الي بتسافر العمره بعطله الربيع سوالفكم هني

[عيون ابوها]

مررررحبا مليــــووونـ

انا برووح العمره ان شالله اخر الاسبوووع بنرووح بسياره الله يعينا على الطريج طبعا بنرووح عايله كامله << عفووا عوايل فووق 40 شخص (( قولو لا اله الا الله )) المهم ...

لكل الي برحوون العمره تعالوو اندردش هني وقولولي شنو بتاخذوون معاكم انا شريت لي كاكاواات _03BA: للطريج خخخخخخخخ اهم شي البلعه وزهبت اغراضي مستعجله على السفر بس بعرف اخذ ملابس شتويه ولا صيفيه اعتقد صيفي لان مكه بارررده اي نسيت لا اقوول لكم بنرووح المدينه بعد لاززززززززم بس شكلها زززحمه

يالله لاتطنشوون انطر الردوود :eh_s(6):

 

[طاسه حنا]

ترجعون بالسلامه بس لاتنسين تاخذين معاج سندويجات للطريج واخذى النسكافيه اللى الاظرف ومطاره ماى حار والاكواب الفلين البيضاء علشان السايق ماينام عليكم بالسفر,واذا فيه معاكم صغار حشى صمون هوت دوج واخذى معاج عصير والله يستر عليكم.

 

[magnolia]

:eh_s(8):السلام عليكم ممكن انضم للتجمع؟

انا ان شاء الله بروح بس بطيارة مع اخوي و مرته بس على آخر العطلة بس بنات بسألكم انا حاطتلي مصرف حقي 140 دينار كويتي تتوقعون يكفيني خصوصا ان انا ما اصرف بس اذا عاجبني شي آخذه و انا اساسا من 8 سنين مو رايحتلها



فبليز تنصحوني اخذ اكثر و لا هذا يكفي و مشكورين:33_1185028183:

 

[منيرة خالد]

السلام عليكم ........... بنت ابوها ....... تقبل الله طاعتج ........... magnolia ........ اذا كنت متحجبه المبلغ اللي حاطته ما راح يكفيج لأن ملافعهم حلوه وغاليه خاصه بمحلات الحلوه والشرقية والفاخرة وخاصه هالمحل اخذي العباية مع ملفعها وتمين سنه الكل يسألج عنها ......... اما اذا كنت مو متحجبه بتكفيج المبلغ ........بس قولي شنو اللي تحبين تشترينه من بره ....... نصيحه محل بدون اسم عندهم اجناط خاصة بالمحل لا تطوفج ( مكتوب عليها اسم المحل ) ..............

 

[MissChoco]

السلام عليكم

اتروحون واتردون بالسلامه


ان شاء الله بعد يومين بنمشي طياره .. ولا زهبت ولا شي ههههه لانه كل سفره جذي قبل الطياره بجم ساعه احط اغراضي :\\\

بس اكون مزهبه كل شي




وماقنوليا .. شوفي حياتي على حسب الايام الي بتقعدينها يعني لو 5 تيام بالعكس راح اتكفيج يعني تكفين شنو بتشترين
اذا انتي شرايه وايد اخذي اكثر .. بس اذا بتاخذين سوالف ملافع دبل فيس عادي بيكفيج لانه الواحد ابـ4 دنانير كويتي تاخذين جم يعني!
لو بتاخذين على 4 ملافع وعطرين وجم مكياج والله بتكفيج
اذا اكلج مايتعدا 20 دينار .. يعني 120 ماراح اتكفيج؟ بلا بتكفيج, ولا تشرين ملافع شوارفسكي ومادري شنو لانه ياكثرهم عندنا
لا وبعد عندنا ارخص, اذا اشتهيتي الملفع عشان الخام, اخذي الملفع ساده بدون شوارفسكي ويبيه الكويت يسولوج 3 دروب او 4 دروب على 10 و12 دينار ,,
انا جذي خذيت كذا ملفع دبل فيس وخاشتهم لانه النقشه الي ابيها اقدر اسويها بالكويت

 

[MissChoco]

ومنيره عاد تدرين انا جناط بدون اسم ما احبها كلش .. وحسافه اقط عليها افلوس
ومادري الناس اذواق :×

 

[laady bird]

