الي تفهم بالشعر تدخل بلييز محتاجتها ضروري

[KrNA-KrNA]

السلام عليكم..

انا من عشاق شعر بن فطيس جدا جدا جدا..

وحبيت انوه على اختلاف العضوات في تفسير الابيات..

بعد ما بنزل الشاعر أي قصيدة ماله الحق في ان يوضح وجهه نظره وما كان يقصد..

كل شخص يفسرها على طريقة... طبعا في ابيات شارحة نفسها وفي ابيات مبطنة...

بس انا اخترت جم بيت حبيت ارد اسرد تفسيرها...


ترا العفو قـد جـاك اولـه واغتنـم تاليـه
وترا الحلم بحـر ٍ غيـر لا تامـن امواجـه


العفو يقصد هنا الغفران.. انه بدا منه (الشاعر) وانت ايها المعشوق اغتنم الفرصة لتحصل عليه...

والحلم (الصبر) بحر والبحر لا يؤتمن...




وترا قصرنا اللي كم سنـه نجمـع ونبنيـه
هوى العذل طيّـح بابـه العـود وسياجـه

القصر يقصد هنا الآمال والطموحات الاحلام التي بين العاشقين.. هوى العذل (العذال) بدا يدب ويتخلل بينهم وبدا في الباب وسياجة..


غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه

هنا انا اختلف مع الشاعر.. أولاً بتفسير (الهجاد) الهجاد هو ايام البادية غزو قطاع الطرق لبيوت الشعر.. ولا يكون فيه تنبيه.. شبه الغياب بالسطو او الغزوه .




ولا زالـت أرقـاب الرجـا فيـه منعاجـه

هذا البيت انا اعشقه جدا جدا... فيه معنى جميييييييل ..

عند فراق الخلان.. احد منهم يذهب والآخر يراقبه ويناظره وهو مقفي وتلف رقبته مع خطوات حبيبه .. هنا الشاعر للحين رقبته ملتفته .. بمعنى الى الآن مصدوم وعلى امل الرجوع..


فقد خاطري شـي ٍ مـن الضيقـه امسلّيـه
وغدت روحي من النـاس والليـل هجّاجـه

الضيقة شي يكدر المزاج.. ولكن الشاعر في حالته حبه لحبيبه وحتى لو انه مفارقه فقط طاريه مسليه وبسبب هجره هو فقده.. هي كنايه..
وهجاجة هي مثل منحاشة ماعادت تبي الناس ..

اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه

تشبيه فظيييييع (اسوق القدم) اسوقها هنا هي غصبها..


مكـان ٍ نزيـه وأول مواجهـي لـه فـيـه
وانـا خابـر ٍ مارجـل مثـلـه بـدواجـه

مكان نزيه يعني محترم.. ودواجة يعني مثل (هياته) حبيبته ما تهيت وراكده...


وترا الود ليل ٍ مظلـم ٍ جيـت لـك ساريـه
سراجه وصالـك والجفـى ينفـخ اسراجـه

الحب ليل مظلم لما يتحمله الحب من مشقة وغموض (الظلم =الغموض) والعاشق يسير بهذا الظلم الى حبيبته..
السراج (النور) هو وصال حبيبته ... وجفا حبيبته وقطعها هو ما ينفخ على فتيله الضوء المشتعل ويكاد يطفئ هذا الحب من كثر صدها وجفاؤها

ولكم مني جزيل الشكر.. لووووول

بصراحة عندكم ذوووووق لانها من روائع بن فطيس.. وانا شخصيا حافظتها ..:ggdw:
​

 

[Čut!e Quèéи]

رد : الي تفهم بالشعر تدخل بلييز محتاجتها ضروري

عجيبه القصيده

والبنات ما قصروا

 

[أإلع ـشق دلع ـهـأإ]

.















البنآت كفو ووفو ..
























.