الي راحوا لندن ..

[حورية]

السلام عليكم ...


حبايبي منو فيكم راحت لندن ..؟
أبي أعرف أسعار الحقائب الماركات هناك مثل أسعارنا و لا أقل .. و شنو الماركات الموجودة .؟
و شنو فيه شي مميز ممكن اطلبه من لندن .. لأن واحدة من قريباتي راح ترجع هاليومين و ودي أنتهز هالفرصة ..

همتكم الله يخليكم عشان الوقت .. و جزاكم الله خير ..

 

[كويتية في لندن]

مشاركة: الي راحوا لندن ..

الماركات غالية بس هم ارخص من الكويت وطبعا كل الماركات موجودة ..شارع بوند ستريت فيه كل الماركات الواحد يطب ويتخير ..بالاضافة الى ان الماركات موجودة في هارودز وسيلفرجز ... الاسعار ترخص خاصة اذا تم استرجاع مبلغ الضريبة من قيمة السلعة سواء جنطة او غيرها ...
وايد اشياء مميزة في لندن ملابس ..مكياج ..احذية ...حتى المحلات اللي موجودة في لندن وفي منها بالكويت بضاعتها غير عن بضاعتنا
اتمنى اكون افدتج

 

[Dancing^Queen]

مشاركة: الي راحوا لندن ..

لضريبه مو وايد 17ونص بالاميه
والاسعار ترا نفسنا ماتفرق لندن غاليه مورخبصه تحلصينهم ارخص باميركا بس قولي استغلي اذا سوو سيل اخذي لان سيلهم صجي اذا قالو 50% بعني 50%
ممكن تروحين اوت ليت مولز
بس هذول يصيرون بره لندن عندج مثلا فري بورت ببرنتري فيه سيل فرساتشي علي سيل مارك اند سبنسر علي جم محل
وبكستر فلج فيه سيل ديور وديكني وسيلين وفيرغامو وماكس مارا وفرساتشي بس تشكلتهم مو كبيره وهم لازالت غاليه انا شفت جنطه ديور كانت بببببببب 5000
صااااااااااااااااااارت ب 3000 يابلااااااااااااش يابلاش علي ربع علي ربع شيل حتا ثلاث الاف وايد

 

[موني موني]

طيب بنات اذا ابي شنو احلى شي ممكن نشتريه من لندن او اوصي عليه من لندن .. اكثر شي دوس عليه مو موجود بالكويت شنو؟؟

 

[Dancing^Queen]

جناط دي كي ان واي هناك رخاص بالسيل
ومايت الكويت بعد

 

[ام رغودة]

اذا تحبين دكنى موجودة هناك تروح محل هاوس اف فريسرواسعارها معقولة من 40 دينار وفوق

 

[دمعة فرح]

اي لندن حلوووه وحلوووه بضاعتهم اتذكر لما راحت اختي كانت جايبه لنا بضاعه وايد حلووه

واخوي كان يدرس بلندن ويقول وايدد غاليه

 

[bambena]

لندن غاليه باريس ارخص

 

[سارا ديور]

عندج بشهر 7 كل مكان اكو تخفيضات

السنه إللي فاتت رحت لها شهر من 28/6 _ 28/7

كان كل هالشهر تنزيلات

هارودز بوقت التنزيلات جنه سوق واااقف

حاط البضايع بسلال وطلعي

بس للجناط عندي من باريس ارخص

قوتشي ولويس فويتون وشانيل وشارجوردان وديور ارخص وتشكيله احلى

ونصيحه كل شي فتحوه عندنا بالكويت ولو على فرق السعر بينا وبينهم

إعتبري الفرق سعر التذكره والإقامه

لندن بصراحه حق الراحه والتمشي بس موكلا تسوق

 

[PearL]

اهناك صج تشتهين تشترييين

 

[سيتا]

شكراً لكي اختي الكريمه على هذا المشاركة

 

[ناني سيكرتس]

شوفي حبيبتي لندن كل شي فيها حلو واهي حلوه بكل المواسم وبصراحه ما في شي محدد توصين عليه من هناك الا دوا بينيلين مال اليهال لانه وايد زين حق الكحه.

 

[كاكاوة سايحة]

لندن وايد غالية و الأسعار إهيه إهيه إلي موجودة بالكويت و إذا فرق بالسعر ترى مو ذاك الزود بس مثل ما قالوا البنات إخذي من جناط dkny لأن أسعارها معقولة و موديلاتها حلوة و ما يابوها الكويت...هالسنة فيرساجي منزل جناط وايد حلوة و هالماركة مو موجودة بالكويت...في ماركات حق البشرة مثل دكتور هاوشكا و كيلز و اوريجنز هذيله كلهم مو موجودين بالكويت...هارودز ينزل أشياء تكون حصرية موجودة عنده و مو موجوده باي مكان بالعالم يعني هالشي يسوى.

 

[BaiTotia]

London
مشتاقة لها
قلت بطالع المواضيع حق الذكريات

 

[أميرة الورد]

الله ودي أروح

كاكاوة سايحه اوريجين يابوه فترة بالفنار وبعدين اقطعوه كانت مستحضراته روعه

 

[نملة^فاصلة]

لندن شارع الماركات بوندز ستريت وسيلفرجز وهارودز مثل ما تكرموا البنات يعطييهم العافيه ولا تنسين التاكس الضريبه فلوسها حلوين توني ماخذه الفي من باريس قيمتها 428 دينار رجعلي التاكس 72 تقريبا حلوين طبعا المبلغ هذا حسبته بالدينار يا عمري اي خدمه حاضرين للطيبين:eh_s(8):