الي تفهم بالشعر تدخل بلييز محتاجتها ضروري

[سعبوله نحله]

مرحبا

بنات

ابي وحده تفهمني قصده ابن فطيس خبرتو بلييييييز ظرووووووووري ظروووري :eh_s(16): :eh_s(16):


خاصه المقطع الي بالاحمر

ياهيه اللتفت لي واسمع ادعاي لـك ياهيـه
ترا عـادك بتشبـع مـن البعـد وتواجـه

دعيتك بصـوت ٍ ياصلـك ليـه ماتوحيـه
وانا اسمع ضلوعك من صدى الصوت لجّاجه

عليـك الفـؤاد اخلاجـه مصمّـخ ٍ راعيـه
خـف الله فـي راعيـه ماتسمـع اخلاجـه

ترا العفو قـد جـاك اولـه واغتنـم تاليـه
وترا الحلم بحـر ٍ غيـر لا تامـن امواجـه

وترا الود ليل ٍ مظلـم ٍ جيـت لـك ساريـه
سراجه وصالـك والجفـى ينفـخ اسراجـه

وترا قصرنا اللي كم سنـه نجمـع ونبنيـه
هوى العذل طيّـح بابـه العـود وسياجـه

لي أيام مـدري ويـن دارك ولا ادري ليـه
وانا خابـر انـي بـاب شفـك ومزلاجـه

غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه

نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه

طبـع حبـك بقلبـي والايـام مـا تمحيـه
هـذا هجـرك يحـاول يموجـه ولا ماجـه

يموت الأمـل لكـن ضنـون الغـلا تحييـه
وعروق الوفـا فالـروح والقلـب وجّاجـه


خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه

احبه ولا ابغضتـه علـى شـي ٍ إيسويـه
ولا زالـت أرقـاب الرجـا فيـه منعاجـه

عسى منزل ٍ ضمه حقـوق الوسـم تسقيـه
وتضحك له الدنيا وهـو يضحـك أحجاجـه
فقد خاطري شـي ٍ مـن الضيقـه امسلّيـه
وغدت روحي من النـاس والليـل هجّاجـه

اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه



مكـان ٍ نزيـه وأول مواجهـي لـه فـيـه
وانـا خابـر ٍ مارجـل مثـلـه بـدواجـه

لعل وعسى مـا حدنـي للمجـي ..يدعيـه
واشوفـه وانـا مـاودي اسبـب احراجـه

يحب الجريح اخـر دروب اللقـاء ويجيـه
وتحـب القـدم جيّـة مكـان اول مواجـه



​

انتظركم :eh_s(11):

 

[ضماي هو وهناي]

واضحه القصيده ومعبره عن احساس قاصدها ووفت بعد
وباختصار هذا حبيب يعاهد قلبه على انه يبقى بحبه
اما تفصير الابيات ....


ياهيه اللتفت لي واسمع ادعاي لـك ياهيـه
ترا عـادك بتشبـع مـن البعـد وتواجـه
يطلب من حبيبه انه يسمع هالابيات قبل لا يرحل ويغيب,,, بغيابه عنه راح يشتاق له رغم انه يغيب وبيصدفه اكيد.... ( يمكن الشاعر قصد حبيب راحت عنه حبيبته وصارت من نصيب واحد قريب

دعيتك بصـوت ٍ ياصلـك ليـه ماتوحيـه
وانا اسمع ضلوعك من صدى الصوت لجّاجه
يعني اناديك وادري انك سامعني بس ليش ما توحيه يعني تفهمه وتلبيه ,,, وقصد بصوت الضلوع لجاجه يعني القلب يرجف من الحب والشوق ولجاجه يعني متالمه

عليـك الفـؤاد اخلاجـه مصمّـخ ٍ راعيـه
خـف الله فـي راعيـه ماتسمـع اخلاجـه
قلبه يصيح وانت ماتسمعه ولا ترحمم راعيه وتسوي من نفسك ماتسمع صياحه

