الي تغربت بامريكا وبريطانيا بليز عطيني رايج

[black_arno0oBa]

مرحبا بنااات شلونكم بغيت اخذ رايكم بموضوع حق الي جربت الغربه صج يعني مووووو سياحه الي سافرت وعاشت بامريكا وبريطانيا وجربت العيشه والتعامل مع الاجانب شنو تفضلين وشنو برايج احسن برايطانيا ولا امريكا انا عن نفسي افضل بريطانيا لان امريكا حسيتها لوووويا ايد كبيره وبعيده عن الكويت حيل عكس بريطانيا صج انه اهمه الامور عندهم كل شيء سهاله بس ماعجبني موضوع انه اسوق سياره حبيت موضوع الباصات والترام القطار ملينا من السياره حبيت اناقه البريطانيات بس تكفون لا تقولولي الي بلندن لان لندن ماكو مقارنه بينها وبين باجي المناطق لندن جنج قاعده بالديرهماتحسين انج مسافره كل مابعدتي كل ماحسيتي بااحساس انج عايشه صج بره وادري قرقت وايد بس ماكووووووو شغل ههههههه ياريت الكل يشاركني ويعطيني رايه بالموضوع :balo:

 

[اختكم بالله]

هلا والله اختي شلونج

والله انا ماجربت بريطانيا انا الحين بامريكا احسهم زينيين بالتعامل والامور ماشيه الحمدلله وصج سالفة الباصات حلوه بس السياره ضروريه خاصه اذا عندج ياهل مريض او شي ضروري

والله احنا مقزرينها باصات والحمدلله

بس اللي اعرفه شعب بريطانيا مايحتكون مع العرب وايد مادري هذا اللي اسمعه

موفقه حبيبتي

وحياج الله بدوانيتنا ديوانية المغتربات ترى البنات حبوبات وسوالفنا حلوه ومفيده

عيدج مبارك وكل عام وانتي بخير

 

[chanel N22]

انا بأمريكا وحبيت معاملة الامريكان احسن من الانجليز البريطانين حسيتهم شايفين روحهم وايد

 

[black_arno0oBa]

حياكم الله ويسلموووووا على المورور والتعليق

 

[Japanese]

جربت عيشه اميركا

فيها ايجابيات وفيها سلبيات

مثل ماقلتي انا عن نفسي بعد مليت من السواقه!!! اصلا زهقت ولاعت جبدي صايره مابي اطلع من البيت والسبه

اني انا اللي باسووووق!!! وبآميركا اللي ماعنده سياره يضيع عكس برتش << مع العلم انا ماقد تغربت في برتش

وهالشي ممكن يكون سلبي او ايجابي ع حسب الشخص صراحه

ساعات اقول حمدلله اني اسوق وساعات ودي اصيح مابي اسوق << اهو مزاج تبين الصج

وبعد من سلبياتها او ممكن يكون شي ايجابي

انها كبيره وايد وايد وايد ،، يعني ع بال ماتروحين ولايه ثانيه يبيلج يوم كامل!!! او نص يوم ع الاقل

بس هالشي حلو ايام الاجازات تقدرين تصيعين وين ماتبين ككككك =)

اما برتش مافيها مكان تبين الصج :/ لندن وبس والباقي اماكن عاديه مب مثل اميركا يعني

مادري هذا اللي انا اسمعه واقرا عنه

خل اقولج عن اميركا بصراحه ماعندي خبره ف برتش كلش

ف اميركا شخصيا حبيت انها مافيها عرب وايد واغلب ربعي كانو اميركيات وهالشي وايد ساعدني

من ناحيه اشياااا وااااااااايد من ناحيه اللغه - المعيشه - الدراسه وغيره وغيره

تعلمت شلون لازم ايمع فلوسي واتعب ع اللي ابيه واصير وحده ملتزمه بجدولي ومواعيدي وكل شي

وهذا اللي خلاني مستانسه ان رفيجاتي اجانب مب عرب

يوم قدمت ع جامعات بريطانيه تخوفت انه كل هالاشيا خلاص بح تروح بمجرد اني احول من اميركا لبرتش

لآن برتش وايد فيها عرب

الاميركان معظمهم تبين الصج ناس عاديين وايد وتلقينهم مب مثقفين نفس الاوروبييين

مايعرفون عن شي الا عن ديرتهم اصلا اميركا شكبر احس وين بيلحقون يعرفون عن دول ثانيه غير عن هال ٥٠ ولايه اللي عندهم

