الي بروحون دبي بتاكلونها عدل

[brettey]

اشلونكم يا بنات انا الصيف الي طاف رحت دبي 5 ايام كلفني المصرف 1000 دينار
هالسنه راحت مرت خال ريلي قعدت تقريبا 5 ايام على قولتها صارت اغلى من لندن كلفتها 3000 دينار
يعني الي بروحون دبي حسبوا حسابكم عدل بالفلوس
مع تمنياتي لكم برحله سعيده

 

[Q8_ButterFly]

واي شدعوه ليش جذي غاليه عاد


صج اهي حلوه بس جوها يضيق الخلق

 

[أحلى الجياكر]

أهو بس جو !!!!!!!!!!!!!!!!!!!!!!!
الزحمة مو طبيعية ..و التكاسى إيبون اليهد ..ما يوقفون حق أحد
و كل من نفسه بخشمة مدرى على شنو
انا أول أموت عليها و أروح لها بإنتظام ...الحين لو شنو ماافكر فيها ...

 

[brettey]

والله انا اشوف بدال ما اقط 3000 على دبي اقطها على لندن ولا المانيا ولا النمسا ابرك

 

[شجووون]

الله اشدعوه 3000 عالامارات لو رايحه اروبا ولا استراليا ولا من هالدير ابرك لها....يعني بصراحه وايد تقط جذي علي دوله خليجيه وقريبه

 

[جكورة]

صاجه دبي صايرة غاليـه نار :eh_s(14): لو قاطه هالمبلغ بمصر أو تركيا أو أوروبا أبرك

 

[سبائك]

ما افكر اروح دبي بهالحر والخيسه والرطوبه

اذا بروح لها بالشتا شهر 1 شحلوها

واذا على الكلفه الحين كل شي شاب نار اللهم يا كافي

 

[دانتيل]

تذاكر و سكن 3000 ..؟؟؟ جم نفر رايحين؟؟؟؟ اخاف مصرف جيبهم بعد من اكل وملابس عاد تعرفين هناك الماركات عندهم ارخص من الكويت يمكن اهيا قالت لج الحسبه كلها...لكن اذا سكن و تذاكر 3000 صعببببببببه؟

 

[الفرح كله]

احنا كلفتنا 1500 4 ايام والخامس رجعنا بس الحسبه تشمل حتى تاجير سياره لان اجرنا سياره اهناك وصح كلامكم غاليه وايد وسعرها5 ايام = اسبوع بتايلند او ماليزيا

 

[سليلة المجد]

لاااااااا انا احب الامارات ومخططة بالمستقبل ارووووح .. ليش الغلا وعن جد الي بتروح لاترووح الا بلشتااا

 

[شهدQ]

ماليزيا افضل للتسوق من دبي واحلى وارخص

 

[BaiTotia]

3000 مصرف!!!!!!!!!!!!!!!!!!!!!!!!!

قصدج مع التذاكر؟ ولا شنو

جم شخص؟

3000 مصرف و بدون سكن وتذاكر قوية أقعد ببيتنا أحسن لأني مخططة أروح

ولا أروحلي لندن فديتها جو وسوق وكل شي فيها

 

[brettey]

اهي تقصد المصرف

 

[ورده بنفسجيه]

انا اجرت شقه بالرفيرا اسبوع 3غرف وصاله تهبل ومطبخ كامل من كله

وثلاث حمامات وغرفة تخزين 1000 دينار وكل يوم ينظفونها

وشوق تحتج وبقاله بره وصيدليه ومطاعم ومحل العربيه وجدام الفندق محل

زهير مراد المصمم وباتشي وبالتكسي عشر دقايق واقل تروحين السيتي سنتر

واذا عندكم سياره اجرو بالشارقه ارخص

اهو اهم شي تشوفين السكن شكثر يكلف

وكل سنه وانتوا طيبين

 

[eman-77]

لا صج دبي شابه

وحتى الماركات عندهم اغلى من امريكا شدعوه

 

[الريماس]

انا مادري ليش يقولون دبي رخيصه انا بالعكس اشوفها أغلا من الكويت بوايد عندج الجناط الماركه الاصليه فيه فرق بالسعر عن الكويت تقريبا بخمسين دينار والمطاعم والفنادق حيل غاليه عندهم وحتي المولات غاليه ارخص ماعندهم الاسواق الشعبيه والقريه الصينيه فقط انا قاطه على اسبوع الفين وخمسميه دينار حتى زوجي يقول ماتسوا هالمبلغ لو قاطينه على تركيا وايد ابرك.

 

[الجــادل]

انا رحت دبي 5 ايام ومالي شغل بالتذكر والسكن لان اهلي دفعوهم

وسكنا بجراند حياه

طلع على تسوق بس 2400 تقريبا


بس تسوقي كله كان ماركات عساس جذي تكلفت

 

[mooomooo]

والله بصراحه انا رحت مع ريلي وعيالي الصغار الاثنين


كلفتنا مصرف الف دينار

بس انا كنت ماسكه ايدي يعني بس وناسه

شريت ماقول ماشريت بس مو وايد

وماكنت اخذ من المجمعات بصراحه

صج لانها نااااااااااااااااااار :eh_s(2)::eh_s(2):

بس الحمدلله والله استانسنا واستانسوا اليهال

هذا الحجي العام وكانت سفرتنا عشر تيام

:eh_s(8)::eh_s(8)::eh_s(8):

 

[MaYoOoma]

دبي صايره نار من زمان
ياحلو مزرعتنا هناك صج ان طريج نص ساعه لي دبي بس ابلاش خخخخ
بيتنا وسيارتنا ومكانا بس مصرف حق الطلعات
ومو من زين دبي يعني انا على كثر ما اروح بس ماحبها

 

[jaggy-cat]

اهل دبي قاعدين يشتكون من الغلا
يقولون اذا معاش الفرد مو اقل من 2500 دينار
الواحد مايقدر يعيش فيها.