ترا العفو قـد جـاك اولـه واغتنـم تاليـه
وترا الحلم بحـر ٍ غيـر لا تامـن امواجـه
يقصد انه صابر وعاذر جبيبه بسما يضمن صبره وين بيوديه مع اني قريتها لاخرها هو مو قادر على النسيان ولا هو واثق من النسيان ويمكن قصد انه بيموت من كثر عذابه لفراقه

وترا الود ليل ٍ مظلـم ٍ جيـت لـك ساريـه
سراجه وصالـك والجفـى ينفـخ اسراجـه
حبه بسر بس واصل الحبيب خبر سره والحبيب يحاول يصده وينكره ....

وترا قصرنا اللي كم سنـه نجمـع ونبنيـه
هوى العذل طيّـح بابـه العـود وسياجـه
يقصد ان حبيبه يحبه بس العذل يعني اللي يفرق بين حبيبين قام يهد فيه وحتى سور قصر الحب اللي يعني فيه انه محمي قدر العاذل انه يهد ويطيحه

لي أيام مـدري ويـن دارك ولا ادري ليـه
وانا خابـر انـي بـاب شفـك ومزلاجـه
فاقد حبيبه ويعتب على فراقه بعدما كان يضن انهه باب اسرار قلبه ومزلاجه يقصد مزلاج الباب اللي يسهل فتحته ويقفله يعني قفل الباب

غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه
ابيات واضحه ان الحبي فارق بدون سبب وبسرعه وجفا اغلا الناس نار ماكله جبده وللحينها قايده

نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه
يقصد نار بعد حبه وصبره على فراقه بداخله اثنينهمم وماذينه كانه يعيش حب بلا امل

طبـع حبـك بقلبـي والايـام مـا تمحيـه
هـذا هجـرك يحـاول يموجـه ولا ماجـه
حب حبيبه بقلبه رغم ان الفراق قاصد ينسيه بس الفراق حبيبه زاده حب

يموت الأمـل لكـن ضنـون الغـلا تحييـه
وعروق الوفـا فالـروح والقلـب وجّاجـه
الوجاجه هي النار للحينها شابه بالحب داخل قلبه وماانقطع الامل بعودته له


خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه
واحد يبجي على واحد هو سبب ببجاه وهو سعيد بنار هالحب عنده اهون من انه يعيش بلياه
احبه ولا ابغضتـه علـى شـي ٍ إيسويـه
من كثر حبه له ما يحسده ولا يتمنى انه يسوى بحبيبه مثل ما الحبيب سوا فيه
ولا زالـت أرقـاب الرجـا فيـه منعاجـه
للحينه يتمنى ويتروح يعني يتامل شي يبدر منه انه للحينه يبيه ويستعد لردته

عسى منزل ٍ ضمه حقـوق الوسـم تسقيـه
وتضحك له الدنيا وهـو يضحـك أحجاجـه
يتمنى ان المكان اللي راح حبيبه فيه مكان عامر وزين والوسم عو المطر والخير وعساه يلقى كل خير ويضحك حجاجه الحجاج هوو الحواجب يعني تبين العيون انه مستانس مو عابس بحواجبه

فقد خاطري شـي ٍ مـن الضيقـه امسلّيـه
وغدت روحي من النـاس والليـل هجّاجـه
مايتمنى ان حبيبه يتعكر بحياته وهالشي هو اللي يسعى له رغم مشاغله بهالدنيا بس حبه ما ينشغل عنه ولا بيوم راح ياذي حبيبه ولا يسمح لشي انه باذيه ( قمه بالوفا )

اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه
للحينه يزور مكان لقاه فيه ولا همه تعب قلبه لما يشوف مكانه يعني غاصب روحه اللي تتعذب من الذكرى ( اغنيه الاماكن يعني )


