الي زوجها عدد حيواناته المنوية صفر نشاركنا الموضوع

[رمز الموده]

انا زوجي حيواناته المنويه صفر وهرموناته متخربطه شنو تنصحوني

 

[Coffee-Girl]

نصيحه خليه يروح مستشفى مبارك قسم الغدد الصماء عند دكتور سهيل الهندي او وليد الضاحي وان شالله يتشافى

 

[رمز الموده]

نصيحه خليه يروح مستشفى مبارك قسم الغدد الصماء عند دكتور سهيل الهندي او وليد الضاحي وان شالله يتشافى

مشكوره حبوبه بس في احد تعالج عندهم واي احلى واحد فيهم وليد ولا سهيل

 

[احب الخير للناس]

خووووش حبوب جدا ممتازه وفاعله والافضل ياخذها مع مانع الاكسده بالجسم لانها هي الي تسبب قتل الحيوانات
وعدم تكوينها
speman + (((antioxidant)))+ vitamin E
لازم هذي المجموعه مع بعض لكي ياخذ العلاج حقه
مع العلم كلهم سعرهم مايتعدي ال 10 دنانير
اربع حبات باليوم speman
حبتين باليومantioxidant
حبتين باليومvitamin
والله يعافيه ويرزقج الذريه الصالحه ويفرح اقلوبكم

 

[sweet_love]

السلام عليكم انا جديدة في هذا المنتدى وفي الحقيقة شدني الموضوع كثيرا وخصوصا ردود الأخوات واللي اتمنى لهن ومن كل قلبي ان يرزقهن ويرزق كل محروم الذرية الطيبة...وانا قررت اسرد قصتي وتجربتي وذلك لغرض مشاركة الأخوات الاستفادة منهن والدال على الخير كفاعله...
انا تزوجت من اربع سنوات تقريبا وكان زوجي يقول لي انه اوقاتا تجيه بعض الآلام في الخصيتين فقلت له ليش ما تروح الطبيب قال ان شاء الله وسوى موعد وراح .فحص الطبيب الخصيتين من الخارج وحصل انه يوجد لديه دوالي كبيرة في الجانب الأيسر بس زوجي تجيه الآلام أكثر في الجانب اليمين عاد الدكتور يسوي نفسه فيلسوف قال يمكن انه الألم ينتقل الى اليمنى..المهم قال لزوجي احسن شئ انك تعمل تحليل للسائل المنوي لنتأكد هل الدوالي مأثرة على الحيوانات المنوية او لا...
قرر زوجي يعمل التحليل..وكان كثير متخوف لا تكون النتيجة سلبية..تصوروا لما راح يشوف النتيجة ويش طلعت..؟صفر!!! زوجي انصدم كثير وحزن لكن في نفس الوقت كان أمله بالله كثير..
المهم قال للدكتور ويش الحل الحين؟قال الدكتور لازم اسويلك خزعة ويعني في النهاية لازم تلجأ للتلقيح الاصطناعي حتى اذا عملت عملية الدوالي..قرر رجلي يسوي عملية الدوالي وعملية أخذ خزعة في نفس الوقت واذا لقوا حيوانات منوية يجمدوهن..
عمل العملية ومن افاق قاله الدكتور انهم حصلوا حيوانات منوية كثيره داخل وجمدوهم الحمدلله...بعد العملية زوجي كان مهموم ولكن في نفس الوقت يخطط لعمل عملية الحقن المجهري والذي قررنا انا نسويها في احد الدول العربية لكن بعد شهرين او ثلاثة اشهر من العملية...وفي هذي الفترة كان زوجي كثير الاستغفار والدعاء بنية الاولاد وقرر يختم القرآن بنية الاولاد يعني كل يوم يقرأ جزء وأيضا راح لطب شعبي بديل وعطوه بعض الادوية يقولوا انها تزيد في عدد الحيوانات المنوية..وأيضا داوم على خلطة العسل مع الحبة السوداء...
راح زوجي عشان يحجز تذاكر عشان نسافر لعمل العملية بس بالمناسبة الامر كان سري يعني ماحد يعرف من طرفي او طرفه قلنالهم بس نروح نعالج عشان التهابات..
قبل موعد السفر باسبوع تاخرت عندي الدورة يعني يومين وكانت آلام مو طبيعية قلت حال زوجي اريد اجرب جهاز فحص الحمل..رد علي يضحك ومعصب في نفس الوقت شو يعني تستهزئي والا تحلمي وكلام من هذا النوع.المهم اني اصريت بعد يومين قالي زين عشان بس تسكتي ولو اني عارف النتيجة..جابلي الجهاز وفي اول الصباح في اليوم التالي عملت الفحص..وكنت اغمض عيوني وافتح شوية شوية اشوف الجهاز تصدقوا ولا في الحلم اشوف خطين!!! ما صدقت قلت يمكن احلم بس صحيح خطين.. دقيت على زوجي قلت له لما يكون النتيجة خطين ويش يعني رد علي قال حسب ما مكتوب انها نتيجة ايجابية يعني حمل..قلت له عجب مبروك انا حامل وطار زوجي من الفرحة وبعدنا مو مصدقين ورحنا مستشفيين عشان نتأكد وقالو لنا حامل..الحمدلله الحمدلله الحمدلله.. بعد 9 اشهر رزقت بولدي ابراهيم وهو الحين 3 سنوات الله يحفظه لي يا رب..
أعتقد اني طولت عليكم كثير بس بعدني اريد اكمل...
زوجي راح للدكتور الاستشاري اللي قال مستحيل صعب احمل بس ما شئ صعب ولا مستحيل عند الله..ولما واجهه زوجي بعد سنة ونص من ولادتي عاد رد الدكتور انا ما قلت مستحيل انا قلت الله كريم يعني كلامه اول غير وتو غير..
بعد سنتين من ولادتي ما كتب لي اني احمل مرة اخرى.. زوجي قال اروح افحص مرة اخرى قال يمكن احصل ضعف او نقص.. تصدقوا ويش طلعت النتيجة؟؟ صفر مره اخرى!!!!
يعني كنا قلنا خلاص يمكن شفي زوجي بس الظاهر النتائج تقول عكس ذلك يعني كل شئ تمام الا الحيوانات المنوية صفر!!وهذ الدكتور الجديد يقول نفس شئ ما عندكم حل الا التلقيح المجهري بس انا وزوجي صرنا ما مقتنعين..لانه النتائج شئ والواقع شئ آخر وفي نفس الوقت ما نريد ننتظر أكثر..
فبصراحة ما نعرف ويش المشكلة؟؟علما ان زوجي سوى اكثر من تحليل وتطلع نفس النتيجة!!اريد من الأخوات اللي عندهن او سمعن بنفس هذي الحالة ان يشاركني.يعني كان الزوج تحاليله صفر بس حصل حمل طبيعي..وهل هناك من سبب قد يؤثر في التحليل وتطلع النتيجة صفر؟؟
أعتذر عن الاطالة مرة أخرى

