الي ريلها حلو ومزيون ادش ابيها

[brettey]

رد : الي ريلها حلو ومزيون ادش ابيها

لا توسوسين ان ظليتي تفكرين بهالشي صدقيني بصير
وخليج واثقه فيه وبنفسج
والله يحفظكم من العين

 

[LOLETA]

احاول اوصله فكرة
اانه الناس ناقدين على ضعفه

يعني على المتن كان وايد
احلى


لاتوصلين كلام اي وحدة من رفيجاتج له

 

[فراشـهـ]

رد : الي ريلها حلو ومزيون ادش ابيها

الثقه وبس ليه اتعبيني نفسك

 

[~بنت مطير~]

رد : الي ريلها حلو ومزيون ادش ابيها

واااااااي انا زوجي
مزيووووون بس متيييييين
دايم يقووول ابي اسوووي رجيم
بس يوووم سمعت سلفتك
خلاااااااص مستحيل اخليه ينحف

 

[RoWaIsHeDyA]

رد : الي ريلها حلو ومزيون ادش ابيها

الله يخليه لج ويبعد عين البنات عنه ,, حبيبتي انتي بعد غيري لوكج ضعفي مثلا غيري ستايلج حسسيه انكم لايقين على بعض ولاتخلين افكارج تخرب بيتج وادعى ربج والله ان شاء الله يسمع دعائج الله يحفظكم من العين

 

[جنون العشق]

الحمدلله انا احلا منه بوايد

 

[بنوت بنوت]

قبل تقريبا 7 سنوات ريلي سوا رجيم قاسي وضعف وانا كنت حامل ما قدرت اسوي معاه ومريت يالي تمرين فيه
لكن الحيييييييييين انا سويت العمليه وضعفت واهوا الي رجع متن ومينني بغيرته بس صج ونااااسه لما اشوفه يغار
فنصيحه لا تبينين له هالغيره لا يشوف روحه علبج وتحلا السالفه بعيونه وتقلب صج

 

[نـعـومـه]

رد : الي ريلها حلو ومزيون ادش ابيها

وين المشكله ؟؟

ترا الحلو والشين نفس الشي بهالزمن والخاين خاين ماله شغل اذا كان حلو ولا موحلو

انا استانس اذا احد مدح زوجي عادي استانسي بس اهم شي خليه يرقي نفسه لانه كان متين وضعف والناس عيونها على اللي يضعفون .. طبعا القصد ناحيه الحسد لانه في ناس صعب عليهم الضعف ولما يضعف شخص يبققون عيونهم ويستغربون شلون ضعف

 

[smily girl]

يااااي حاسه فيك

بس انا اللي قاهرني ان زوجي مبسوووط ان البنات تطالعه بالسوق

عاد اخرتها قلت انا لو مولابسه نقاب كان كل الناس تطالعني ومره انقهر

ومعاد عاد الموضوع

اما الاقارب مثلا ام زوجي وخواته بالعكس دايم يقولون لايقين ع بعض

بس تدرين مين اللي مجنني؟؟ زوجات اصدقاه تخيييلي؟؟ وحده تقول

كل بنات الكويت ماعجبوه واخذك انتي وش سويتيله/طبعا انا سعوديه ومابينا قرابه

بس ابوي وابوه شركا عمل وتعرفنا ع بعض

المهم يجيني كلام كثييير ونغزات تقهر بس اطنشهم

لكن البنات اللي بالاسواق وعيونهم ونظراتهم الوقحه تقهرررررررر

حسبي الله ونعم الوكيل

 

[Al-RoRo77]

رد : الي ريلها حلو ومزيون ادش ابيها

الله يخليكم لبعض يارب
وانتي لاتشيلين هم اهم شي حافظي ع بيتج ونظافتج ونظافة البيت وكشختج وبين فتره وفتره سويله نيو لوك ودلعيه وراضيه
ولاتنسين اتمدحينه بس مو وايد واكيييييييييييييد المهم والاهم الدعاء
انا ريلي البنات طايحين خز فيه حتى لو انا معاه وكنت اخرب طلعاتنا واتنرفز بس الحمدالله الحين خفيت
لاني مابي اخلي هالنوعيه يخربون وناستنا والله دايم ادعي ربي ان يحفظه لي والحمدالله يمووووووووووووووت علي
ومايحب الطلعه الا معاي لاني اخلي طلعتنا وناسه بس اللي يغث ان احياناً يطالع بنات او يخزهم هههه ونتهاوش ويحلف انه ماخزهم بس يطالع عادي
وانا اتهاوش بس الحمدالله خف من هالشي ودايم يقولي لاتخلين هالبنات يخربون طلعتنا ويعكرون مزاجج امشي معاي وانتي مستانسه لاني احبج انتي واخترتج من بين
كل البنات وولا وحده راح تترس عيني غيرج والحمدالله يهتم فيني يداريني يسوولي مفاجأت وبين فتره وفتره اسأله انا بشنو مقصره
واقوله ماراح ازعل صارحني لاني انا لك واول المرات لمن كنت اسأل كان يقولي بشنو مقصره والحين الحمدالله بين فتره وفتره
يحلف اني مو مقصره ومشبعته وانتي وشطارتج والله يحفظلنا رياييلنا يارب ويبعد عنهم هالاشكال ياااااااااارب

 

[AUK GirL]

مادري شقولج بس واللللللله معاج حق

قطيعااااا شقولج وشخلي اعاني نفسج بس سيفوووون

خطيبي كل ما يكبر يحلاااا اذا ربعاااا الي مو شايفينه ينصدمون ويقولون متغير وصاير مزيون شلون بنات عمه وخاله