مكـان ٍ نزيـه وأول مواجهـي لـه فـيـه
وانـا خابـر ٍ مارجـل مثـلـه بـدواجـه
مكان لقاهم بحبهم العذري اللي ما يشوه ولا شوه سمعت احد منهم يقصد ان حبيبته تلقاه فيه بس ما يلمسها ولا حتى بالكلام وهالمكان بالصدفه لقاه لان حبيبته قليل ما تطلع ولا عي متعوده على المكان ( الظاهر مكان خلا وبعيد ما تعود يشوف من الحريم الزينين فيه )

لعل وعسى مـا حدنـي للمجـي ..يدعيـه
واشوفـه وانـا مـاودي اسبـب احراجـه
يقصد يمكن حبيبه يشتاق لمكانهم ويجي يحيي الذكرى مثله ... رغم اني لو اشوفه ماراح اكلمه ولا حتى احرجه او اربكه

يحب الجريح اخـر دروب اللقـاء ويجيـه
وتحـب القـدم جيّـة مكـان اول مواجـه
هذي عوايد الاحبه اللي يتفارقون يحبون دايم يزورون اخر مكان جمعهم ويحبون المكان اللي اول مره شافو بعض فيه


ان شالله اني فسرتها لج عدل
حبيب يحب وحده واثق انها تحبه للحين بس مستغرب او عاتب على فراقه اللي بدون سبب يعيب الشاعر اختارته والدليل انه يقول انه اول كان حبيبه ويعرف كل صغيره وكبيره عنه وفيه الحين ما يعرف كل شي جديد وسبب عاذل وشا له وحبيبه سمح له انه يهدم سور الحب المحمي ويدخل بقلبه يبعد بينهم قاصد
ومن صوب بعيد عن حبيبه ووده ومتلهف يسمع اخباره او يشوف زوله بس وهو خايف من كثرالشوق لا يموت
من صوب ثاني هو حريص انه مايسال شخص عشان ما ينكشف حبهم ويمكن اللي صارت او بتصير من نصيبه يقوم ياذيها او ان الناس تقوم تسولف فيها
ومكتفي بسماع الزين عنها وزيرته لمكانهم غصب عنه لانه كل ما سرح فيها بيلقى نفسه فيه بدون ما ينوي يروح ويتمنى انها مثله وهم يعاهد نفسها انه مايشوه سمعتها .............
وبس تعبتني هالقصيده لانها واقعيه وبين ضلوع اي حبيب او حبيبه افلست من حبيبها

 

[أموووووولة]

خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه

احبه ولا ابغضتـه علـى شـي ٍ إيسويـه
ــــــــــــــــــــــــــــــــــــــــــــــــــــــــــــــــــــ
بمعنى هل سمعتم بأحد يبكي على من يبكيه مثال سمعتوا ان فاطمة تبجي على مها ومها اصلا قاعدة تبجي فاطمة هذا كمثال
وهل سمعتم بمسجون لا يرغب بالحرية؟؟
احبه ولا اكره منه اي فعل يقوم به
حتى لو كان الفعل يؤدي للكره لا اكرهه ...............
والباجي مالي مزاج اشرح بس فاهمتهم
البنات ما يقصرون ان شاء الله اهتميت بالاحمر

 

[ســتارز]

يعني عرفتوا

 

[اصايل الرياض]

خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه

احبه ولا ابغضتـه علـى شـي ٍ إيسويـه
ــــــــــــــــــــــــــــــــــــــــــــــــــــــــــــــــــــ
بمعنى هل سمعتم بأحد يبكي على من يبكيه مثال سمعتوا ان فاطمة تبجي على مها ومها اصلا قاعدة تبجي فاطمة هذا كمثال
وهل سمعتم بمسجون لا يرغب بالحرية؟؟
احبه ولا اكره منه اي فعل يقوم به
حتى لو كان الفعل يؤدي للكره لا اكرهه ...............
والباجي مالي مزاج اشرح بس فاهمتهم
البنات ما يقصرون ان شاء الله اهتميت بالاحمر

