الي زوجها عدد حيواناته المنوية صفر نشاركنا الموضوع

[lolaaaa]

انشالله وانتي بعد طمنينا شنو يصير و ياج و انشالله رحمه الله كبير ويمكن حامل باذن الله و تدعيلي الله يرزقني مثلج قولي امين

 

[ماي الورد]

ااااامين ياقلبي ونولد كلنا الي بالمنتدى بيوم واحد

 

[miss_lymoona]

بنات انا زوجة حماي مثلكم زوجها حيواناته المنويه صفر اتمنى تساعدوني
واتمنى افيدهم بشي اللي تعرف شي يقول الحيوانات المنويه ياريت تفيدنا

 

[ماي الورد]

_ 500جرام من عسل النحل
_200جرام من غذاء ملكات النحل
_50جم من لقاح النحل
_100جم جننسنج
_200جم حب العزيز
_50 جم صنوبر
_30جم من الحلبة ( او يؤخذ مقدار ثلاث ملاعق كبيرة من الحلبة الخضراء الطازجه

او بأمكانه استبدال الحلبه بحبوب ( الماش ) لانه يؤدي نفس الغرض

_30جم سمسم

تخلط مع بعض ويؤخذ منها مقدار ملعقة كبيرة يوميا لمدة 41 يوما على الريق

قريت هالوصفة بواحد من المنتديات ويقولون استفادوا منها للي حيواناتهم المنوية صفر بنسبة 5 % واعتقد اغلب المكونات موجودة عند العطارين

 

[lolaaaa]

صباح الخير
ماي الورد ابدي اسالج عن الوصفة الى كاتبيتها شو رايك يجربها زوجي ؟

 

[ماي الورد]

حبيبتي والله انا كلمت الرجال بنفسي قال لي مفيدة وايد وانا كتبتها خصيصا للي حيوانتهم المنوية صفر المشكلة احنا نكتشف الخلطات الوصفات بعد ما نبدا بالطب الجراحي كم مدة قال لكم الدكتور راح تطول الابر اذا زوجج للحين ما بدا بولا علاج خليه يستخدمها تراها مفيدة حتى شوفي مكونتها كلها اعشاب انا مسكت سطر سطر وبحثث فية يكتبون لي انها مقوية او مفيدة وانها ما تضر

 

[lolaaaa]

انشالله بس رح اغير بشوي مكونات (الحلبة ) زوجي ما يحبها خير شر حتى ريحتها ينفرمنها انتي شرايج ؟

 

[ماي الورد]

ترى الحلبة مفيدة احسن من الماش بعدين اهيا بتكون مخلوطة مو حبوب راح تكون بودرة والحين احنا على ابواب الشتاء يعني ما راح تاثر عليه انتي اخلطيها من غير ما يعرف شنو مكوناتها مو شرط يعرف ايش فيها بظبط ياقلبي

 

[lolaaaa]

ادعي انو ما يكتشف الموضوع عشان لا يذبحني ساعتها هههههههههههههههههههههههههههه بسبة الحلبة قاعده احاتي شلون بياكل العسل و الحين وياهم الحلبة

 

[ماي الورد]

حطيها وامرج لربج اذا سالج شنو مكوناتها عدي وخربطي من المكونات الا الحلبة لا تجيبين طاريها بعدين راح تنذفن مع العسل وخلاص والله يكون بعونج ياقلبي على التشجيع يبيله طوله بال ترى

 

[lolaaaa]

ماي الورد فشلت الخطه امس و عرف بموضوع الحلبة من ريحت العسل و تانيا عصب و قط العسل بالزبالة شسوي اي شي غير الحلبة

 

[ماي الورد]

خلاص ياقلبي لا تضغطين علية لان اهم خطوة بالعلاج النفسية تكون مرتاحة اذا كان مو متقبلها صعب تجيب نتيجة وياه اصبري لين تجيكم الابر ويصير خير ياقلبي
وانا موضوعي بخصوص الدورة على حطه ايدج قال لي ريلي بزعل منج لو سويتي تحليل الحين اقل شي انطري للاسبوع الجاي

 

[lolaaaa]

اشالله خير ياقلبي انت صابرة و مؤمنه و انشالله الله بعوضج خير امين

 

[ماي الورد]

الله كريم ياقلبي نشوف الايام لا وين توصلنا

 

[miss_lymoona]

شنو غذاء ملكات النحل وين احصله

 

[ماي الورد]

تلقينه عند عسل العويد المضمون بس عندي لج طلب صغير لا اشتريتية او حصلتية باي مكان غيره ياريت تقولين لي بكم جبتية ؟؟

 

[miss_lymoona]

جم سعره حبيبتي؟؟
بس يمدحون العويد اخاف مكان ثاني مو نفس المفعول

 

[miss_lymoona]

عاد تدرين انا للحين مارحت سويت فحوصات حق الحمل انشالله الشهر الياي
صج يقولون مايصير الا بوقت الدوره؟؟

 

[ماي الورد]

اي ياقلبي عشان يحسبون لج عدل متى ايام التبويض عندج كم صار لج متزوجة انتي ؟؟

 

[ماي الورد]

لولا ابشرج شرفت ام عباس الحين ودقيت على الدكتور وخذيت موعد منه المصيبة ان حسبت راح يصادف موعد الترجيع مع ايام العيد او يوم الوقفة عاد انا مالي خلق انطر لين دورة شهر 12