الي راحت المالديف تدش

[أكيد أبنسى]

مرحبااا
بنات الي راحو المالديف ابي منكم مساعده
انا زوجي مقرر شهر العسل بالمالديف اذا الله كتب ، وانا مابي دوله فيها بحر اول شي لاني متحجبه وثاني شي لاني اغااار بشكل خيالي مابي يشوف المفاصيخ الي ع البحر ولا حتى نص نظره . شنو تنصحوني فيه اوافق واروح والا نختار دوله ثانيه / وياليت الي سافرت بشهر العسل واستانست حيل ع المكان الي رايحتله وجذي تقول لي وين

 

[رمادية الهوى]

اب اب

 

[لوولوو_88]

حبيبتي المالديف في برايفت .. يعني تكونون بكوخ خاص و تسبحين معاه و حدها ليلتين بس .. أنصحج فيها اذا حجز الكوخ الخاص قمه الرومانسيه و الهدوء تسولفون و تتعرفون على بعض و ممكن تظيفون ديره ثانيه مثلا ماليزيا او تايلاند نفس الاجواء اذا تسمح الميزانيه و إذا لا روحو دبي أقل شي ..

انا عن نفسي رحت ألمانيا ميونخ و النمسا زلمسي و فينا .. ميونخ حلوه مجمعات رحنا مدينة ملاهي طلعنا جبال .. زلمسي هادية و قمة الرومانسيه بحيره و يخت و قوارب و قمم ثلجية روعه .. فينا سوق و متاحف أكثر شي شدني متحف شوارفسكي جد استانست فيه و اشتريت منه ..

كان مخططنا مالديف و تايلاند .. بس الكل قال شهر عسل روحي ديره بارده اونس للرومانسيه هههه .. بس هم البحر له رومانسياته بس جو شرق آسيا ما يسمح للميكب و الكشخه نفس الأجواء البارده و اوروبا ..

و سلامتج ربي اتمم عليج و يوفقج حبي

 

[أكيد أبنسى]

حياااتي لولو يعطيج الف عافيه كفيتي ووفيتي
وياليت كل وحده تقول لي تجربتها ؛$

 

[beealh]

المالديف حلوه بس ما طولين فيها لان ما فيها شي غير البحر و في فنادق يصير البحر برايفت و حمامات السباحه بعد برايفت تقدرين تقطين حجابج ولا احد يقدر يشوفج
انا عن نفسي وريلي انحب جو المغامرات والرحلات عشان جذي اخترنا استراليا و وايد استانسنا واذا عل مفاصيخ ترى بكل مكان ودول برى مالهم شغل بريال ولا يلتفتوله ويا كثرهم بديرتنا واخس اهما اللي يتحرشون بريال

 

[beealh]

المالديف حلوه بس ما طولين فيها لان ما فيها شي غير البحر و في فنادق يصير البحر برايفت و حمامات السباحه بعد برايفت تقدرين تقطين حجابج ولا احد يقدر يشوفج
انا عن نفسي وريلي انحب جو المغامرات والرحلات عشان جذي اخترنا استراليا و وايد استانسنا واذا عل مفاصيخ ترى بكل مكان ودول برى مالهم شغل بريال ولا يلتفتوله ويا كثرهم بديرتنا واخس اهما اللي يتحرشون بريال

 

[لذه السكر]

اذا بتغارين لا تسافرين

الريال يفسر الغيره = عدم ثقه بالنفس

خلج واثقه من نفسج انتي عروسته وماراح يشوف غيرج وحته اذا شاف لاتحطين ببالج ساعات احنا الحريم تلفت نظرنا شلون الريال

اهم شي يكون يخاف الله ويعرف الدين << ادري شطيت عن الموضوع بس لانج ببدايه حياتج وهذي نصيحتي لج انسي الغيييره وخلج واثقه من نفسج


بالنسبه للسفر مثل ما قالو البنات المالديف تينن وحلوه بس حدها حدها 3 ايام لان بس بحر وخليه يحجز لكم برايفت عشان تاخذين راحتج باللبس

