الي تعرف تنصحني.. والي ما تعرف بس تدعيلي

[ناني سيكرتس]

السلام عليكم يا امهات..

حبايبي ابي نصيحتكم شوروا علي شسوي..

ولدي الكبير توه مكمل 6 سنين, وطلع المسكين فيه توحد, والحين انا حايسه معاه ادور له على مدرسه خاصه. والحين في ناس تنصحني بالمدريه النموذجيه الي بدسمان, وناس يقولون دخليه بالمدرسه الانجليزيه الي بسلوي (فيها قسم حق التوحد ) وناس يقولن دخليه مدرسة المبدعين الي بحولي, وانا ماني عارفه وين اوديه..

الي ابيه منكم الي تعرف شنو احسن مدرسه حق التوحد الو بطيئي التعلم تنصحني فيها..
والي ما تعرف تدعي حق ولدي انالله يشافيه ويشافي جميع مرضى المسلمين..

مشكورين وما قصرتوا..

 

[كيت كات]

الله يشافيلج اياه يااارب ويشافي امي ووليدي وكل مرضى المسلمين

حبيبتي اللي اعرفه انه يتحول لقسم بطيء التعلم واهم هناك يعرضونلج
المدارس المختصة وعلى حساب الحكومة دراسته وكل شي هذا اللي اعرفة

 

[Yasmin]

والله مادري ياقلبي

الله يشافيه انشاءالله يارب ويشفي كل مرضى المسلمين

قبل فتره كنت شايفه حلقه حق اوبرا مقابله وحده ولدها فيه توحد, الام هذي كان عندها اصرار انه تعالج وتحسن من حالته, ومألفه كتاب, ويحطون لج شلون الام حاولت مع ولدها, لما محاولاتها يابت استجابه بتصرفات ولدها, مع العلم انه ريلها للاسف هدها من درا بحالت ولده, فاهيا اللي جابلته بروحها

كان موضوع الحلقه انه شلون ممكن الام تتصرف وتحاول وممكن تكون فيه استجابه من الولد... مادري اذا شفتي الحلقه والا لا؟؟؟

الله يشافيه انشاءالله يارب

 

[ناني سيكرتس]

بعد عمري حبايبي ما قصرتوا..
انا عموما وديته الطب التطوري وسويت جميع اوراقه, والحين انا بس حايره ما ادري وين اوديه عشان يوم موعده بالمجلس اعرف اختار اي مدرسه..


الله يشافي جميع مرضانا ومرضى المسلمين يارب..

 

[ام معيوف]

الله يشافيلج اياه يااارب

 

[أم شواقه]

الله يشافيه ان شاء الله يااارب

 

[منارو]

الله يشافيه يارب ويعطيج الصبر والثبات ويقويج لانج انتي الام وانتي عليك العبء الكبير
الله يعينج يا اختي
بس صدقيني هذي خيرة من رب العالمين وان شاء الله لج الاجر
اللهم احفظ عيالنا من كل شر يارب

 

[احلى كويتيه]

الله يشفيه يارب ويصبرج وتاكدي ان الامر فيه خيره لكم والحمد الله على كل حال بس سؤالج والله ما اعرف عنه شي

 

[ghalya]

الله يشافيه يارب ... أنا أعرف وحده من أهلنا بنتها فيها توحد والحمد الله الحين وايد احسن بعد ما دخلتها مدرسه خاصه للتوحد اسمها (هوب) واهيا مالت دكتوره متخصصه بالتوحد ... والدكتوره اتابع الحاله معاكم وتعطي الياهل نظام دايت خاص وادويه تطلبونها من بره الكويت ... واذا تبين أسألج عن تفاصيل أكثر

 

[كنافه]

عسى الله يشافيه ويعافيه ويشافي كل مرضانه ومرضى المسلمين

 

[supermarket]

عسى الله يشافيه .. انا رفيجتي مدخلة ولدها دسمان وبين فترة والثانية يسوون له اختبار

واذا اوكي يدخلونه مع الطلاب العاديين ... عذريني ماعرف التفاصيل لاني ماعرف تبعات المرض

والله يسهل اموركم

 

[نطوووعه]

عسى الله يشافيه عاااجل غير اااجل اهوا و مرضى المسلميت امييين يارب العالمييييييييين


ماعرف حبيبتي بالنسبه لسؤالج


بس اذا ممكن انا اسئلج شلون عرفتي انه فيه توحد؟؟ شنو كانت المؤشرات؟ لان عمره 6 سنين كبيره يعني قبل لا تكتشفين كان يتصرف تصرفات اي طفل عادي بعمره والا شنو بضبط؟

 

[manarah]

يارب تشفيه وتشفي كل اعيال المسلمسن امين يارب العالمين .. والله يقويج ويثبتج انشالله وتكونين قد المسؤليه وقد الاختبار اللي الله اكتبه عليج .