فعلا هذا هو التفسير الصح للابيات:ggdw:
وكنت بكتب نفس الكلام بس كويس وفرتي علي يعطيك العافيه

 

[سعبوله نحله]

رد : الي تفهم بالشعر تدخل بلييز محتاجتها ضروري

يعطيكم الــف عااافيه
مشكورين ماقصرتو

 

[الحلى والنور]

من اجمل اشعار بن فطيس

والبنات كفوا ووفوا

 

[* بنت المطر *]

زين ليش تبجين لووول ؟؟؟


هاج الترجمه ::


ياهيه اللتفت لي واسمع ادعاي لـك ياهيـه
ترا عـادك بتشبـع مـن البعـد وتواجـه


ينادي حبيبه يسمعه يدعيه يلتفت له شوي لانه راح يرحل ومن طبعه الهجران


دعيتك بصـوت ٍ ياصلـك ليـه ماتوحيـه
وانا اسمع ضلوعك من صدى الصوت لجّاجه

يقصد يناديه بصوت عالي لكن الحبيب مطنش ( الظاهر يدقدق عليها معطيته طاف خخ )

البيت الثاني يقصد انه الحبيب قريب منه طيفه او انه عنده وسيله يتواصل وياه لكنه مايبيه


عليـك الفـؤاد اخلاجـه مصمّـخ ٍ راعيـه
خـف الله فـي راعيـه ماتسمـع اخلاجـه

القلب متولع مايسمع اللوم فيه ولايلتفت للعذال يصير اصم _ خاف الله ماتسمع مايختلج قلبه ؟


ترا العفو قـد جـاك اولـه واغتنـم تاليـه
وترا الحلم بحـر ٍ غيـر لا تامـن امواجـه

يقصد ان حبه اول وتالي وبيظل يحبه اذا كان صاد عن حبه قبل لايطوفه الحين ههههه يعني قصده الحب

زاد عن الاول من حظ الحبيب ويمكن الحبيب يبي غيره ويحلم فيه ف يحذره منه ( لاتامن امواجه )



وترا الود ليل ٍ مظلـم ٍ جيـت لـك ساريـه
سراجه وصالـك والجفـى ينفـخ اسراجـه

يقصد انه وده وحبه مثل الليل ظلمته لكنه يبيه يذوق حر فرقاه وصابر

يقصد لمن يتواصل وياه الحبيب ينور ظلمته وبعده مثل الهوى ينفخ السراج ويطفي

وترا قصرنا اللي كم سنـه نجمـع ونبنيـه
هوى العذل طيّـح بابـه العـود وسياجـه

يقصد انه بنى امال على حبيبته وينويلها كل خير لكن بكلام الحساد خرب كل شي


لي أيام مـدري ويـن دارك ولا ادري ليـه
وانا خابـر انـي بـاب شفـك ومزلاجـه

يلومها ع الغيبه مسكبه الحبيبه صارلها جم يوم عقب ماكانت نشبه لووول

باب شفك ومزلاجه >> يقصد كانت ماتنطق وتسكت الا معاي يعني تصبح عليه وتمسيه


غيـاب ٍ بـلا سبّـه هجـاد ٍ بـلا تنبـيـه
وجفا أغلا العرب نار ٍ على الكبـد وهّاجـه

مولاقي سبب لغيابها مثل اللي هجد يعني سرى وماعلم احد

يوصف فراقها بمثل مكانتها عنده ان غيابها مشعلل بقلبه نار ومشتاق


نضج قلبي من البعـد وش حاجتـك تكويـه
جفاك الجمر والصبر فـي بعـدك الصاجـه

نضج >> انطبخ من نار الشوق لين نضى وفوق هذا منكوي لاحوووول خخ

يقصد بعده وجفاه مثل الجمر يشتعل على الصاج


طبـع حبـك بقلبـي والايـام مـا تمحيـه
هـذا هجـرك يحـاول يموجـه ولا ماجـه

انطبع حبه لزق ماعاد ينساه لو تطول الايام ويبين له ان حاول يتناساه ويروح لغيره لكن القلب ثابت ع غلاها