 

[sweet_love]

أشوف ما شئ ردود

 

[حبيبة ماماتي]

حبيباتي كل وحده تشوف هالموضوع انا وحده عانيت بتأخر الإنجاب وتميت سنه واكثر ماخليت دكتور ولا مرا إلا ورحتلها ورحت الاردن ومصر عشان العلاج ولا في فايده وانا اصريت إن يكون حملي طبيعي وكل ماروح اسوي تحاليل او سونار يقولون كل شي اوكي بس تعرفون الماده والفلوس تمشي بدمهم يكتبلي الدكتور على ابر ولا حبوب ومنشطات يقول نجرب والباقي على ربنا قلت مو مشكله بس التحاليل وكل شي انا اسويه وريلي عنده حساسية من موضوع التحاليل لأن الريال دام اهو مافي شي والعيب من المرا:0bee2e8d89: ... بس لما زعلت وقلتله لا تروح تحلل ولا كل واحد بطريج انا نفسيتي تعبت أكثر من سنة ونص وانا اتعالج وانا مافيني شي وماخليت شي ماخذيته وطبعا اهل ريلي جدام الناس انا اللي فيني العيب وانا ما استمر على الادوية ... المهم قلت حق ريلي يا تشوفلك صرفه وتحلل واذا فيك شي تعالج يا خلاص انا ماقدر اتم معاك اكثر عمري يمشي وانا اشوف اللي قبلي وبعدي يابوا بالإثنين وثلاث الله يخليهم لهم وانا قاعده جذي انا ماقدر نفسيتي تعبت ورحت عند اهلي وسكرت جهازي وخذيت خط يديد لي بروحي حق جم شخص مهمين لي ... وتميت تقريبا 3 شهور او 4 عند اهلي لين يا وقالي انا ابيج وانشاالله يتعالج وقال انا من زمان محلل وماقدرت اقولج ان فيني ضعف ولا قلت لأحد بس الحين انا قمت اتعالج وخلاص .. المهم رديت معاه وتميت شهرين ولا في فايده حرام ماخل دوا ماخذا ولا خلى شي والتحاليل مثل ماهي عدد الحيوانات قليله نص مليون وسرعتهم وايد بسيطه ويموتون بسرعه المهم سمعنا ان في شيخ يسوي حجامه لرياييل ووايد ناس يروحوله وفي ناس تموت او 6 سنين وماياهم عيال والريال كان عنده نفس مشكلت ريلي راح للشيخ وسوا حجامه 3 او 4 جلسات وبأايام محدده سنه من الرسول(عليهم الصلاة والسلام) ومرته حملت ... راح اهو عند الشيخ وعالجه وعطاه عسل وكريم والحمد لله التحاليل اللهم لك الحمد ممتااااااااااااااااازه وانا يتني وحده تسوي حجامه قلت لها تسويلي كاسات هواء وفحصتني قالت السره والرحم مو بمكانهم الطبيعي وسوتلي كاسات حتى على بطني وسرتي حتى بالهوا اللي فبطني خف وحطتلي زيت وظلت تفرك فيني وتفرك فيني قلتلها شوي شوي اخاف اكون حامل قالت بعد اللي سويته لج انشالله ماراح تشوفين الدورة وصج حمدلله انا الحين حامل والف حمدلله والشرك يا رب الله يستر علي انا واللي فبطني محد مصدق وكل من درى يشهق جني حملت من ليلتي وانا صارلي فوق السنتين متزوجه استغفر الله ...:0bee2e8d89:
ادري طولت عليكم .... وقرقت وايد ههههههههههههه بس حبيباتي اي استفسار على الشيخ للرياييل ولا المرا اللي تعالج تقولون بالخاص وانا من عيوني اطرشها الرقم .. وهلى الفكرة المرا تيي البيت وعلاجي كلف 50
الله يرزق كل وحده تعبت وشقت وخاطرها بالضنا انشالله يا رب

