الي بيسافر ويشوف سحر الهند؟

[أم خالد]

الجوري شكرا لمروورك بس دلهي فيها مولات ومطاعم مكدونالد وبيتزا هت والأوتيلات أكلها حلو بس انا سكنت في الكونتيننتال يمكن سعره شوي غالي بس في مكتب سفريات زوجي يتعامل معه راح آخذ الرقم من زوجي وأحطة لكم
دلهي فيها مجمعات ومولات وفيها مسجد كبير ومدينة ملاهي كل ما بغو اليهال يركبون لعبة قالولهم نهي باجا نهيها ما تسوى بس اذا قدرتوا تروحون بالسيارة لي أقرا تزورون تاج محل 3 ساعات بالسيارة وترجعون ثاني يوم لأن أقرا ما فيها الا تاج محل وكم قصر قديم فيهم أضرحة ومصنع الرخام يعني بيوم واحد تخلصينهم بس دلهي فيها بعد سوق مفتوح أذكر ان اختي كانت شارية لاستقبال بنتها كفر للولادة ب 120 دينار حصلته ب20 دينار تقريبا بس أنا شريت أشياء تذكار منهم.

 

[الجوري 222]

مشكورة يا قلبي ام خالد وما قصرتي وعساك علي القوه وانا ناطرة تحطين رقم المكتب علشان تعم الفايدة للجميع وتسلمين

 

[ام عفاف الكويت]

وااااااااو شوقتينا على هالرحله الحلوه زوجي ناوي السنه الجايه يقعد شهرين اقوله واجد

 

[أم خالد]

حبيبتي أم عفاف ما تشوفين شر والله يشفي رجولج علشان تلفين الهند عدل

 

[أم خالد]

حصلت لكم رقم مكتب السفريات الي أحجز منه دائما:

ذي هوليدي سنتر
2467248
2450321
2495820
داخلي 21

مباشر:2495819

خلف الشيراتون في العمارة الي فيها العمانية
المدير العام اسمة : Vivek Sharda

بصراحة دائما ننظم رحلاتنا معاه ودائما ينصحنا بالفنادق والأماكن السياحية وفعلا كلامه مضبوط بس يختار فنادق راقية وشوي غالية وبأماكن حلوة س تستحق السعر المدفوع

وبالنسبى للي سألت عن كولاب انا سألته اليوم عنها فقال أعرف انها قرية صفيرة قريبة من بومبي بس ما اعتقد لها أهمية بالسياحة
عموما أتمنى إني قدرت أفيدكم

وادعولي الله يسهل دربي ويتمم علي سفرتي لفينا- سالزيورغ - زيلامسي - ميونيخ
وطبعا الحجز منهم :klhfl:

 

[جودة كواليتية]

اختي جم كلفتج التذاكر والاقامة والسفرة بشكل عام ؟ وشنو الحلو فيها طبيعة اوتسوق ؟ واهي صوب المالديف او المالديف غير ؟ ماعليه غشيمة

 

[أم خالد]