وحته اذا متحجبه لبسي مايوه اسلامي عادي اهم شي تستانسين

انا رحت ماليزيا وتايلند لان ريلي يحب جوهم بحر ومغامرات وماخليت بخاطري مع ان كانو ياشرون علي ويضحكون اهم بكينيات وانا مايوه اسلامي بس الحمدلله ماخليت بخاطري ولا خاطري ريلي واهو كان مستانس اكثر لاني قاعده اشاركه ومو هامني ومبوزه وماعلينا من احد


على فكره انا غواصه يعني حياتي وسفراتي كلها بحرX بحر ومايوها واجسام بس طااااااااااف اهم شي اني عاجبته واستانس واضحك معاه وبالفندق اطلع اللي بخاطري حته لو البس بكيني واقعد بالبانيو

موفقه حبيبتي قرقت عليج بس عشان بقنعج ان الغيره ماراح تفيدج وماراح تيبلج الا ضيقه الخلق والهواش

 

[مذهلة2013]

انا رحت ماليزيا ورحنا جزر
ماخليتها بخاطري لبست بكيني
في الفندق بالمسبح الي بغرفتنا
وكان في اجنبيات لابسين بكيني
عالبحر صج كنت اغار حييييل
بس كنت اسحبه من المكان الي فيه ههههه
ولبست مايوه اسلامي وسبحنا وركبنا
الجتسكي

اما المالديف كنا مقررين نروحلها بس لانه
بعيده و ممله كلها بحر بس انتو اكييد
في شي برايفت وعادي خليها على الله
بس ييبي وياج بكيني حق المسبح البرايفت
وحاولو تقللون القعده فيها او تقدرين تغيرون
تروحون ماليزيا او تايلند عالاقل في سوق

 

[lawyara]

حلوه المالديف رحتلها بس كنا حاجزين فيلا برايفت صراحه جو عجيب و رومنسيه ولبست اللي بخاطري

بس لازم معاها ديره ثانيه لانه حدها 3 ايام او 4

 

[صعبه]

ررحت المالديف بس مو شهر عسل عقب طلعتي من الاربعيين يعني تقدرين تخلينها لي عقب ك تغيرر

ومانصحج فيها كشهر عسل هي صج جو رومانسي وبقووه بس حدها اسبوع وتملين لانه كل بحر

انا اشوف شهر العسل دول ثانيه تقدرون كل يوم تغيرون خطتكم ومغارمات وذكريات حلوه اتذكرونها وتغيرون جو مايكون نفس الروتين كل يوم

 

[مدّهره !]

إن شااء الله يفيدوونج البناات .’,

 

[Miss Eteket]

اتهببببببل وفيها بررايفت بس صج حدج 3 اياااام

 

[غيث السماء]

احنا كنا مقررين شهر العسل اوروبا قرنسا وهولندا وسويسرا واخترنا الباكج كامل عن طريق مكتب بس بعدين نكبوا فينا قبل موعد الزواج والسفرة بأسبوع .. بخصوص الفيزا قالوا انها ماراح يمديها تخلص

بعدين ريلي اقترح علي نروح شرق اسيا وع طوول جت في بالي المالديف لاني من زمان ودي اروحها احب البححر حيل وقالي اختاري معاها مكان ثاني هونج كونق والله ماليزيا واخترت ماليزيا والحممد لله كان شهر عسل حلو

بالنسبة للمالديف مثل ماتفضلوا الاخوات حدها 3 أو 4 أيام ولاازم دولة ثانية معاها

وافضل تروحون دولة قبل وتختموها بالمالديف عشان الاسترخاء والترويق والنقاهة

احنا سكنا بالشيراتون كان رووهة حيل اخترنا الاكواخ اللي فوق البحر .. تفتحين دورة المياة وتنزلين من الدرج ع طوول للبحر وصراحة انا سبحت بالبانيوو الخاص فينا بس ماي البححر غيير وماي المالديف غيير يجنن لونه ونقاوته


لبست مايو اسلامي ولا علي من احد .. واذكر بس كانو معانا عايلة وحدة كورية او يابانية واحد مع مرته وماطوولوا يعني البحر كان فاضي لينا

وبالنسبة للمفاصيخ في كل دولة وهذا شيى عادي عدهم ولاحد يطلع في الثاني اهم شي تكوني واثقة من نفسج ولاتهنمي

وبالتووووفيق

 

[سعوديه !!]