 

[حبيبة ماماتي]

sweet
حبيبتي انا ريلي كان يعاني من الدوالي وسوا العملية وظلت النتيجه وحده شبهه معدومه وبعد ماراح عند شيخ وسوا حجامه ولها مكان معين بالجسم حمد لله زادت الحيوانات وطبعا كان معطيه عسل وكريم والحمدلله نصيحه خلي عنج التلقيح وخليه يكثر استغفار وانوي نية اذا حملتي يا تذبحون بنية ان الله استجاب وتم الحمل او انكم تصدقون او اي شي ..... وانتي بعد كثري استغفار وحاولي انيت وزوجج تختمون القرآن

 

[sweet_love]

شكرا حبيبتي حبيبة ماماتي...
بس يمكن مشكلة زوجي انه ابدا ما تظهر حيوانات منوية ف السائل المنوي وبالرغم كذي حملت!!! والحين مره ثانية اريد احمل بس النحاليل تقول صفر...وزوجك انتي يعني فيه حيوانات بس ضعيفة يعني تختلف عن حالتي شوية

 

[خــلــود]

فطفوطه انا سئلت الدكتور عن البروكسيد بلس قالي عادي جدا نصرفه بالتلفون مامنه ضرر فيتامينات ومعادن

 

[sweet_love]

أشوف ما فيه تجاوب ولا ردود ما اعرف ويش السالفة!!!

 

[رمز الموده]

بنااااات وينكم شفيكم نبي تفاعل اكثر نفيد ونستفيد عفيه بنات

 

[sweet_love]

أشوف هذا الموضوع ما حد يتابع...نبي تفاعل بنات

 

[sweet_love]

للرفع

 

[رمز الموده]

بنات وينكم نبي تفاعل

 

[رمز الموده]

اب
اب
اب

 

[رمز الموده]

اليوم زوجي اخذ من عسل المرشد عسل عشان يعيد تحاليله مره ثانيه ويااااااااااارب تزيد الحيوانات المنويه من صفر الى 20 مليون ياااارب

 

[خــلــود]

الهم امين

 

[كلي أمل]

مرحبا بنات
شلونكم واعذرونا على التأخير

أنا زوجي أخذ عسل مع الخلطه لمده شهر و حلل و هم نفس الشي و بعدها بدا بخلطه اقوى منها و استمر شهر ولا في فايده نفس الشي صفررررررررررر واللحين هم صارله شهر مستمر يعني بيصيرله 3شهور بس الشي الجديد انه شرا الادويه اللي قالت عليهم اختنا الله يجزاها خير ((((أحب الخير للناس))) وانشالله يبين شي وأبشركم

بس انتم شخباركم؟؟؟

 

[رمز الموده]

مرحبا بنات
شلونكم واعذرونا على التأخير

أنا زوجي أخذ عسل مع الخلطه لمده شهر و حلل و هم نفس الشي و بعدها بدا بخلطه اقوى منها و استمر شهر ولا في فايده نفس الشي صفررررررررررر واللحين هم صارله شهر مستمر يعني بيصيرله 3شهور بس الشي الجديد انه شرا الادويه اللي قالت عليهم اختنا الله يجزاها خير ((((أحب الخير للناس))) وانشالله يبين شي وأبشركم

بس انتم شخباركم؟؟؟

هلا حبيبتي
انا بعد زوجي نفس حالة زوجج انا عند لخبطه بالهرمونات انتي شنو فيه بالضبط زوجج