ادا تستمري عليه لولا

 

[Om_il3ubed]

هلا حبيبتي

انا اخذه بكل حملاتي لان عندي المشيمه ضعيفه و ماتغذي البيبي وعيالي دايما ايبهم صغار وايد.. فاخذه لي نهاية الشهر الثامن

والحمدلله مافي اي اعراض غير ان استفدت ويبت ولدي فوق الكيلوين الحمدلله


الله يسهل عليج

 

[الأميرة جوري]

حق شنو اسمع فيه بس ما اخذته ؟؟؟؟؟

 

[فخر البداوه]

حق سيولة الدم يوصل للجنين
بس لستخدمتهه ببدايه حملي نزل دم قالو وقفيه وعفب رجعيله

 

[# غنوجة بيبي #]

الله يسهل عليج

انا فبنتي اخذتهم و اخذت معاهم ابر سيوله هم

لان عندي تجلطات بالدم خفيفه

و الاعراض خشمي كان ينزف

ما يمر اسبوع الا و نازف

و سهالات الحمدلله فتره و تعدي

ربي يحميكم

 

[جوري الكويت]

البيبي أسبرين ينفع حق انفصال جزئي بالمشيمة و لا

 

[noo7a]

انا اخذه بحمالاتي لان كان معاي اجهاض سابق

اهو يسوي سيوله للدم عشان يوصل الدم للبيبي و يتغذى

كان ينزل علي دم بس اخذ مثبت

حتى كنت الاحظ خشمي هم وايد يطلع منه دم من ابلش اخذه

 

[فخر البداوه]

انا وقفتهه وقالت ردي خذيههه
اخاف ينزل دم لستخدمتهه هي تقولي مراح ينزل مادري عاد

 

[ام فوااز]

انا خطبته بحملي السابق بدايه الشهر الثالث وصفولي إياه الحكومة لان كان عندي إجهاض سابق انصحج فيه وماله اي أعراض بالعكس يغذي المشيمه ويوصل الأكسجين والدم عدل حق البيبي بس لازم تاخذينه وصفه من دكتورتج أفضل