اهلين ياعسل انا رحت المالديف بشهر العسل

بس قبل رحت تركيا
بعدين المالديف
المالديف عبارة عن جزر كثير وكل جزيرة تقريبا عبارة عن منتجع او شاليه
تمينا تقريبا ٦ ايام بالمالديف وكانت اجمل ايام

اول ٣ ايام رحنا جزيرة رووووعه هدوء وطبيعه خلابة اقول لزوجي اول مرة اشوف الالوان الحقيقيه يعني شجرهم غير وبحرهم غيييييير روعه
وبالليل تتفقون مع الفندق يسون لكم طاولة على البحر وحولها شمووع وورد وعشاء بسيط كان جو افلااام رومنسيه روعه

طبعا كان الفندق فيه بركة برايفت لبست البكيني وسبحت مع زوجي وامبسطنا مرررره
وحتى سبحت بالبحر كان جو خيال

بعدين رحنا جزيرة ثانيه
وكان الكوخ هنا وسط البحر وفيه سلم على البحر وسبحت مع رجلي بس كنت محتشمه وبحجابي
وكانت الجزيرة مختلفه تماما على الاولى
الاولى هدوووووء جدا
تلثانيه غير صخب على قولتهم وكلها تشخلع وماكذب عليك متتت من الغيره
لاكن احاول اسويله اشياء بالغرفه تخليه يغض النظر عن الي برا

واحلا شي بالمالديف ناادر تشوفين عرب كلاااا اجانب
وبنسبه للبس لاتلبسين بناطلين ابدا موش ستايل هناك انا خذت معي البناطلين الواسعه بس مالبستهم

اكثر شي حللته الفساتين اكتبي بقوقل فساتين البحر وطبعا لبست فوقها قميص ابيض خفيف

 

[بنوته ستايل]

انصحج باوربا حيييييل حلوه لشخصين وونيسه.. انا رحت لاوربا ع شهر 9 بدايه البرد ماكان في مفاصيخ كلششش كلهم متسترات ههههه....بس انا ماانصحج ببحر عشان ماتفتحين عيون زوجج يمكن يعجبه المكان وبعدين يقرر يروح له معا ربعه.. عشان جذي قلتلج اوربا وبدايه البرد...

 

[برنسس كاتي]

انا رحتها بس مو شهر عسل
وبالعكس حييل روعه ورمنسية ونظامهم زي الكوخ ع البحر واغلب الي فيها معاريس بس صاكين ع روحهم الباب خخخ
فبتاخذين راحتج فيها وسبحي بمايوه اسلامي احنا سبحنا والله بمايو عادي لانه البحر الي قدام غرفتنا كان فااااضي
فتطمني صحيح فيه بكينيات بس كلن مع نفسه محد له شغل بالثاني والحلو انهم مسلميين ترى الي يشتغلون فمانعين التعري ..
وزي ماقالو البنات تقدرين تجزين شي خاص

 

[New_bride]

اختي تمدح المالديف راحتها بعد العرس لمدة اسبوع بس
راحت جزيرتين
الاولى خذت غرفه في فندق والجزيره الثانيه خذت كوخ
و في يوم الفندق جهز لهم يخت مع شيف يطبخ لهم الاكلات اللي هم يبونها

بس انا من وجهة نظري المالديف مافيها شي لو تروحينها يومين وبعدين تروحين سنغافوره دوله حلوه وشرحه وفيها وايد اماكن سياحيه