بالنسبة للتكلفة كلفتني وايد ليش ؟؟
أقول لج أنا ليش بالهند ما تقدرين تسكنين إلا بفندق 5 نجوم والي اهما تاج والأوباروي وفي بعد غيرهم لأن هناك تبين مكان آمن ونظيف خصوصا إذا معاكم أطفال بعني أقل غرفة تحصلينها ب70 دينار مع الريوق وعندج مناطق فيها منتجعات إذا كان المنتج خمس نجوم وراقي وخدماته ممتازة راح تكون الغرف من 60 إلى 120 حسب الي مختارتها مثلا معاها حمام سباحة خاص ولا غرف عادية وبعدين في مناطق مثل مبسور فيه فنادق خمس نجوم بس فيها فندق لاليتا محل شوفيه على الرابط http://hotels.7ojozat.com/Hotel/Lalitha_Mahal_Palace_Hotel_Mysore.htm
هذا من عشر سنين سكنا في الغرفة الوحدة ب90 دبنار وفي أغلى لأن هذا الفندق كان قصر مهاراجا وتحول لفندق بس في بعالمنطقة فنادق أرخص وعندج جيبور شوفي موقع هذا الفندق اسمه جاي محل
http://hotels.7ojozat.com/Hotel.asp...ce_Hotel_Jaipur&languageCode=EN&tabId=Details
هذا الفندق فيه غرف برة بالملحق ستايل خاص روووعة الليلة كانت بالغرفة 120 دينار وفيه غرف داخل ستايل اوروبي عادي ب80 تقريبا قصر كبير رووعة وبالليل يسوون عروض رقص ونقش حنا مع العشا بالحديقة ولا تطوفج خيمة المساج برة يم حمام السباحة ولي سبحتي بحمام السباحة تشوفين الطوواويس بالجديقة يعني مكلف بس متعة وفي فنادق أغلى مثل راج بالاس كان ودي أسكنه بس غالي وايد تقريبا 200 وفوق سعر الليلة بس رحت دخلته وتعشينا فيه بس راقي راقي وهادي لو تطيح ابرة تسمعين صوتها شوفيه على الموقع
http://hotels.7ojozat.com/Hotel.asp..._Hotel_Jaipur&languageCode=EN&tabId=Detailsبس ماعليج من الأسعار الي تنحط بموقع حجوزات ايد رخيصة لي رحتي تحجزين تلقين السعر أغلى بوايد وغير الفندق عندج الأكل إذا بتاكلين بأوتيل خمس نجوم راح تدفعين مبلغ محترم على الوجبات لأن بالهند ما تقدين تاكلين بأي مطعم مثلا بكيرلا لازم آكل بالفندق بس بدلهي وجيبور في مطاعم وايد وعادي تطلعين بالليل وتتعشين دلهي فيها بيتزا وماكدونالد بس كيرلا لأ وجيبور مطاعمها تقريبا يكلف العشا انا وزرجي و3 بنات 15 إلى 17 دينار فكنا نتريق ونطلع رحلات ولي رجعنا ناكل أي شي خفيف معانا نودلز أو أسوي شوربة بالجدر الكهربائي ونروح نسبح بحمام السباحة لي المغرب عقب نغسل ونبدل ونروح نتعشى وهذا غير مصاريف الطلعات والرحلات والطيران الداخلي فراح تكون مكلفة يمكن تروحيين فيينا تأجرين بشقة بزلامسي ما تكلفج مثل رحلة الهند بس بصراحة رحلة حلوة وغريبة

 

[القنديل المنير]

السلام عليكم
انا زوجي بيدرس في نيودلهي وحبيت أسأل عنها وشكرا

 

[p_ian_o]

انا بروح الهند ( دلهي ) الاسبوع الياي واليوم حجزنا بفندق ( شانقريلا ) اللي سمعته ان هالفندق راقي . اهو 5 نجوم

بس طبعا ما ادل ولاااا شي فيها . اهم شي السووووق والمطاعم لووول

بليييز ذكريلي اسامي السوقة اللي هناك واللي فيها اشياء حلوه . وهم ابي اسماء مطاعم نظيفة نقدر ناكل منها . لأن وايد خرعونا من دلهي

وصج لازم نغز ابرة تطعيم علشان الأمراض ؟؟

اختي غزت . بس انا وامي ليلحين ماتطعمنا . انا الصراحة مو ناوية اغز ابرة ( ما احب الأبر )

بليييز ردي علي بسرعه

ويعطيج الف عافية حبيبتي

 

[سفيرة الهند]

هلا ,, وغلا بكم جميعا ,,

إحنا رحنا للهند كم مره ..
المره الأولى كانت غاليه رحلتنا ,,
المرة الثانيه تداركنا الأمر وتفقنا مع مكتب سياحي الحمد الله كان يفرق عن الأول 10000 ريال تخيلوا ,,

ياليت أي وحده منكم تتفق مع مكتب تدور زين الارخص والأحلى <= مسكينه مبين إني متأزمه منهم يعني يفرق 10000ونفس مستوى الفنادق والتعامل بس عشان المكتب بالهند ومضمون ...

يمكن قد سمعتوا عنه هو ماشاء الله أمين إسمه شمس الدين ,,,
في أخطاء شائعه لليروحون للهند وأنا دخلت للمنتدى عشان أصير سفيره لها وأصحح المفاهيم الخاطئه (( كم وحده تروح للهند وما تستانس لأن الإختيار ما يكون صائب ))

معليش إعذريني إختي أم خالد ع الإطاله ,,,

..........