يموجه >> مثل الموج يتحرك حاول يحرك موج قلبه ولاماج ماثارموجه الا على محبوبته >> ان شالله توصل لووول

يموت الأمـل لكـن ضنـون الغـلا تحييـه
وعروق الوفـا فالـروح والقلـب وجّاجـه

مرات يايس من رجعتها لكن من كثر مايحبها يتامل خير لان الحب بداخل قلبه مثل النار الوجاجه >> المشتعله


خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه

عمركم شفتوا واحد يبجي على اللي مبجيه >> يعني يبجي عليه ويبيه وبنفس الوقت اهو اللي جارحه ومسبب دموعه

مسجون >> ساكنه قلبه ومايبيها تطلع منه ويبي يظل يحبها مثل المسجون اللي مايبي يطلع من سجنه >> عمرج شفتي مسجون

مايبي الفرج ؟؟ يفصد انه تملكت منه وموقادر ولايبي يترك حبها مع انها بجته وسببت حزنه لكنه يبجي عليها ويبي رجعتها



احبه ولا ابغضتـه علـى شـي ٍ إيسويـه
ولا زالـت أرقـاب الرجـا فيـه منعاجـه

مازال يحبها رغم قسوتها عليه او خيانتها موموضح شنو مسويه فيه الاكيد انها مطنشته خخ وليلحين عنده امل فيها

يرجيها عنده امل ترجع له ويرجع الود والحب بينهم


عسى منزل ٍ ضمه حقـوق الوسـم تسقيـه
وتضحك له الدنيا وهـو يضحـك أحجاجـه
فقد خاطري شـي ٍ مـن الضيقـه امسلّيـه
وغدت روحي من النـاس والليـل هجّاجـه

يدعيلها ان ماتجيها ضيقه وتضحك لها الدنيا وتكون مرتاحه بحياتها

وانه قلبه فقد اللي كانت مطلعته من الضيقه _ من الناس والليل هجاجه >> هجاجه = هاجه منحاشه ويقصد انه مايختلط بالناس مثل

قبل وكله وحداني وبالليل سهران مايذوق النوم >> عزتيله


اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه

المكان اللي دايم تتردد عليه المحبوبه يمكن بيت احد من قرايبها او مكان عام يروح له يمكن يشوفها مع ان ماله حاجه

بهالمكان لكن يروح له لانه بس كانت تجيه >> يهب يوجهها كرهتها خخ

مكـان ٍ نزيـه وأول مواجهـي لـه فـيـه
وانـا خابـر ٍ مارجـل مثـلـه بـدواجـه

مكان نزيه << يوضح انه مومكان يتواعدون فيه لا يمكن بيت محارمها او مسجد اول ماعرفها عرفها بهالمكان

يمدحها بالبيت الثاني ان موهايته خخ يعني يمكن ماتجي ومايشوفها لانها مودواجه عاقله خخ ماتطلع واجد

لعل وعسى مـا حدنـي للمجـي ..يدعيـه
واشوفـه وانـا مـاودي اسبـب احراجـه


يترجى ان ان شالله مثل ماجا عشان يشوفها لهالمكان تجي اهيا عشان تشوفه

ويبين ان وده يشوفها بدون لحد ينتبه له عشان مايحرجها !



يحب الجريح اخـر دروب اللقـاء ويجيـه
وتحـب القـدم جيّـة مكـان اول مواجـه


يقصد ان العاشق اذا انجرح مهما كان جرحه يحن ع اللي يحبه ويحب المكان اللي شافه فيه والاماكن الثانيه

اللي كانوا يروحون لها او اللي كانت اهي تتردد عليها فتاخذه الذكريات وتسليه



وسلامتج والله اني ماقريت الردود الحين ابقراهن لووووووول

 

[عيون مبارك]

لهجة المره في لسانه حلوه ...

