الي تحبه عند مرته جد قهر

[mny khathok]

سلام عليكم بنات

شلونكم

حابه اقولكم سالفة ارفيجتي توها داقه وتقولي

الله يسلمكم اهي تحب وواحد متزوج و اهوا كان يحبها وتقدملهاا بس ابوها ارفضه

وحاول وحاول كلش مافي فايده

اهواا الريال تزوج صارله شهر واهو لييما الحين يكلمها بس موحب تقول تغير حيل عن اول

بناات اهواااااا حيل كان يحبها ومحترم يعني ما كان نظاامه مواعد وهالخرابيط

وبعدين لو تدرون شلون تعرفت عليه ماتصدقون ..

اهيا كانت بالطريج ولا يدعمها ويتأسفلها ومادري شنو

قالهاا انا راح اصلح سيارتج على حسابي قالتله لاخلاص مو مشكله يعني جد كانت تمثلي شلون كان يقولهاا

حيل محترم وعطاها رقمه وصلح لها السياره شوي شوي وحبته .. تقريبا صارلهم 8 اشهر وقتلكم تقدملها ورفض ابوها

الحين بناات البنيه شوي وووتمووت والله جد كاسره خاطري داقه تقولي لحقي دقيت عليه يكلمني جني ريال ويقولي انا مشغول قالت له متى تفضى قالها ماضنتي اليوم عندي مرتي

اهيا مرته كانت زعلانه وردتله ..لانه كانت زعلانه جم اسبوع

بناات حطي نفس مكآنهآ حيل كاسره خآطري موقادره تنساه قتلهاا الريال خلااص راح بنصيبه ببس موقادره تنساه

وبعدين اهيا موياهل عمرهاا 22 بس صراحه ماني عارفه شسووي

ساعدوني شقولهاا ..

ويعطيكم الف عافيه

 

[tbola]

بس اهو مزوج مايسير الي تسويه خل تحط نفسها اب مكان زوجته ترا الدنيا دواره وان كان نصيبها بتاخذه

 

[درر2008]

تحبه ليش ماصممت تاخذه الحين الراي للبنت مو لابو وخلاص تنساه لان شكله حب مرته

 

[وردة-الكويت]

خل بس تقظب ارضها ولاتهدم بيت الرجال على بوانها تحبه الرجال تقدم لها لمن كان زعلان مع مرته والحين ردت المياه

لمجاريها وتصالح مع مرته خل تستحي وتبعد عنه وتخلي عنها سوالف الحب والخرابيط والافلام الهنديه

باجر يجيها نصيبها وتتذكر هسالفه وتضحك على عمرها بس خلها تبعد عنه ولاتهدم بيت المرا عيب عيب عيب وشق جيب

 

[•Brown•Sugar•]

حرام تخرب بيت الريال !!
الله مو كاتب لها نصيب معاه خلاص خل تنساه
وحطي مكانج بمكان مرت الريال شنو بيكون موقفج
مو بس تفكرين بصديقتج
هم اهي بنت ناس ولها مشاعر

 

[فوفو..]

اقول خلي تخلي عنا هالخرابيط...الرجال مو من نصيبهااااا....والله يعوضها اخير منه...هي يعني كسرت خاطرك ومرته ماكسرت خاطرك....عالم جدااااااااااااااااااااااااااا غريب...

 

[! هُوْ وِينِه !]

من ترك شئ لله آعآضه
خل تتركة يمكن خيره لهآ وله إذآ تركو بعض
بس من صج بجتني

 

[كويتية222]

طيب اهو تزوج وانتهت القصة وبدأ حياته

خلها تكمل حياتها من غيره

لاحظي قلت لج تكمل يعني حياتها بدأ من غيره وبتستمر من غيره

لكن اهي اللي يثيرها انه يصدها واصبح لوحدة ثانية هالشي كسرها كأنثى وتبي رد اعتبااار

وصدقيني لو يرد يكلمها مع الوقت اهي اللي بتتركه لانها بتفكر بعقلها وتقول اهو متزوج وعنده مرته ومستحيل وحدة تشاركني

بالرجل اللي بتزوجه يعني خل تتصبر وتبعد وربج كريم ​

 

[إماراتية طر]

شو تباا فيه الرياال متزووج خلااص لا تهدم بيته

خلهاا تقطعه و لا تتصل فيه ابد حراام عليهاا

و الله يرزقهاا بوااحد احسن عنه

 

[ms> pink]