تروحون بالسلامه يارب
انا ابي عبايه حلوه وراقيه من وين تنصحوني اخذ يعني ابي اسم المحل وباي مجمع بمكه

 

[الفاتنة]

يلا شوقتونا يبيله عمره

 

[روج وردي]

انا توني راجعه من اسبوعين رحنا انا وخوالي بصراحه مكه حرررررررررررر لاتخذون شتوي كلللللللللللللللللللللللللللشخذوا صيفي ترى حر وقد اعذر من انذر

 

[أثيرالحب]

عيون ابوها بتنور السعوديه فيكم بس بتسون زحمه ماشالله40؟؟>>اتغشمر وياك
بس بتستانسون مكه حلوه بالجمعه
بعدين وقتكم حلو مافيه زحمه كثير
ونصيحه لاتاخذين ملابس شتوي لان جوها الحين جنان مو برد ولاحر
ولااوصيك لازم تمرين جده لانها غييييير وبتستانسين فيها
واي استفسارات ياقمر اناجاهزه؟؟

 

[أثيرالحب]

ماقنوليا على حسب الفتره الي بتجلسينها يعني لو اكثرمن 5ايام ماتوقع تكفيك بس لو اقل الى رح تكفيك
وترى مكه مررررررره تغيرت عن 8سنوات قبل يعني رح تتفاجاين فيه
ونصيحه روحي جده ترى مره بتستانسيبن فيها اهلها طيبين وهي مره حلوه

 

[صاحبة المعالي]

بنات ان شاءالله بروح العمره شهر 3
شلون يكون الجو؟
و بنروح المدينه .. وين نروح وشنو الاماكن اللي نقدر نزورها ؟
بروح مع ريلي ان شاءالله .. و هذي اول مره اعتمر
​

 

[نوال]

انا انشاء الله بروح العمره يوم السبت تاريخ 8 / 2 ولمدة 3 ايام ودي اعرف شنو الاسواق الي هناك غير زمزم وابرج مكه وسوق العزيزيه وبنات منو تعرف محل للعبي اسمه سيدتي الجميله والي تعرفه ياريت ترد قبل لااروح العمرو ومشكورين

 

[صاحبة المعالي]

وين اللي راحوا العمره فيدونا
​

 

[أثيرالحب]

صاحبه المعالي الجو بمكه مررررره حلو لابارد ولاحار يعني وسط تلبسين ملابس صيفيه
بس المدينه بررددددددددد قارص يعني الله يعينك خذي تشكيلتين ملابس صيفي وشتوي
واذاء انتي مسافره طياره اكيد بتروحون جده
جده تهبل بتستانسين فيها
واي استفسار راسليني خاص وانا تحت الخدمه تروحين وتردين بالسلامه

 

[أثيرالحب]

نوال فيه مجمع الضيافه
بس اذاء تبين شوبينق عدل روحي جده
وفيه بجده مليون مجمع كلن يقول الزين عندي واحلاها((مجمع العرب-ريد سي-عزيز مول))
واذاء على محل العبايات صراحه ماعرفه
واي استفسار انا بالخدمه

 

[وردة دبي]

الحمد الله ’’’ انا رحت ورديت بالسلامه واااااااايد استانست بس ولدي لعوزني اشوي وتعبت وياااه
سبحان الله من اشوفين الكعبه اتحسين براحه نفسيه وتنسين كللللللللل شي ,,, والله اقدر ان شاءالله وانسير مره ثانيه
وعقبال ما انسير الحج يا ربي

 

[نوال]

نوال فيه مجمع الضيافه
بس اذاء تبين شوبينق عدل روحي جده
وفيه بجده مليون مجمع كلن يقول الزين عندي واحلاها((مجمع العرب-ريد سي-عزيز مول))
واذاء على محل العبايات صراحه ماعرفه
واي استفسار انا بالخدمه

مشكووووره حبيبتي

 

[فساتين فخمه]

حيااااكم الله
بس اللي بيجون بسياره البسو ملابس شتويه لان اذابتمرون من المنطقه الوسطى اللي هي الرياض وقراها الجوبارد لكن جده ومكه حرررررر

 

[صاحبة المعالي]

مشكورين ماقصرتو ..
بس الجو في مارس . يكون بارد بعد في المدينه؟
​