الي تعرف تطلع برنت؟؟؟

[كنوشة 2009]

حبيبتي صدقيني انا وحده من الناس بيتي اخترب واعرف كل شي عن البنت
بس ليش تاذين روحج
لاتنسين العيب الاول بريلج اهو الي عطاها وي
لاتزعلين مني انا عايشه موقفج وزود
والبرنت ماراح يسوي لج شي
الا اذا الخط باسمها
الي عليج فوضي امرج لله وادعي ربج ياخذ حقج الله سبحانه احكم الحاكمين
وبعدين قولي حسبي الله ونعم الوكيل
للاسف العيب بريايلنا مو بس البنات الي يخربون بيوت
وتاكدي الله يمهل ولا يهمل والدينا دين

معاها :ggdw::ggdw:

 

[الصعيريه]

شي يحر القلب

حبيبتي لاتسكتين وتشيلين بقلبج
انتي لاتحاسبين هالحثاله إنتي لج بزوجج
والشرهه موعليهاا الشرهه على زوجج
واجهيه ووقفيه عند حده
والله يعينج صرااحه

 

[واثقه خطاي]

شسااااااااااالفتهم هالبنات الرخاص

 

[بنت عطا]

اهي لو زوجج مو معطيها الضوء الاخضر وبينهم بلاوي جان ماهددت وخافت
واكيد زوجج درا انج عرفتي
باين عليها ماوراه شي تخاف عليه يعني لاسمعه ولاشرف

لو انا مكانج بقلب زوجي فوق تحت بصك معاه هوووووووووووشه ماروح بيت اهلي عشان مااحر قلب امي اقعد على قلبه واحقره اخليه اهو والجوتي ووووووووووووواحد لابالله الجوتي ابرك منه واعز منه

 

[الملح زايد]

عسى الله يبرد جبدج فيها وحوبتج ما اتعداها انشاء الله

والحره اللي فيج تكون فيها اضعاف اضعاف

حسبي الله ونعم الوكيل على بنات الحرام

 

[om...al3ess]

وااااااااااااااي على هالبنات ............حبيبتي والله لا تعبين روحج معاه اول شي راح تطلعين انتي الغلطانة وثااني شي هم يطلعج انتي الغلطااانة وثاالث شي همن انتي الغلطانة فحقرررية وحقريهاااااا وطوووفي وادعي ربج والله يفرجهاااا عليج يااااربي من بنات ابليس

 

[غمزه وإبتسامه]

اااااااااااااااااااااب

 

[tolay]

والله ماتستحي

تهدد

صج قويه عين

ماتخاف ؟؟؟؟

والله تستاهل لو تكلمين اهلها وتفضحينها عند اهلها

شوفي اول شي واجهي زوجج وقوليله يا انا يا اهيه

وثاني شي عندج المباحث يتعاملون مع مشاكل البنات بسريه

يعني شوفي كلميهم وقوليلهم سالفتج وشوفي يمكن يطلعون شي عن البنت

 

[tolay]

فكرت بشي .... زوجج شنو ردة فعله منها ؟؟؟؟

معقوله درا انج تدرين ودرا انها تهددج وساكت ؟؟؟؟

تواجهين زوجج احسن

 

[SOKAR MALE7♥]

الله يكون بعونج وربي يبعدها عن دربج وريلج

 

[um khaled]

لا تلعبين بحسبتج
ليش المؤامرات والخش والدس
كلميه وواجهيه
الله يعينج

 

[دنيا رديه]

كان عندي رقم واحد يشتغل بالاتصالات كان نافعني بس غيرت جهاازي والارقام تمسحت
بس لوووووو تبين اعلمج ومكانه وتروحين له وراح يسااععددج

 

[ام ساره 4]

حبيبتي البرنت مايقدر يطلعه إلا صاحب الخط اللي باءسمه غير جذيه ماتقدرين والله يعينج ويبعد بنت الحرام عن ريلج

 

[نــوف]

الله يعينج

 

[مـيـراس]

الله يعينج

 

[PinkY Dreams]

