الي ساكنه مع اهل الزوج

[ناتشوو]

ماادري ع حسب نظام الزوارة
هل تعتبر رسمية وعيب تتركينها
ولا عادي
زوارتهم
انا اشوف اذا مايتشرهون او يعتبرون وجودج ضروري ويزعلون
عادي روحي لاهلج
يومين بعد مو بس يوم

 

[shak!shoka]

لا تقيدين نفسج كل اسبوع زايرتهم


يمعه و يمعه لا احسن

ياخذون راحتهم
و يشتاقون لج


واذا يمعة اهلج اليمعه خلاص الغي زوارة حمولتج خاصتا وانتي ساكنه عندهم

 

[قويت انسساه]

/-


مإلي وقت محدد بزوارة اهلي .. متى ماتجمعنا رحنا * بس آلجمعه اجبأري غدأ خخخ

وحموأتي كذألك مالهم وقت محدد ..

رأي مالج شغل بزوارت حمواتج اهم زايرين امهم مو زايرينج فا عشان جذي سلمي وقعدي ساعه ساعه ونص

وصعدي دارج خل ياخذون راحتهم ... هع

 

[Bnt-USA]

انا عن نفسي ما أأيد ان الوحده تقعد يوم الجمعة عند خالتها


لان بهاليوم يتيمعون اهمه مع بعض ويبون يسولفون على راحتهم !!


احس فشلة اقعد عندهم ،،


انا انزل لهم تقريبا كل يومين مره وساعات يومين ورا بعض انزل كل يوم

حسب ما شفت نفسي فاضيه وزوجي بيطلع وانا قاعده انزل


ولما انزل يكونون حمواتي موجودين يحلوهم :$

ف نسولف ونضحك ومتى ما رد زوجي من الدوانية اصعد قبله بشوي عشان اتزهب

بس يوم الجمعة ما احب اقعد عندهم احب اخليهم براحتهم

 

[8mr ta7a]

شكرا

يعطيك

ألف

عافيه

ع الموضوع

 

[خزنه ومزنه]

انا انصحج الله الله بحمولتج واهلج لاحقه عليهم طوووووول الاسبوع وباي وقت تقدرين

 

[njoom1]

اول كنت وايد محافظه علي زوراه اهل ريلي بس الحين بطلت لان ماكو فايده وماشفت نتيجه سنعه مع اني ساكنه عندهم بالييت بس احس اسبوع اقعد معاهم ولي عقبه لا

احسن وكافي للبعد عن المشاكل

 

[Wissal.84]

لا حول ولا قوة الا بالله

 

[Patcholli]

روحي حق اهل زوجج اذا اهم طيبين وخوش ناس ومو شرط تروحين كل اسبوع روحيلهم اسبوع وترك انا ماحب اتقيد وياهم بس الصراحه اهل زوجي خوش ناس وطيبين بعد مابي اخسرهم احب اتواصل معاهم واكون قريبه

 

[م بقئ إلآ القليل !]

خلي جمععه وحده ب الششهر لهم
والباقي عند اهلش ع قولةة البنات افتكي من القيل
والقال
وانا توني متملككه وقالوا اني راح اسكن معاهم ومتضضضايقه ي اختش من
هالموضوع ????

 

[ٱستۆطنت خٱفقهْ]

هلا وغلا :$

امممم انا عند حمولتي وهمن زوارتهم الجمعه واهلي الجمعه

امرهم اسلم واقعد شوي واطلع
منها وجبتهم ومنها خليت لهم خصوصيتهم
وبنفس الوقت اهلي لهم حق علي اكون موجوده بالزواره اللي اهي اساسا لنا احنا



انا جذي وساعات ماروح لاهلي الجمعه احظر زوارة حمواتي بس مره بالشهر

ماحب اكون ثقيلہ وبنفس الوقت ماقصر بامي

عسا الله يهديج لزوجج واهلہ ويهديهم لج ؛$

 

[الاحساس]

والله متى مابغيت اروح لأهلي رحت مالي شغل بأحد

 

[kndora]

مره روحي مره لا تروحين لا تعودينهم علييج

 

[اريج الجوري]

هلا وغلا :$

امممم انا عند حمولتي وهمن زوارتهم الجمعه واهلي الجمعه

امرهم اسلم واقعد شوي واطلع
منها وجبتهم ومنها خليت لهم خصوصيتهم
وبنفس الوقت اهلي لهم حق علي اكون موجوده بالزواره اللي اهي اساسا لنا احنا



انا جذي وساعات ماروح لاهلي الجمعه احظر زوارة حمواتي بس مره بالشهر

ماحب اكون ثقيلہ وبنفس الوقت ماقصر بامي

عسا الله يهديج لزوجج واهلہ ويهديهم لج ؛$

انا مثلج بالضبط ما احب نظام اللي لازقه بحمواتها وحمولتها وتعبدهم عباده وتنسى اهلها من تزوج حمواتج جمعتهم حق امهم وحق بعضهم بيشوفون بعض بياخذون راحتهم

بيحشون هههه مايبونج قاعده على قلبهم جنج مراقب عليهم وجمعة اهلج مهمه لانها لج ولامج ولخواتج شلون ماتروحين لهم

وكافي اقعد معاهم بالعيد ورمضان وفي مناسباتهم ما اقطعهم واقوم بواجبهم كامل لكن مالغي نفسي واهلي واجباتي تجاه اهلي

خليج مثل نسمة الهوا البارد خفيفه وسريعه والكل يبيها ويشتاق لها

 

[أم معاذ الكندري]

حبيبتي انا عايشه عند حمولتي وزوارتهم يوم اليمعه واهلي بعد يوم اليمعه
فا اسبوع اتغدا عند حمولتي وامشي قبل المغرب بشوي حق اهلي واليمعه الي وراه اتغدا في بيت اهلي وقبل المغرب بشوي اروح حق حمولتي
عشان ترضين الطرفين
ومهما كان هذي حمولتج اذا قدرتيها تعتبرين انج مقدره ريلج

 

[# غنوجة بيبي #]

انا عن نفسي خميس و جمعه و سبت عند اهلي

 

[انا فجر]

ايذا زوجك راضي اتروحين لاهلك
وماتحضرين جمعهه اهله
عادي اهم ششي زوجك وش عليك منهم