الي رايحين لندن بلكرسمس من قبل يدشون بليييز

[عسل مرت قيمر]

السلام عليكم ورحمة الله وبركاته


شلونكم بنات شخباركم


بنات بغيت استفسر


انا حجزت حق لندن بإذن الله شهر اخر 12

يعني بلكرسمس

بنات صج بهلفتره يسكرون الاماكن المفتوحه مثل الالعاب وجذي


عشان البرد ؟؟؟؟


ياليت تفيدوني

لان سمعت ان يصكونهم لان يكون برد حييل ويفتحون بس الاماكن المصكره ويحطون تدفئه


وابي اعرف بهلوقت في ثلج ولالا ؟؟ 


ومشكورين مقدما 

 

[راجعة بقوة]

وعليكم السلام انا رحت لندن بالكريسمس ...ماشفت ثلج بس الجو كان صقيع برد موت ماتقدرين انتى اصلا تلعبين بالعاب حتى الهايد بارك محد يروحلها من البرد بس المتاحف والمجمعات لا عادى كلها مفتوحة وانا ناوية اروح السنة ياقبل العيد يابعدة على طول عشان يكون اخف البرد شوى

 

[عسل مرت قيمر]

صج ؟؟


ضيقتي خلقي حييل


انزين ماقلتيلي يصكونهم اهمه اصلن ولا مفتوحين بس الناس ماتروح !!!



بنات ساعدوني بلييييز



حده ضاق خلقي


كان ودي نروح عين لندن والملاهي الي يم بيغ بن


فيدوني بنات

 

[~{GooShTa}~]

حبيبتي يعتمد عالجو .. يعني اذا نزل ثلج بيصكرونهم بس اذا كان برد بدون ثلج لا عادي الحياه تكون ماشيه عندهم
و عادي تقدرين تروحين London eye انا اذكر مره ركبتها و كان الجو مطر يعني عادي لا يضيق خلقج

 

[عسل مرت قيمر]

مشكوره حياتي ماقصرتي


انزين عندي سؤال ثاني


البنات يقولون ان السوق وكل شي يصكر بلكرسمس يوم ٢٥ و٢٦


شلون عيل يوم ((تحطيم الاسعار)) الي اهوا البوكسينغ داي يكون تاريخ ٢٦



تعقدت


اتمنى تردون علي بلييز

 

[sosowaty]

ششكوووو انا كريسمس الي طاف كنت فلندن و ثلج و اول مرا ينزل فيها ثلج شهر ١١ من قبل ٣٠ سنه اعتقد بس حبيبتي جذب لا يصكرون و لا شي اهو صج برد بس وناااسه و الهايد بارك لا طووووووفج كل العاب الدنيا اهناك وووااااااو وناسه و كل شي اهناك و حتا بليل مفتوحين و عسا الله يوفقج و اي سوال انا حاضرة بس بالخاص لاني انسا بسرعه و ما ادخل الموضوع

 

[sosowaty]

اما يوم البوكسنج انا و خيتي كنا هناك ما تلقين و لا شي و امة محمد ما تقدرين ادشين ايقولون الناس تنطر من الساعه ٣ الفير برا المحلااات عرفتي !!


بس ٢٥ و ٢٦ اكيد عطله بس فيه محلات مثلا عربيه يفتحون و الي بشارع ادجور رود بصراحه اكرة هالشااارع كنت ساكنة بشقة خالي بلانكستر جيت

 

[عسل مرت قيمر]

سوسو مشكوره حياتي وايد وايد

هههه ترا اهتصرت اسمج ماعرفت اقراه بلانقلش


صج !! ريحتيني والله


لان ضاق خلقي لما قالو ان كل شي يصك لما يكون برد حيييل


انزين البوكسينغ داي اهةا مو نفسه بيوم ٢٦
شلون عطله وبوكسينغ داي ؟؟؟


اممم

شنو بعد ياربي


خلاص اذا بغيت ش براسلج علخاص


وبنات الي عندها اضافه خلفيدني بليييز


*

 

[ام _خلودي]

امممم انا هم حاجزه نفسج لندن وباريس علي اخر ١٢ والا اعرفه البوكسنق داي يوم ٢٧/١٢ واول مره اسمع انه ٢٥/١٢يصكر كل شي بالعكس هاليوم اكو احتفالات لانه مولد المسيح

 

[law love]

لندن بالكرسمس خياااااااال

لا يضيق خلقج اصلا يسون اسواق بالشوارع و كشكات شي عجييب

 

[زوجه متقاعد]

الله يوفق يارب

 

[عسل مرت قيمر]

مشكورين بنات ماقصرتو

شجعتوني وشوقتوني علسفره


ياارب نستانس فيها انا وريلي


واي وحده عندها شي ممكن يفيدني بلييز تكتبه ماعليها امر



عشان نستفيد

 

[أم سيف وسلطان]

بنات خالي كل سنه يسافرون تقريبا هالوقت بس مااعرف اذا يسكرون ولا لا

 

[.نور.]

لا انا العام رايحه..
عجيبه وخيال وكل شي..
السوق خيال والخصومات بكل مكان..
الهايد بارك حاطين فيها العاب ويندر لاند..
والجو خيال وبارد..
وكان اول مره ينزل ثلج بشهر 11 قعدت شهرين..
وكان الثلج خفيف..
روحي وتوكلي على الله ماكو شي مصكر الا اذا الجو صج مايساعد انه يكون شغال..

 

[KOKO_284I]

البنات كفو ووفوا

 

[عسل مرت قيمر]

واااو مشكورين جد جد مشكورن


وكل مادش اقرا كلامكم اتشوق حق السفره


ياااارب تكون سفره حلوه علي وعلى ريل يااارب العالمين


فديتكم بنات

 

[بسمه الم]

حبيبتي الملااهي يسكرون بشهر 12 ويفتحونهم بشهر 3 ،،
الجو باااارد ومرااات اكو سنو ،،
بس الاسواق مااتسكر الا بيوم الكرسمس ،،

 

[عسل مرت قيمر]

بنات شسالفه


وحده تقول يصكون ووحطه يفتحون


الحين اظمن كلام منو ولا منو؟؟؟؟



وحده تونسني واتيي عقبها تضيق خلقي



!!!!

 

[الشيخه فطامي]

حبيبتي بس تاريخ 25 يوم الكريسمس يسكرون الاندر قراوند او المواصلات او المحلات يعني خلي طيارتج 24 اوكي

يوم 26 يوم البوكسينق دي طبعا الناس طوابير من الفير على المحلات اذا فتحت لانهم يسوون خصومات او البضاعه الموجوده

تروح على طول بس لا الالعاب او الملاهي مايسكرون بس يوم 25 يسكرون

 

[عسل مرت قيمر]

الشيخه فطامي <<<< ماجذبتي والله يوم قلتي فديتني :eh_s(7):






ان شاءالله بعد ماتيي وحده تحبطني :yaaaaaarb: