الي بتدخل بدعي لها

[مليانة حب]

بنات انا داخله التاسع صار لي اربع ايام واليوم جاني مغص خفيف ورحت مستشفى حكومة وفحصني الدكتور قالي 2 سانتي ... ورديت البيت كليت تمر وشربت دارسين واحس الالم زاد شوية بس هم خفيف...ودي اروح للمستشفى الخاص الي اراجع عنده واخليهم يحطون لي طلق صناعي واولد وافتك....مع العلم اني مجربه الصناعي ...
شرايكم اروح المستشفى ولا اقعد ..؟انا انطركم ردوا علي ...واللي بترد علي الله ينولها اللي بالها يا رب

 

[هوازن العتيبي]

رد : الي بتدخل بدعي لها

انا لو ع نفسي رحت اخاف يصير مضاعفات والا شي ماني خسرانه لورحت
واللي الله كاتبه بيصير ,,, فــــ ليش احاتي

 

[q8 knosha]

رد : الي بتدخل بدعي لها

والله مادري بجريه وانشالله البنات يفيدونج

 

[مليانة حب]

الله يجزاكم خير

 

[بيبي بدر]

والله ماادري كيفيج

 

[brettey]

رد : الي بتدخل بدعي لها

ماشاء الله انا الحين بنص التاسع بس رحمي ما انفتح امس رحت الشفا بس سويت تخطيط قالت لي فيج بدايات طلق واذا زاد العوار ولا نزل دم او ماي ردي
حبيبتي نطري احسن والله الطلق الصناعي بهدله وانتي مجربته
انا بولدي الاول صناعي مع اني كنت واحد سانتي بس عشان نبضه كان تعبان الله يحفظه عشان جذي ولدوني واشوه طبيعي بس الله لا يحوجني له بهدله
والثاني قعدت اطلق يوم كامل صج تعذبت بس اريح رحت موصله زين ماولدت بالسياره بس كانت ولاده سهله عسى الله يرزقج بمثلها
نطري وشربي دارسين وخروع اخذيه من الصيدليه خلطيه مع حليب طالما انج مفتوحه عادي وعصير اناناس وتمر ورطب وامشي عالرمل والجماع
الله يسهل عليج وعليي يارب
واقري اوراد الولاده توني اليوم نزلت موضوع عنه

 

[حرم يوسف بيك]

رد : الي بتدخل بدعي لها

اذا عوار خفيف تستحملينه نطري لا تروحين الحين امشي صعدي الدري ونزلي خليه يحمى الطلق عليج بعدين روحي وتكون ولادتج سهاله لانج راحه اموصله وتولدين بسرعه الله يسهل عليج يارب

 

[مليانة حب]

فديتكم والله ...الله يقومكم بالسلامه ...ويرزقكم بالجنة يا رب
انا بروح اصعد وانزل الدرح من اللحين .. بس اللحين ذابحتني اللوعه الله يعزكم قعدت ارجع كل اللي كليته

 

[(أم نونو)]

رد : الي بتدخل بدعي لها

يارب يهون عليج صبري شوي انتي ليش مستعجلة توج انطري وشربي خروع لين يزيد الطلق وبعدها روحي انا في بجري تأذيت كان نازل الماي وقعت يومين بعدين عطوني طلق صناعي حيييييييل تعذبت
ادعيلي ربي يرزقني وأحمل مرة ثانيه

 

[booba]

والله انا اقول روحي اخذي طلع صناعي وارتاحي ترى انا مجربه الطبيعي والصناعي كله نفس الشي
شلج بالنطرة لان في احتمال تتمسن على هالحال جم يوم اذا وضع البيبي اوكي توكلي على الله
الله يسهل عليج يارب

 

[*Kuwaitiya*]

رد : الي بتدخل بدعي لها

لو انا منج جان ما اروح
لان الطلق الصناعي بتعبج وابهذلج وممكن ماتنفتحين بسرعة وتمين جم يوم تطلقين
ولاسمح الله نبض البيبي اقل مثل بنت خالتي وولدوها قيصري
:33_1185028183:
الله اسهل عليج حبيبتي

 

[ELFAD3Ah]

رد : الي بتدخل بدعي لها

حبيبتي لاتروحين لين اييلج عوار قوي او ينزل ماي او دم لان الطلق الصناعي بهذله

 

[حلوة وجذابة]

رد : الي بتدخل بدعي لها

:eh_s(22):الله يسهلج ويهون عليج
انطري اشوي خليها من الله يسهلها عليج ترى طبيعي الحامل بس تدخل شهرها يفتح الرحم واقري صوره مريم ويس
وادعيلي الله يوفقني مع :friends:مع زوجي

 

[غنوووجه بنوته]

مليانة حب الله يهون عليج نصيحة لاتشربين خروع ولا دارسين ولا شي خلي الطلق يجي من الله طبيعي وانا بولدي افحصتني الكتورة باخر يوم من شهري وكان 2سانتي وبعدها 9ايام من موعدولاتي جاني الطلق طبيعي

 

[خليفة العظماء]

والله انا اشوف توج ابدايه التاسع نطري سبوع او روحي للمستشفي الي تراجعين عنده وينصحونج

وطلبتج ادعي لي وانتي تطلقين ان الله يرزقني بالحمل التام ومايجي الصيف الى وضناي بحضني

 

[mo0on-q8]

حبيبتي الله يسهل عليج .. انا كل في وحده من بناتي رحت لهم 2 سانتي وكنت ابجي من العوار دخلوني وحطولي طلق ويبت بنتي ..

 

[زمزم 2010]

رد : الي بتدخل بدعي لها

رفيجتي كان مفتوح رحمها 3 سانتي بس ما استعجلت ردت البيت ومشت وماولدت إلا بعد عشر أيام

عادي إختي إنطري توج بأول التاسع مادام ماينزل معاج شي لا دم وماي لاتستعجلين كثري تمر ترى يسهل الولادة مذكور بالقرآن بقصة سيدة مريم وإمشي على الشاطئ البحر على الرمل الناعم حيل يساعد
والله يهون عليج وتولدين بالسلامة

 

[رهـوم]

انا اقول استخيري والله يقومج بالسلامه انتي والبيبي

 

[Wi-Mi]

الله يسهل عليج و يقومج بالسلامه

 

[LiL MaMa]

رد : الي بتدخل بدعي لها

حبيبتي اكلي اناناس فرش
و شربي كف مريم
وبإذن الله ماتمر 24 ساعه الا وانتي والده
عن تجربه