الي جربوا محل سمبوسه بوكس يدشون

[ساندريلا]

بنات اليوم انا دقيت على محل سمبوسه بوكس وسالتهم وطلعوا يبيعون مثلج

بس بغيت ىاعرف الي طلبت منهم شنو الانواع الحلوه الي عندهم
وسمعت ان عندهم صلصات تيي مع السمبوسه جربتوهم؟؟؟
وصج حجمها صغير يعني ميني؟؟

ساعدوني لاني باجر بطلب منها

 

[miss-2020]

رد : الي جربوا محل سمبوسه بوكس يدشون

نصيحة لوجة الله

وادري بيقلبون علي بس ماتستاهل سعرها اقل من عادية ولا بعضها مو حلو

وغالية الحبة الوحده 100 فلس حمدالله كلنا عندنا خير والامية ماتاثر بس على شي يستاهل


انا عن نفسي جربتها مع ان سامعه ناس يذمونها بس فضول



هذا رايي وعن تجربة وانت حره

 

[مخاويه الزعامه]

هلا اختي مثلجة ماانصحج فيها بالمرة


شكلها حلوة وفكرتها حلووة بس انج تاخذينها مثلجة ماانصح فيها والصوص حلوو وصغير

انا اقول ان فكرتها حلوة هبينا فيها بالدوام شكلها وطريقتها حلوة وحشواتها حلوة وصوص بعد حلوو


بس تاخذينها مثلجة ماانصحج

 

[ساندريلا]

الله يعطيكم العافيه بنات
حتى انا قعد افكر باخذها مقليه وخالصه
بس بغيت اعرف شنو الحشوات الي كنتوا تطلبونها؟؟ وعجبتكم

 

[ساندريلا]

هلا اختي مثلجة ماانصحج فيها بالمرة


شكلها حلوة وفكرتها حلووة بس انج تاخذينها مثلجة ماانصح فيها والصوص حلوو وصغير

انا اقول ان فكرتها حلوة هبينا فيها بالدوام شكلها وطريقتها حلوة وحشواتها حلوة وصوص بعد حلوو


بس تاخذينها مثلجة ماانصحج

------
مشكوره حبيبتي
بغيت اعرف شنو الصوص الي جربتوه مع الانواع الي عجبتكم لان بطلبلها باجر حق اهلي

 

[مخاويه الزعامه]

الله يعطيكم العافيه بنات
حتى انا قعد افكر باخذها مقليه وخالصه
بس بغيت اعرف شنو الحشوات الي كنتوا تطلبونها؟؟ وعجبتكم

هلا حبوبة هم يعطونج سبموسة حشوات متنوعه من ناحية الحشوات لذلذة ذرة ومشرووم وانواع وكاكاو عجيبة

حتى الصوص لذيذ

 

[ساندريلا]

هلا حبوبة هم يعطونج سبموسة حشوات متنوعه من ناحية الحشوات لذلذة ذرة ومشرووم وانواع وكاكاو عجيبة

حتى الصوص لذيذ

-----------------------
الله يعطيج العافيه حبيبتي راح اطلب وعلى ضمانتج
انا سمعت ان عندهم صوص انواع مو بس نوع واحد

 

[اوراد العشق]

اي سمبوسه بوكس شفته بالصور عجيييييييبه

بس مادرى شنو احلا نوع مجربينه البنات ان شاءالله يفيدونـا

 

[-aToNa-]

ماعندي فكره
اذا جربتي عطينا رايح
وبالعافيه مقدما

 

[um.zooza]

احنا دايما نطلبها والله حلوه وحتى لما تاخذينها معاج لاحد بصراااحه تبيض الوجه
وانا دايما اخذ مقلي ومثلج اي وقت يشتهونها عيالي اقليها بالبيت
الانواع الحلوه ( البيتزا-البطاط- الحلوم - الهالبينو ... الباجي موذاكرتهم بس الفلافل موذاك الزود ودايما اقولها ابي الطلب بدون لحم

وهذا رايي اتمني اني افيدج .

 

[صغيرة على الحب]

انا جربتها

بس كلش مو شي و نتيفة ما تسوى احلى ما فيها علبتها بس

اخذت كل الانواع ولا شي له نكهة

اذا انتي متعودة على الاكل المبهر الخنين لا تجربينها كلش مو ناطعة

هذا رايي صراحة

 

[um.zooza]

الخدامه الاثيوبيه

السلام عليكم ..











بغيت اسألكم بنات شرايكم بالاثيوبيات ؟؟ انا محتاره اطلب اثيوبيه ولا لا
واللي جربتهم تعطيني رايها بصراااحه ( خصوصا اني ودي فيها حق يهال )​

 

[um.zooza]

سوري حبيبتي نزلت الموضوع غلط ..

 

[قطوة@@]

رد : الي جربوا محل سمبوسه بوكس يدشون

انا مجربتها و الله حلوة و لذييذة

و الصله كلش صغيرونه الحين كامرتي بالبيت .. اذا رديت انزل لج صور الصلصه

جربي جبن هالبينو ... و جبن ..بطاط بالذرة .. فطر .. اجار


و الفلافل مو حلوة ..

 

[@ناعمه@]

آنا استانست عالسمبوسه ذرب مميز جربت الأجبان حلو

المجمد ما استغنى عنه عندي بالفريز على طول