ف تحسينهم عايشين بقوقعتهم مايدروون عن شي ،، اخبر كانو يسآلوني قبل اذا كانت الدوحه جزيره فيه اميركا

<< تخيلي!!!! يتروالي هالشي يبيله طواله بال ووحده فاضيه تقعد تفهم بهالناس عن كل شي تسولف عنه

طبعا انا كنت استخف :/ معاهم لان صج صج احسهم مايعرفون شي وجهله وايد << وهني اقصد الطلبه اللي معاي بالجامعه

مب ناس مب متعلمين

في شي حلو عندهم وايد هممم انهم يبينون لج انهم يحترمون افكارج واعتقاداتج سوااء كانت غير عنهم او مثلهم

هم بيوضحون لج هالشي بس مب شرط انهم من الداخل موافقين يمكن ايه ويمكن لاء بس المهم انهم بيقولون انهم

okay with whatever you believe in! شي حلو صراحه

وبعد وشو ههممممم

ايه المعيشه رخيصه رخصصصص مب طبيعي

تلقين كل شي رخيص من والى ودايما تقدرين تلقين الشي اللي تبينه بآرخص الاسعار

ماعندهم اشيا حلوه مثلنا ينكشخ فيها << الثياب اكس عن نفسي ماحب ملابس اميركا احسها مالت شبربرش

عندهم بس الشوزات حاشاكم والشناط يجون حلوين وثياب اليهال بعد < مرت ابوي تحب ثيابهم اما الباقي يآآآآووو

ماينلبسشش

ووايد عندهم قوانين غريبه

بس مثل مايقولون امش عدل يحتار عدوك فيك

خل اقولج عن موقف صادني ومن هالموقف آمنت بالله ان هالناس عندهم فوبيا

كنت صافه بسيارتي جدام بحيره بط بالليل جذي

انا ورفيجتي ،، اشوي الا اجوف اميركان <<اشكالهم وتصرفاتهم مب طبيعيه جايين للبحيره وقاعدين يفصخون ثيابهم ويطبون

بالبحيره ويآذوون البط!! ربع ساعه الا كلهم محد راحو بح مافي حد ،، خمس دقايق الا الشرطه جايين

طبعا محد كان موجود غير سيارتي وجووني السياره،، فتحت الدريشه الا الشرطي يقولي اشم رييييحهههه مخدراااات قاعدين تدخنون؟

انا ورفيجتي قعدنا نطالع ف بعض مب مصدقين!!!!! نعم خيررررر اشوي الا قعد يجيك ع السياره

الا اقوله انت واصلك بلاغ<<< كنت اقصد عن المينن اللي كانو موجودين قبل مايجي الشرطي

؟ انا ماقلت هالجمله الا يحط الليت على عيني :/ عباله سكرانه

المهم طلع اخر شي انه ممنوع التسكع بعد غروب الشمس بالمناطق العامه ،،<<< تخيليييييييييييييي

ف يعني اقولج عندهم قوانين تجيب الهم مادري شلون وهالشي ماعجبني كلش

مادري يمكن لان منطقتي كانت زعنطوطه كانت فيها قوانين جذي

مادري شاقولج بعد بس انا الشي الوحيد اللي خلاني ابي انقل بريطانيا اني عشت بمنطقه بآميركا اشوي لو اقول عليها

زبااااله حاشاج ،، منطقه ريفيه وابدااا مب شي ماحبيتها ف احين باغير ان شاء الله وباروح سيتي اكبر

كلش مب مالت ريف انا =(

الاماكن بآميركا مب كلها حلوه ومن تجربتي اقول هالشي ،، عن نفسي ماحب المناطق الريفيه اللي مافيها شي

ماتيوز لي ولا ادانيها .. احب السيتي واحب اجوف العمران ماحب الجبال والطبيعه استخف

وسلامتج

 

[black_arno0oBa]

يسلموووووا حبوبه على رايج بس انا لي الحين فراي بريطانيا احسن وترى اكو وايد اماكن حلوه ببرطانيا واهمه محترمين حيل يعني مو نفس الاجانب يطقون هرن ويتهاوشون ووفيهم وقاحه عكس البريطانين عندهم اتكيت ولولا اختلاف الاراء لبارت السلع مادري هالمثل بمحله ولا لا ههههههههه شاكره مرورج حبيبتي

 

[Japanese]

اييييه ترى صح الاميركان ماعندهم شي اسمه ذوق ولا اتيكيت عندهم بس انه مايتعدون حدودهم عشان القانون يفرض عليهم جذي

