الي بتفتح موضوعي الله يفتح لها ابواب رزقه وعشمي فيكم كبير{اصبغ شعري بعد الاربعين}

[وجع راس]

حبيبتي اصبغي عند جاك حلو وما يتغير الشعر عليه

 

[توفـــا]

لا تتعبين شعرج اذا كل مره تصبغينه بس اذا من زمان مو صابغته ليش لا مره ماتضر بس فيه بعض البنات كل شهر او شهرين يصبغون تلقين شعرهم اندمر وقام يطيح فدربالج​

 

[محبه الزهور]

حبيبتي فيه صبغ للشعر مايضر انشاء الله
انا شفت بنات خالتى لون شعرهم بني روعه
عباره عن الحنه مع زيت زيتون مع شوي بودره الكسجين وفوقهم نسكافيه
طبعا مايحتاج اتكلم عن فوائد الحنه
على فكره : التغيربعد الاربعين مطلووووووووووووب علشان زوجج يشوفج جديده متجدده

 

[N F N F]

نصيحتي تحنينه وتحطين مع الحنا شغلات تغير لونه

ممكن تعجنين الحنا بمغلي الكركديه \ البابونج \ او تضيفين لها نسكافيه

الحنا تعطي الشعر لمعه وتنظفه وماتضره وعفبها حطي زيت يطري الشعر

اتوقع اذا حنيتيه بهالطريقه 4 او 5 مرات راح يصير لونه حلو وصحي

على فكره ترا فيه خلطات واجد مع الحنا دوري بالنت وتلاقينها وكلها مفيده​

 

[مهياف]

والله آنا أشوف خواتي يبدعون بأعمارهم لما يطلعون الاربعين ..

اصبغي وتوكلي على الله .. واذا على التساقط في حبوب حلوه خواتي ياكلونها لما يكونون حمل وحييييييييل يتحسن شعرهم عليها ..

اسمها " برقنا بلان "

وعندج صالون " لافينوس " بالسالميه صبغهم عجييييييب وبتدعيلي وشعرج ما يتقصف بعد الصبغ

والحين الموضه الألوان البندقيه مثل لون شعر نجوى كرم​

 

[om_badoori]

صبغي حبيبتي صبغي تشوفين مسلسل العشق الممنوع شايفه فيروز خانم كبيره بالعمر بس والله احلى لبس واحلى ميك اب بالمسلسل اهيا لان تهتم بنفسها وماتقول كبيره وطافني شي ف اهتمي بنفسج وصبغي وستانسي هذا رايي وسلامتج

 

[مر الايام]

توكلي على الله حبووووووووووبة وصبغي شعرج وسوي نيو لوك حق ابو العيال ... صبغي الالوان الفواتح البني وغيرة والله يوفقج ياقلبي ..

 

[كراميل=82]

جربي صبغي عند لابلوبيل خلف حديقه الشعب صبغهم حلو ويسولج تست على الخصله وصبغهم خفيف وما يحر الراس عند وحده اسمها ايمان

 

[كشخة عروس]

امييين انا من راي تغيرين التغير حلو بس اشرحي للصالونه قوليلها ابي اخف شي مايتعب الشعر وتاكدي قبل لاتسوين اي شي والله يسمع منج احب الدعوه الحلوه هههههههه