 

[ساندى]

مافى مرشد سياحى امين يكون معاج بالرحلة ولا بس تروحون وخلاص

 

[ساندى]

اذا شريتو اغراض للبيت شلون تشحنونها بحرى ولا بالطيارة

 

[أم خالد]

piano ما غزينا ابر لا انا ولا اليهال وبالنسبة للأسواق اذكر السوق الي محلاته على الشارع اعتقد اسمه جامبت رود قريب على فندق الكونتينتال
وفي مولات نسيت اسماءها وفي الماكدونالدز وبيتزا هت تاكلين على خضار وجبن وكان معاي يهال ما تسمموا ولاصار فينا شي الحمدلله بس أنا ما حبيت دلهي الي كانت حلوة وراقية ومطاعمها نظيفة وتلقينها بكل مكان جيبور وقريبة على أقرا 6 ساعات بالسيارة لأن الطرق الي عندهم مو سريعة فالسايق ما يسوق بأكثر من سرعة 60 أو 70 كم
اذا تروحين أقرا تشوفين تاج محل قريب على دلهي بالسيارة يمكن 4 ساعات وتباتون ليله هناك عندج فندق تاج فيو وفيها مصانع الرخام للطاولات والكونسولات
ساندي .. ما شريت اشياء وايد فكانت أغراضي معانا بالطيارة وتقدرين تسألين من الأوتيل عن المرشد تكلفته رخيصة
يطلع معاكم بالتاكسي للرحلات

الأخت سفيرة الهند مشكورة واذا عندج فكرة عن مناطق ثانية ما ذكرتها خصوصا شيملا قولي لنا عنهم بس ليتج تحددين لنا مكتب شمس الدين بأي منطقة ونبي رقم تلفونه
وبالنسبة للمكاتب السياحية مو كل المكاتب تتعامل مع مناطق الهند احنا دخنا لين لقينا مكتب بالكويت نتعامل معاه حصوصا ان في بعض المناطق حتى الهنود نقسهم ما يعرفونها
واشكر الجميع على المرور وأتمنى اني أفتدكم

 

[سفيرة الهند]

pian
الأخت سفيرة الهند مشكورة واذا عندج فكرة عن مناطق ثانية ما ذكرتها خصوصا شيملا قولي لنا عنهم بس ليتج تحددين لنا مكتب شمس الدين بأي منطقة ونبي رقم تلفونه
وبالنسبة للمكاتب السياحية مو كل المكاتب تتعامل مع مناطق الهند احنا دخنا لين لقينا مكتب بالكويت نتعامل معاه حصوصا ان في بعض المناطق حتى الهنود نقسهم ما يعرفونها
واشكر الجميع على المرور وأتمنى اني أفتدكم

هلا وغلا بك إختي أم خالد ,,

صح كلامك إن الهند نفسها ماتعرف ها الاماكن بس هذا مرشد سياحي مدير المكتب السياحي إلى نورح معاه ,,

وهو مشهود له من الكل ((حتى إذا سجلتي بقوقل إسمه تلاقين من يشيدون له ))
وأنا صراحه مرره رتحنا له ,, من أخلاق وتعامل ,,

وإنت تتفقين معاه بالجوال والإيميل ,, وهو يرسل لك البكج كامل ,, ويستقبلك من المطار إلى المطار ,,
وهذا موقعهم ,,

www.safaridays.com

وهذا الإيميل :
[email protected]

هذا رقم الجوال المباشر ,,
00919447250861


وهذا رقم المكتب :
00914842424406[/COLOR]
أتمنى حبايبي أفتدتكم ,,
وأنا تحت الخدمه ,,

 

[أم خالد]

مشكووووووووووووووووووووورة

 

[White Musk]

حياهم الله إلييبيسافرون للهند

 

[White Musk]

الصيف قادم
ومحتاجة لطيارة خاصة تشيلني وتحذفني بكوماراكوم
الي عندها الطيارة تطرشها علي

 

[ديرتي الغاليه]

يعطيكم العافيه .حيل استفدت

 

[White Musk]

المرشد السياحي بالهند يكلفج تقريبا 5 دنانير لمدة 4 أيام وممكن يساعدج بشيل الأغراض وجناط اليهال والتصوير
أقول لكم ديرة عجييييبة

 

[Tantoshah]

أنا رحت جوا واقرا ودلهي ,. سكنت بالميرديان دلهي .. وجوا في فندق اسمة vaginum villy resort 4 نجوم واقرا فندق اكثر من رائع الغرفة مطلة عالحديقة وارضية تينن اسمه جيبي بالاس jepy palace واروع شي التاج محل صج الهند تينن واحلى شي حبيتة الأناناس مالهم روووعة يا بنات .. واسم المكتب اللي تقصدة الاخت فووق the holiday center خلف الشيراتون وفي هناك وحدة اسمها رويدا ورقم المكتب 22450321