:/ عكس الاوروبييين تلقينهم مثقفين وبنفس الوقت بروتوكول سواء هالشي ملزومين فيه او لاء

استخيري حبيبتي وان ارتحتي لبرتش خلاص شلي قشج وروحي هناك ترى مافي احسن من انج تسوين اللي عليج

وتتوكلين ع رب العالمين =) موفقه ان شاء الله

 

[black_arno0oBa]

لا ان شاء الله بشيل قشي وارد الكويت

 

[black_arno0oBa]

لان اانا موجود علاج كنت ببريطانيا والحين بامريكا والحمدالله على كل حال كانت فتره العلاج ببريطانيا سنه تقريبا والحين بامريكا بيصيريلي 6 شهور وان شاء الله برد الكويت بس حبيت اخذ راي البنات الي تغربووووا وتسلموووون حبايبي

 

[Japanese]

ويي سوري فهمت الموضوع غلط لوول اسمحيلي

سلامتج ماتشوفين شر :*

 

[black_arno0oBa]

الشر ماااا ييج فديتج

 

[ام كوشه منكووشه]

رد : الي تغربت بامريكا وبريطانيا بليز عطيني رايج

هلا قلبي بالنسبه لى ماجربت الغربه ببريطانيا
لكن صار لي الحين بامريكا 5 سنين وشي بس بصراحه العيشه اهني واايد حلوه صحيح بالبدايه الواحد ياخذ له وقت على مايتأقلم مع وضعه اليديد ويتقبل افكار وعادات المجتمع اللى انتقل له لكن الحمدالله ربج يسهرها .. ومن خلال قعدتي بامريكا شفت جوانب ايجابيه فيهم مثل مالهم سلبيات وهالشي طبيعي وكل مجتمع مايخلي من هالشي .. بصراحه يعجبني نظامهم واسلوب تعاملهم مع اعيالهم يعني من واهم اصغار يتكلمون معاهم وياخذون برايهم ويحترمون وجهة نظرهم يمكن مو الكل بس انا احكم على جيراني واسلوبهم مع عيالهم واحب فيهم انهم يعلمون اعيالهم على المسئوليه من ناحيه انهم يساهمون بشغل البيت مثل قص الزرع -تنظيف غرفهم او شيل الزباله وانتى بكرامه وعلى شغلهم بالبيت ومساهمتهم يعطونهم مصروفهم..الشي اللى حيييل عجبني فيهم احترام الخصوصيه ماعندهم الفضول وحب التطفل يعني انا جيراني امريكان اسوالف معاهم بس ولا عمرهم اسألوني اسأله خاصه او وين رحتوا ولا منين لكم هذا.. وغير جذي ماعندهم تفرقه ولا انتى من وين ولا شنو دينك بالعكس يقعدون مع الكل ويحترمون الكل.. وسلامتج

 

[black_arno0oBa]

يسلمووووووا حبوبه وحياج الله وصج على قولتج كل شعب له سلبياته وايجابياته بس انا حبيت البريطانين اكثر:eh_s(22): مع انه زوجي يقول لا الامريكان احسن بس صج الناس تختلف ارايهم وكل واحد وشنو يرتاح له وانا مسويه الموضوع بشوف شنو الاغلب يحبون الناس :fun:

 

[إنسانه وأكثر]

السلام عليكم ورحمة الله وبركاته

شلونكم حبيباتي

انا جربت الغربه بامريكا 6 شهور بالتمام والكمال

تبون الصج اول الشهور كانت صعبه بس بعد ماتعديت الشهرين تأقلمت وايد وحبيت العيشه هناك لاتحاتين الحش والذم ولاتحاتين مواجيب وعايشه حياتج ومحد يتدخل فيها ريلج معاج بكل دقيقه وحولج وعيالج معاج لادوام ولامحاتات خدم وشسوولهم وشصارلهم

يعني فيها ايجابيات وايد

والسلبيات بعدج عن اهلج وناسج فتره طويله وانج تشتاقين لهم بس عادي عندي ارد اشوفهم وارد اتغرب مره ثانيه مو مشكله والله يخلي الماسنجر والكام تشوفينهم متى مالولهتي عليهم بس اهم شي عيااااالج معاج

وعسى الله يردج لديرتج سالمه غانمه مع احبابج وكل مغتربه يارب


موفقه

 

[black_arno0oBa]

حياج الله حبيبتي وصاجه صج اهم شيء توخرين عن الذم الحش:d