ميتيييين عليييه بس على قولته يحلمون الي فيني يفكرون ياخذوني منك لووووووووووول

بس ماعليج سيفوون عاد انا كله مطيحاا سوقا واقول عنه جيكر ومصدق انه جيكر لوووووووووووووول

اقولج شي سوي الي عليج والي الله كاتبه بيصير

 

[شقرديه كيوت]

رد : الي ريلها حلو ومزيون ادش ابيها

الله يكافيه شر بنات الحرام

 

[Stylista_Q8]

مدحييه بس مو اووفر لا يشوف نفسج عليج

وكشخي واهتمي بروووحج وادعي انه الله يخلي لج ويبعد عنه بنآت ابلييس

ولا تقولين له انه فلانه ولا علانه يمدحووونك!!

والله يسخره لج ان شالله ويشووفج احلى وحده بالدنيا :*

 

[M!Ss Smart]

شوفي احسن طريقه سووي نفس بنت خالي ملابسه خلي فيهم جفسات يعني انتي اخذي الدشداشه واكويها من جدااام تمام بس من ورى خلي فيها جفسات عشان مايطلع على سنغه عشره وثانيا لاتعطينه ثقه انه مزيون حتى لو اهوا فعلا مزيون وبعدين اذا قالج اليوم تحرشو فيني بنات لاتضحكين وطوفينها لا قولي ايي ماشافو صلعتك يعني حطميه هههههههه حتى لو ماعنده صلعه بس عاد مو تكسرين مجاديفه بالمره لا يعني خلييج متوازنه

 

[ماني من الناس]

بنات انا مادري ريلي مزيون او لا شسوي,,,,,,,,,,,,,,,,,,,

اوقات احسه مزيون,,,,,,,,

اوقات مملوح,,,,

اوقات جدا عادي,,,,,,,,,

عن جد شالسالفه

 

[الكواله]

رد : الي ريلها حلو ومزيون ادش ابيها

عادى حبيبيتى,, اصلا استانسى انهم يمدحونه... انه زوجى وايد جميل واذا طلعت وشفت البنات يطالعونه والله استانس حدى,, وعموما سواء كان جيكر والا حلو اذا اهو يبى يخربط راح يخربط .. انتى خليج واثقه من نفسك ومن سلوكه مع البنات صدقينى اهو بس حاب يسمع المدح والا انتى تارسه عينه من الاول لان على قولتج اهو جميل وتره فى بنات يحبون المتان يعنى لو يبى يخربط جان من زمان سوه هالشغله... الله يبعد العين عنه ويسخره لج

 

[اشتياق]

كان زوجي متن حسن البلام
ومن صغره ينادونه فلان البطه
والخشم مفروش
ومايهتم بروحه
اهو ضعف من اهني وسوا عملية تجميل لخشمه وانا مووووووو محصله خير
طبعا مجسم وحليان وانا والقهر خلان

 

[أحلى الألماس]

ماالومج حبوبه انا زوجي جماله عادي
واموت غيره عليه اذا شفت وحده
تطالعه........
شلون انتي يمدحونه جدامج
بس تاكدي ان لا جمال ولامتن ولا ضعف
بيرده عن شي ادعي ربج ان الله يسخره لج
وبنات الحرام الحين مايهمهاااا الشكل المهم
رجال وبس

 

[شـيـخــهـ الزيـنـاتــــ }..]

والله اذا هو عينه زايغه و مايقدر العشره >> بيخوون و بينوخذ منج حتي لو كان جيكر

الحين محد طايح بجبد نفسه . لكل ساقط لاقط سواء المزيون او الجيكر

لاتبيينين احساسج له و تعوذي من ابليسس

وطالعي الموضوع بنظره ايجابيه

زوجج حبيبج ابو عيالج صار رشييق يعني افتك من مصيدة الامراض السكري والضغط .........الخ اللي ممكن تسببها السمنه

وثانيا بتستانسيين معاه انتي اكثر واكثر . مثل ما الرجال يدور الزين والحلا . المره هم تدوره

وبنات ابليس اتقي شرهم بالرقيه الشرعييه والدعاء ( سهام الليل لاتخطئ) .

و استمري بمسيرة الكشخه والدلع ,,,,,,,,,,,,,,, و صيروا احلي كتكوت و كتكووته .

حرام عليج تمنيله الخير و افرحي لفرحه .

تخيلي لو انتي كنتي متينه وضعفتي > مو تبين زوجج يفرحلج و يستانس على لوكج الجديد .

حب لاخييج المسلم ماتحبينه لنفسج . و ارقييه من عينج > تري مايحسد المال الا اصحابه .

روحي اشتريله ملابس جديده (( قوليله هذيل لعيووون الرشااااقه )))>

وقوليله يدش نادي عشان يحافظ على جسمه

وهالله هالله بالاكل الصحي المفيد . موتخبصينله بالاكل والدسم والدهون ..
لاتخليين ابليس يوسوسلج ( حرام عليج ) .

مثل كلامها 100%

 

[MISS-_-FLOWER]

رد : الي ريلها حلو ومزيون ادش ابيها

ريلي حده مزيووون مشالله عليه بس ما اقوله موناقصه واقوله انت احلى انسان بعيوني انا بس بس عند الناس انت انسان عادي واذا عل بنات ف مو مقصرين مايهدون احد بحاله الحلو والجيكر