 

[أم وجيه]

الله يشافيه لج ويأجرج عليه ويصبر قلبج
ويشافي جميع مرضى المسلمين

 

[ســتارز]

الله يشفيه ويارب يلقى الطب علاج مطور وفعال لمثل هذي الحالات

 

[توته الحلوة]

حبيبي الله يشافيه ان شاء الله ويقوييج علي مساعدته وتربيته

 

[ناني سيكرتس]

الله يشافيه يارب ... أنا أعرف وحده من أهلنا بنتها فيها توحد والحمد الله الحين وايد احسن بعد ما دخلتها مدرسه خاصه للتوحد اسمها (هوب) واهيا مالت دكتوره متخصصه بالتوحد ... والدكتوره اتابع الحاله معاكم وتعطي الياهل نظام دايت خاص وادويه تطلبونها من بره الكويت ... واذا تبين أسألج عن تفاصيل أكثر

حبيبتي ابي تفاصيل اكثر عن هالمدرسه اذا ممكن بس بسرعه..

 

[ناني سيكرتس]

عسى الله يشافيه عاااجل غير اااجل اهوا و مرضى المسلميت امييين يارب العالمييييييييين


ماعرف حبيبتي بالنسبه لسؤالج


بس اذا ممكن انا اسئلج شلون عرفتي انه فيه توحد؟؟ شنو كانت المؤشرات؟ لان عمره 6 سنين كبيره يعني قبل لا تكتشفين كان يتصرف تصرفات اي طفل عادي بعمره والا شنو بضبط؟

شوفي انا كنت ملاحظه انه ما يتكلم عدل وكان يسوي حركات بسيطه بس كنت احس انها مو طبيعيه بس سكت لان اول ياهل لي وانا ماكنت اعرف حق اليهال وقلت يمكن عادي هالشي لي كبر اكيد بيتعدل, وكنت لما اسال الامهات كل من يقولي عادي بس يروح الروضه راح ينطلق ويصير زين لا تحاتين.
ويوم كان بالروضه انا كنت امبلغتهم ان عندي صعوبة نطق, بس اهم اكدولي ان هالحاله عاديه وانهم راح يخلون المشرفه النفسيه تفحصه, وافحصوه وقالولي عادي الولد عنده جم حرف ما يعرف ينطقه بس ليما يكمل 6 سنين راح يتعدل, هالكلام كان سنه اولي روضه وانا كنت حزتها متابعته وكله اسال الروضه عنه وكل مره يقولولي انه زين وما فيه شي,,
هالسنه الي اهي ثانيه روضه وبالكورس الثاني قالتلي ابلته ترا الولد فيه شي مو طبيعي وان اهي ملاحظه عليه حركات مو طبيعيه قاعد يسويها, جان اخذ الولد عند الاستشاري مازن العيسى وقالي خل نسويله فحوصات وطرشني اول شي عند دكتور انف واذن وحنجره عشان نشوف اذا في مشاكل بالسمع, والحمد الله ماكو شي, بس لما سالت الدكتور قالي روحي حق الطب التطوري عشان يسووله اختبارات, وفعلا بالغصب سويتله موعد واكشفوا عليه وقالولي فيه بطئ تعلم وان فيه بعض صفات التوحد..
انا اهني انصدمت بس قالي لا تخافين لان راح يصير زين مادامه توه صغير تقدرين تتلاحقينه, وانا من يومها ركضه عالمدارس الخاصه , كل مدرسه يسووله اختبار يوقولولي فيه نوع نادر من التوحد هذا النوع اهو اخف حالات التوحد, يعني لما تشوفين الولد تشوفونه عادي ومافيه شي بس اهو فيه توحد خفيف, واهو اسم الله عليه مو انطوائي لا بالعكس يلعب عادي مع اليهال وويسوي كل شي مثل اليهال بس ان المعلومات الي ادرسه اياها ما يفهمها بسهوله واذا دخلته مدارس الحكومه ماراح يتعاملون معاه عدل لان يبيله طريقه معينه بالتدريس..

عشان جذي انا الحين قاعده ادورله على مدرسه خاصه زينه تساعده, وكل مدرسه تقول ان فيه امل لا تخافين, واذا صار الولد عادي راح نحوله مدارس عاديه.



ادعوله حبايبي وادعوله وادعوا حق جميع مرضى المسلمين ان الله يشافيه ويشافيهم..

 

[ام كتكوت]

الله يشفيه يارب ويبرد قلبج عليه

انا سمعت فيه مدرسه اسمها (القبس ) وااااااااااااايد زينه

رفيجتي بالدوام مدخله ولدها


اخذ التفاصيل واذا ذكرت برد لج خبر

مايشوف شر

 

[ام كتكوت]

بس تعالي شلون عقب 6 سنين اكتشفتي التوحد يعني شلون حسيتي ؟؟؟