اي حب اي خرابيط لوتحبه كان تركته يشوف حياته وينبسط بالطريق اللي اختاره وهو زواجه من غيرها , هي تعلقت فيه وبس والفراق صعب ادري
القلب اللي ممتليء بحب شخص مثل الكوب اللي ممتلي بالماء
بقرارها انها تتركه لازم بأيدها تشق الكوب شق
صغيروقرارها هو الشق اللي يعور القلب اكيد بس الشكوى لله
وماراح تنساه مره وحده الكوب كل يوم بتقل فيه نسبه الماء اللين مايجف ويترك الذكريات مثل ماهو بالتدرج بتنساه وتبقى الذكريات <<<<<<<طولتها ادري بس من كل هالكلام اللي بوصله لازم تبتدي بالقرار انها تنساه وبعدين تنفذ وتدعي الله دوم انه ينسيها اياه ويعوضها اللي احسن منه لها لدينها ودنياها

 

[ام كوشه منكووشه]

خليها تتركه دام راح بنصيبه

واهيا الله بيعوضها باللى احسن منه ان شاءالله

 

[نورعيني أنا]

الله يهديها خلاص رجال وتزوج اشتبي فيه رفيجتج اذا عندها وقت فراق تحب رجال غريب بالحرام خليها تصلي تختم القران هذا اللي بينفعها بدنيتها واخرتها مدري متى بتوبون اللحين ياناس كثر موت الفجأه يعني ماتسوي تموت وهي ماسكه السماعه تكلم رجال غريب الله يهديها ويصلحها

 

[عتيبيه رزه]

ماراح احط نفسي بمكانها
ولو على قولتج احط نفسي بمكانها طبعا راح اقطع علاقتي فيه من يوم ماخطب خلاص الريال راح تكون على ذمته مره ثانية غيري وليش اهدم بيت الريال خلاص تزوج وراح بحال سبيله ولا تقعد تتصل عليه وخل تحط نفسها بمكان مرته شبيصير فيها ماراح تزعل ماراح اتسوي بلاوي الا بتسوي ونص خل تبعد عنه بكرامتها احسن لها وتاخذ ماتبقى من كرامتها والبنت شنو عندها غير سمعتها وكرامتها خل تسحب هالثنتين احسن لها والمفروض من درت انه خطب اتغير رقمها

 

[kuwait_queen82]

اذا صج اتحبه المفروض ماتكلمه لانه راح تهدم بيته و انا اعتبرها هذي انانيه منها ولو استمرت بتكلمه شنو راح يتغير؟ يعني هل موقف ابوها بيتغير اتجاهه ؟ هل ابوها راح يضر ابوحد امطلق او عنده مرا ؟

 

[فيونكه..~!]

عــسآء ان تكرهوآ شي وهو خيــر لكم..,

يمكن الله يعوضهآ باللــي آحسسن منه


وبعدين الرجــآل تزوج , خلآص خليهآ تنسآه

ترى الدنيــآ دوآره

,,

 

[ياليل مااطولك]

خل بس تقظب ارضها ولاتهدم بيت الرجال على بوانها تحبه الرجال تقدم لها لمن كان زعلان مع مرته والحين ردت المياه

لمجاريها وتصالح مع مرته خل تستحي وتبعد عنه وتخلي عنها سوالف الحب والخرابيط والافلام الهنديه

باجر يجيها نصيبها وتتذكر هسالفه وتضحك على عمرها بس خلها تبعد عنه ولاتهدم بيت المرا عيب عيب عيب وشق جيب

كلامك عين العقل معاك بكلامك

 

[دلوعة صلوح]

الحمد الله والشكر يعنى ريال متزوج شراح نعطيج حل اكيد تنساة ابرك لها .

 

[ام _خلودي]

انا اكثر شي استحقاره بحياتي وحده تكلم واحد عند بيت ومره خلاص يبه قوليلها خافي ربج بنفسج وبااهلج وبنت الناس

 

[زهراء 24]

خل تحاول تبتعد عنه
لانه مبين علي حب مرته ومستانس بحياته معاها وما يبيها بعد
مدام تزوج خلاص لازم تنسا وتعيش حياتها وما تحاول ادق علي بعد
راح تتعذب بالبدايه لانه تحب بس بعدين راح تنسا
​

 

[FeShinGoOo]

تبي تموت خل اتموت بس لاتهدم بيت الريال واللي يحب يضحي ..

وبعدين 8 شهور ماتوقعت مده طويله عشان تستذبح عليه ..