خل تاكل هوا زييييييين

طااااااااع هذي والله مو متربيه لا وبعد تهدد على شنو تهددج ؟ ليش انتي شمسويه علشان تهددج ؟ خل تاكل تبن زيين
لااااااتسكتين ولاتقعدين مقهوره الزم ماعليج صحتج طلعي برنت عنها بأي طريقه طلعي كل شي عنها من بنته ووين ساكنه وهدديها وقولي حق امها وابوها بعد خل يغسلون شراعها

 

[PinkY Dreams]

حبيبتي البرنت مايقدر يطلعه إلا صاحب الخط اللي باءسمه غير جذيه ماتقدرين والله يعينج ويبعد بنت الحرام عن ريلج

بالواسطه كل شي يصير


صاحبة الموضوع دوريلج واسطه أو روحي المخفر وقوليلهم هالرقم امأذيني وخرب بيتي وأبيكم تطلعون برنت ومن بسمه

لاتخافين انتي ماسويتي شي غلط الحق كله معاج صيري قويه علشان بيتج و عيالج والله ماأشيشج بس ألزم ماعليج صحتج اكيد انتي الحين منهاره ومتضايقه لاتكدرين روحج وانتي الصح وماغلطتي

 

[StrOnG WoMeN]

بنات شنو تقولون لها فوضي امرج لله !!!!
الرياييل الحين مايركضون ورا الحريم الحريم هو الي يركضون وراه ومو زين يكون متزوج يحلى بعينها بنت ابليس والرياييل يبونها من الله قطيعه

اكيد نفوضه لرب العالمين
حبيبتي الامر الاول وبالاخر بايد رب العباد
اسعَ يا عبدي وتوكل علي أبارك سعيك
يعني لو بتسعي بالنهايه التوكل على الله بكل الامور نفوض امرنا لله ونحاول اذا في نحلها
واذا حابه البنت تسعي بموضوعها تفكر بطريقه الصح
مو تنزل مستواه للي ماتخاف الله
اذا تبي تكلم ريلها
البنت ماراح تنفعها
تاكدي راحت غيرها عشر العيب بالريل مو بس البنت
لكن الي يقهر بالبنت انها مستقويه على زوجته
حسبي الله ونعم الوكيل فيها
ولهاااا يوم طال الزمن ولا قصر


مع ذلك الامر ما يستحق برنت
لانه كل مافي الامر هل اشكال الي جذي ما ينفع معاهم هل اسلوب
وعندها اهل يوقفونه عند حده ويورون ريلها ان لها سند
بس طبعن كثر ماتقدر هل امور تحلها ودي وبصواب
واذا مانفع الدور ع الاهل يحطون خط احمر لكل خطا
ويبردون قلب مظلومه حيل
وربي يفرجهااا عليج
مالج الا بالدعاء وربي معاج

 

[miss mama]

اول شي وش لج بعوار الراس السالفه مو سالفة تحدي وانج تفضحينها ..بلاج زوجج اول شي اصلحي حاله وعدليه وتكلمي وياه لانه هو ساس البلا بالموضووع
يعني اوكي باجر هذي فظحتيها عند اهلها وصار الي يرضيج ... ورد زوجج لقا وحده ثانية وثالثه رابعه والف وحدددددددددددددده بيكلم بالتفلون بتقعدين تطلعين برنتااااات وتتهاوشين؟ لي متى !!؟؟

اتركي هالحثالة عنج وامسكي زوجج تفاهمي وياه

ولو على البرنت ترااا مايبيله واسطه وبطييييييييييخ هالشي مافي اسهل منه و ممكن اقوولج شنو تسووين ..انا اشوووف انه موووووووووووووو من مصلحتج تكبرين الموضوووع ..انتي الحين معصبه بس اطلب منج الهدووء والتفكير بعقل ..لا تروحين لتفكير وغلط وتصيرين اندفاعيه واخرتها تصير المشكله مشكلتين ... الله يصلح حالكم

 

[ماكنتوشه بنفسجيه 12]

حسبي الله عليها وعلى كل وحده تبي تخرب بيت


سبحان الله وبحمده

سبحان الله العظيم