الي تفهم بالمكياج تساعدني

[أم~بيبي]

السلام عليكم ورحمة الله وبركاته

بنات انا عندي مشكله بالمكياج

انا بشرتي دهنيه واستخدم كريم اساس بودره

لاني استخدمت كريم اساس ولكن مااحس ينفعني ابد

ماكاني احط كريم اساس

انا مشكلتي مع كريم الاساس انه يطلع فوق عيوني زي التكتل ومايروح

وكاني حاطه بويه بوجهي ماكانه طبيعي مع ان البودره تقارب من بشرتي

وقبل مااستخدم البودره احط كريم مرطب

او كريم التبييض

ولكن مايطلع كريم الاساس حلو

انا موظفه وكل يوم لازم احط مكياج بسيط ولكن الاساس مو حلو ابد ويخرب نظرة وجهي ويخليني اكبر من عمري كني بالخمسين

وتراني مو صغيره بنهاية الثلاثين وعندي تجاعيد بسيطه عند العين

وبشرتي حلوه وصافيه ودهنيه ولوني يميل للبياض

ياليت تفيدوني وتكون المسميات واضحه

وشاكره لكم وسامحوني طولت عليكم​

 

[شهد-الكويت]

انا نفسج يا قلبي بس حبيت اسالج شنو كريمج وبودرتج انا بشرتي دهنيه بس من غيرت كريم اساسي احس شوي صار احسن وانا عمري 31

 

[dalou3a]

حبيبتي الكريمات اللي تكون قبل الأساس هي السبب إذا بشرتج دهنية استخدمي كريم مثل الجل حتى تغذي بشرتج و عقب حطي مثبت و انطري 10 دقائق حطي الاساس عادي و إذا حبيبتي تثبتينه حطي لووس باودر جربي هالطريقة وبتشوفي الفرق
بالنسبة للاساس استخدمي شئ ما يكون دهني
جربي ميك اب فور ايفر اتش دي خفيف
ديور نيود بعد خفيف
أستي لدور زين بس شوي تقيل و تغطيته فول كفر بس انا وايد احبه و خليته للمناسبات
أتمنى أكون افدتج

 

[أم~بيبي]

احيانا احط جل للتجاعيد قبل المكياج ونفس الشي يطلع معي ...والجل الي احطه ييبس وجهي

بشرتي دهنيه ولكن لا حطيت كريم قبل البودره يخلي بشرتي كريميه وحلوه

ولكن احين عشان بدت التجاعيد بوجهي صارت توضح اكثر وتتجمع البودره على عيوني

 

[سالم الروح]

استخدمي كريم اساس مات وثابت

 

[nadoooy]

حطي كونسيلر ولا تحطين تحت عيونج بودر او كريم حاولي تغطين هالمنطقه بالكونسيلر بس

 

[M!SS.LOBY]

حطى مثبت قبل المكياج 10 دقائق

 

[Mrs_Orchidia]

انا بشرتي دهنية .. يتني فترة هبيت ما احط كريم اساس بالمرة
احط مرطب - حماية من الشمس و بودرة مضغوطة بتغطية عالية
اذا الاسااس يدهن بشرتج تركيه عنج

و تقولين يتكتل على عيونج؟ انتي تحطين الفاونديشن على جفنج؟ اذا اي طبيعي بيتكتل لان مو بمكانه الطبيعي حبيبتي

و في حل بعد بخصوص الفاونديشن استخدمي نوع خالي من الدهون ١٠٠٪ او حطي بيس قبل الاساس للبشرة الدهنية في عند سيفورا ماركة سماش بوكس


ان شاءالله اكون نفعتج ياقلبي

 

[أم~بيبي]

اكره لكم اخواتي وتسلمون وبجرب الي قلتوه وان شاءالله يضبط معي لان عندي تجاعيد خطوط بالجفن طالعه لي هذي الايام

 

[Sparkle]

أول شىء وزعي مرطب مناسب لبشرتج عندج

لا توزعين الكونسيلر أو الفاونديشن على جفون عينج راح يتخطط 100%

من مجموعة الطحالب الخاص للبشره الدهنيه

ومن Clean & Clear ينباع بالجمعيات



فاونديشن مناسب لج بشكل يومي من ريفلون اسمه Revlon Colorstay



البودره لا تكثرين منها حاولي توزعينها اب فرشة بودره كبيره



أو بفرشه مثل ماك رقمها 187



اذا تبين تغطيه ولو ما راح تحتاجين لان ريفلون يعتبر فل كفر وزعيه بفرشه يسمونها ال Kabuki Brush تنباع عند البودي شوب وميك اب فورايفر وماك ومالت اتش اند ام تمشي الحال بس مو واو

