الي ريلها دوامه شفتات تدخل ..

[الشاهينه]

دوام الشفتات يلوع الجبد بس تعودت شسوي

 

[فيافي]

يحسرتي ريلي حولوا دوامه شفتات اشلون انام ؟

 

[نسيانك صعب]

انا دوامه يوم بيومين اوف بس بصراحه مااعرف انام بليل مرات اروح عند امي لاني حييل استاحش بس الحين صعبه بنتي عندها روضه وطريج من بيتي لبيت اهلي الله يعينج ويعنا معاج الله يسر امورنا

 

[دلووعة ابووها]

انا ريلي دوامه شفتات اربع ايام دوام و يوم اوف .. و الله تشوفين اعصابي خلاص افلتت لاني اداوم اذا كان دوامه عصر انا ارجع اهو يطلع و مانشوف بعض الا بالليل و ساعات اكون نايمة ، واذا دوامة ليل الله لا يوريكم النومة تطير من عيوني كلا خايفة واتقلب احاول انام و اذا نمت كوابيس طبعا ماشوفه بعد لان يرجع انا اكون بالدوام و اذا رديت يكون نايم يقوم يتعشى و يروح الدوام هذي حالتي معاه صارلي 3 سنين ، بس هذا رزقنا الحمدلله على كل حال احسن من لا يطلع مع ربعه و يسهر طول الليل بره

 

[بيتي بوب بس كويتيه]

وي انا مستانسه انه دوامه شفتات اهتم بعمري آخذ ريلاكس
اقوله ما اقدر انام وانت مو موجود بس وحياتج انام نوم>> اقص عليه

 

[مسك أبيض]

انا زوجي شفتات وكل اسبوع شفت وشفت الليل 5 ليالي وماعندي اولاد بس تعودت خلاص احاول اشغل حالي بأي شي انظف او على النت والتلفزيون واقرا وانام بس خلاص لازم اصبر عشان زوجي وحياتنا وبيني وبينك انا حابه هالشي عشان نشتاق حق بعض ونظل كأنا عرسان ...