 

[* بنت المطر *]

خبرتوا حـد ٍ يبكـي علـى واحـد ٍ يبكيـه
وخبرتوا حـد ٍ مسجـون مايبغـي أفراجـه

احبه ولا ابغضتـه علـى شـي ٍ إيسويـه
ــــــــــــــــــــــــــــــــــــــــــــــــــــــــــــــــــــ
بمعنى هل سمعتم بأحد يبكي على من يبكيه مثال سمعتوا ان فاطمة تبجي على مها ومها اصلا قاعدة تبجي فاطمة هذا كمثال
وهل سمعتم بمسجون لا يرغب بالحرية؟؟
احبه ولا اكره منه اي فعل يقوم به
حتى لو كان الفعل يؤدي للكره لا اكرهه ...............
والباجي مالي مزاج اشرح بس فاهمتهم
البنات ما يقصرون ان شاء الله اهتميت بالاحمر

عفوا مع احترامي العضوه موهذا تفسير البيت لان لو تقرين الابيات الثانيه بتعرفين انها هاجرته

ف شلون تبجي عليه اهوا يقصد مبجيته يعني توعدت له تبجيه وبجته وبجى عليها

زعل وبجى من شي سوته فيه والحين يبجي يوم فارقته والاخت اللي فوق فسرت نفس

تفسيري

 

[dnyay_mll]

رد : الي تفهم بالشعر تدخل بلييز محتاجتها ضروري

ماعرف بهالسوالف

بس عجبني الشعر

 

[( المـلاك )]

رد : الي تفهم بالشعر تدخل بلييز محتاجتها ضروري

ماقصروا البنات ،
عجبني الشعر

 

[ضماي هو وهناي]

عفوا مع احترامي العضوه موهذا تفسير البيت لان لو تقرين الابيات الثانيه بتعرفين انها هاجرته

ف شلون تبجي عليه اهوا يقصد مبجيته يعني توعدت له تبجيه وبجته وبجى عليها

زعل وبجى من شي سوته فيه والحين يبجي يوم فارقته والاخت اللي فوق فسرت نفس

تفسيري

صحيح يابنت المطر
لان الشاعر قال مبجيه وما قال باجييه
بس بجد قصيده قمه بالوفا ....................
ذكرتني باغنيه الطير والسجان مالت الجسمي

 

[واحد على واحد]

رد : الي تفهم بالشعر تدخل بلييز محتاجتها ضروري

البنات كفوا وفو انااحب قصيد الشاعر لاانه مواثر

 

[واحد على واحد]

رد : الي تفهم بالشعر تدخل بلييز محتاجتها ضروري

لكن الشاعر جب البيت مثل خبرتو حدن يبكي على واحد يبكيه بمعن عمركم شفتن واحد يبكي على واحد يبكي عليه واحد مسجون مايبي يخرج من السجن يبقا بسجن

 

[احساس قباني]

رد : الي تفهم بالشعر تدخل بلييز محتاجتها ضروري

ماقصروا البنات

وايد حلو البيت .~~~

 

[مــلائكيه]

زيين ليش ضرووري ضرووري

شنو الموضوع d:


القصيده باختصاار انه واحد عشقان وزعلان على حبيبته اللي هاجرته
وقاعد يعطيها فرصه انها تعدل الوضع لانه واثق باخلاقهاا

سلام

 

[رآء يآء ميم]

رد : الي تفهم بالشعر تدخل بلييز محتاجتها ضروري

اروح لمكـان ٍ خابـره ..خابـره ياتـيـه
اسوق القدم صوبـه وهـي مالهـا حاجـه



اعشق هالبيت


والبنات كفو و وفو

 

[ملآمح يوسفيه]

رد : الي تفهم بالشعر تدخل بلييز محتاجتها ضروري

البنات ما قصروا

من اجمل اشعار ابن فطيس

تهيضني

​

 

[سعبوله نحله]

رد : الي تفهم بالشعر تدخل بلييز محتاجتها ضروري

يعطيكم الف عافيه