 

[أم~بيبي]

طيب اذا مااحط فونديشن على عيون ايش احط
لا حطيت كريم اساس بوجهي يصير لون عيوني مختلف مايصير حلو وكنها ذابله

 

[براونيز]

استخدمي كريم اسمة bb من غارنية ب 30 ريال
5بـ 1 مرطب ومغذي وكريم اساس يغنيج عن كل شي
حطية وحطي الميك اب
ومافي احل منه خاصة الحين محد يحط ميك اب يكتفون بالمرطب بالذات العاملات وهو مو مبين ابد انج حاطة كريم اساس
جربية

 

[نوف الصقعبي]

جربي كريم bb
من غارنييه واعتقد راح يعجبج وراح تكتفين منه بروحه
سعره رخيص ونتيجته ممتازه
تحصلينه بمركز سلطان

وهم عندهم غارنييه كونسيلر

واذا عالخطوط التعبيريه ليش ماتغزين إبرة بوتوكس ؟​

 

[softlady]

كريم كانيبو للنهار
وميبيلين موس لليل

وادعيلي بالغيب

 

[softlady]

كريم كانيبو للنهار
وميبيلين موس لليل

وادعيلي بالغيب

 

[<miss botamba>]

اول شي غسلي ويهج باي غسول تفضلينه

بعدين عندج هالمرطب عجيب على جيل تلاقين محلهم بالافينيو بالفيز 2 مقابل كينزو الفتحه الي جبال سيفورا اسم المحل Kiehl's

اهوا جيل وخالي من الدهون

واستعمل هالمرطب للعين من بوتس

بعدين تنطرين شوي وتحطين كلينيكس على ويهج وتضغظين خفيف علشان الدهن الزايد بالكريمات يروح


انيي للميك اب


الكونسيلر انا استعمل واحد من هذول

او

او

واحطه بفرشه مثل هذي

من ماركه ELF

وعقب اوزعه باسفنجه بيوتي بلندر بس احط عليها ماي

او

ماركتها اسمها

real techniques


وحاليا طالبه نفسها بس من ماركه ELF بس على اصغر علشان استعمها للعين

والفاونديشن احط نقطه من الكومباكت مال بوبي براون

وهم استعمل معاه الاسفنسجه الورديه او الفرشه الورديه


واستعمل هالبلشرات + كونتور + برونز + هاي لايت


هذا من كوستال سينت

هذا السواتش ماله

انا اوقات ما احط فاونديشن بس البلاشر الي تحت عاليمين اول واحد

بس انا حنطاويه



برونز و هايلايت من تو فيسد

هاي لايت كريمي من ماك حق الوجنات من فوق

بلشرات ماركه تارت

 

[أم~بيبي]

يسلموووو كثير ربي لا يحرمني ذوقكم
كريم بيبي استخدمته ولكن صار شفاف مره بوجهي كني احط مويه مو كريم
ابي كريم اساس بسيط لاني مااعرف احط الا كريم اساس وكحله وظل لاني ماكنتا احتاج مكياج كثير او كريم اساس كثير بشرتي كانت حلوه ولكن احين ادمرت
يعني مااعرف استخدم شغلات كثره وخاصة اني اكون وقت الدوام مستعجله ومااقدر احط بالدوام مكياج اوفر

بالنسيه للاخت الي تتكلم عن الابر هي جربتها لاني فكرت فيها وهي وقتيه ولا دائمه

 

[<miss botamba>]

بوبي براون ممتاز

 

[مطلقه جريحه]

انا جربت الابره ارسلي ع الخاص اقولك

 

[Tom ♥ Jerry]

,

حياتي حطي جل كريولاين الاخضر يخفف الخطوط
خليه ينشف بعدين حطي بيس لوريال ستيديو سكرت

و حطي نسبه بسيطه من الفونديشن لا تكثرين تسوين طبقه قوية !


البي بي كريم الي قالولج عنه البنات تغطيته مو وآيد
خفيييييييييفه وآيد و اذا فيج عيوب ماراح يغطيها كلش