الي المليفي مع التحيه

[فطوم 84]

السلام عليكم شخباركم خواتي الغاليات والله اني احبكم واحب اقرا مواضيعكم طبعا انا دايما احب اشارككم بمواضيع واعتبركم خواتي طبعا حبيت اتكلم عن موضوع حييييل صدمني صدمة عمري وبنفس الوقت ضحكني والله طبعا انا قاعده اقلب القنوات وشفت لقا للوزير احمد المليفي وطبعا هالفتره الكل مو راضي علي نتيجة الطلبه طلع الوزير تخيلوا ببدايه الحلقه وقاله المذيع شنو السبب فرد الوزير البدون ............،،،،،،،،طبعا انا طالعة امي منصدمه صدمت حياتي سالتها احنا شكووووو والله العظيم شي يضحك فردت والده اي احنا سبب اي شي موزين بديره لويجي غبار بيقولون هم من بدون بنات انا عارفه المليفي وتاريخه اقسم بالله اني ادري اهو يكره البدون وضدهم وللاسف يعامل شهدا وعسكريين بدون نفس معاملة بعض "بدون اللي مو مستحقين الكل عنده سواسيه وهالانسان للاسف قرارته كلها ظلم للهالناس المستضعفين عنده هذيلا مايستحقون الحياه حتي لهالدرجه هذا شي عارفينه بس يطلع ويقول سبب سقوط الطلبه الكويتين وانهم ماجابوا نسب ((احنا البدون ))شنو المطلوب منا جبنا نسب ودرسنا بجامعه العربيه بمبالغ كبيره ودفعنا دم قلوبنا وحرمتنا يالمليفي من كل شي وتفرح اذا اهنت وحرمت اي طالب بدون ووقف بطريجنا بكل شي وسبحان الله مضرتك وصلت لاخوانا الكويتين وطالع اتقول اهما السبب تبيهم يحقدون علينا ويكرهونا والله سبحانه ماقصر فضحك وطلعك جدامهم علي حقيقتك خل يشوفون وجهك الحقيقي ))انا اقول هالكلام لانه الوزير ببداية الحلقه قال انه مايكلم بدون ويبي يكلم عياله الكويتين بس واحنا البدون سبب بسقوطهم بس ودي احد يوصله هالكلام كل الكويت الحين يتحسبون عليه ويدعون عليه. ليييييش ؟؟؟اذا بنظره احنا السبب ليش يدعون عليه ومايدعون علينا ماقول الا الحمدلله والشكر علي نعمة العقل (اللهم انا البدون عبيدك المستضعفين ارحمهم والطف بحالهم واشملهم برحمة من رحماتك تغنني فقرهم وترحم ضعفهم فليس لهم سواك ))حسبنا الله ونعم الوكيل نعم المولي ونعم النصير ))اذا كان الله معانا فمايهمنا الظلم والطغيان من الكل اسالكم بالله ماتحذفون موضوعي *

 

[* ليــــدي *]

لان يبرر نفسه ..
كـ ان مدارس الكويت كلهآ بدون !
اصلا انا موظفه بوزارة التربيه كل الطلبه الكويتين معارضين حيييل حييل على نتايجهم ..
ماله شغل البدون بالسالفه ..
لكن هو مآدري شنو هدفه بهالكلمه الله يهديه ويخفف المناهج !!
لآتحرين نفسج

 

[يَ ربححه فيني]

"وسيعلم الذين ظلموا أي منقلبٍ ينقلبون".

 

[جوجوو نايس]

يحاول يبرر نفسة بإي وسيله ..~
حتى جذبه محد يصدقها زين ماطاح علينا سقف البيت .

حبيبتي لا تضايقين نفسج البدون آخوانا الله يشهد ماشفنا منكم إلا كل خير ..

 

[انصاريه قمره]

خل يولي الفااااشل الرويبضه اللي ما يعرف كوعه من بوعه
انا اول مره اشوووف وزير تربيه يصرح بالجريده انه كان راسب بالثانويه العامه بس الشرهه مو عليه الشرهه على اللي حطه مال يشلعووونه ويخلونه يقعد ببيتهم هذا اللي نااقص سقيط يتعين وزير للتربيه هزلت

ومثل ما قالت لج الوالده كل شي يصير بالديره مصايب حوادث جرايم حتى الكوارث الطبيعيه والزلازل يقولون اووووووووووه كله من هالبدون لكم الله

 

[ملامح عسليه]

حسبي الله ونعم الوكيل ..
بعدين شكوو,, اللي ممتحنين الأختبارات ,, البدون ولا الطلبه ... صج أهل العقول في راحــه
لا تحرين روحج يا اختي ,, الله يعلم ما بالنفوس والضمائر والله يعطي كل شخص ع نيته ...

 

[جنون العاطفه]

حياتي ما شفنا من البدون الى كل خير واهم احسن ناس
ماعلييج اكييد يبرر لنفسه
اتمنى تنحل مشكله البدون

 

[* بنت المطر *]

اول ماطلع هالمليفي تفائلنا فيه لكن مع الاسف انقلب مادري اقلبوه مادري شلون قلب جذي فيه مرض معدي بالوزرا والكباريه

الله يكافينا شرهم زمن اغبر

 

[*...غنج عبس...*]

ماعليج منه يالغاليه..ماعنده رد يقوله
عذر اقبح من ذنب

 

[قطوه مكحله]

ههههههههههه المليفي انسان مريض نفسي الله يعينه على نفسه خبيث+خبل ههههه

 

[Dalo0o3a Cute]

حبيبتي فطوم لا تحرين نفسج

قسم بالله اول ما طلع الخبر متنا ضحك عليه هههههههههههههه ههههههههههههه الريال خرف والكل ناقده اخر شي توقعت يسوي جذي

والديره تعرف ليش سقط الطلبه

والله ما اعرف شقولج السالفه تضحك وتبجي بنفس الوقت
حسبي الله ونعم الوكيل

 

[الصـوت الجريـح]

, ,


لا تزعلين ولا تشيلين بنفسج تدرين ليش ؟؟؟
لآن معاج شخص والله لو الدنيا كله تبي تضرج ما يقدرون إذا ما يبي !
تدرين منو ؟

الله سبحانه وتعالى قال للمظلوم وعزتي وجلالي لأنصرك ولو بعد حين
وكل ما ضاقت والناس كلها قلبت ضدهج اعرفي شيء واحد ان الفرج قرب .

" ضاقت حتى أستحكمت حلقاتها ففرجت وما ظننت إنها ستفرج "


قوليها من كل قلبج " حسبي الله ونعم الوكيل "


,,


​

 

[شوق العتبان]

المليفي ما قال شي اصلن هو الصح وانتم الغلط

والله انه كاسر خاطري صج غبي

كم دعوه وكم حوبه من الطلبه والبدون إلي اي مشكله حطيتوهم بوجه المدفع

البدون بنظر المليفي يهودييييييين إلا اليهود ارحم

ماقول إلى الله يرحم حالك
ودي اضحك يابنت .. شر البلية مايضحك

 

[اخترت الرحيل]

المشكله من عند الطلبه مايدرسسسسسسسسون

 

[مهوووهه]

انا مع الي فوقي
المشكله من الطلبه مايدرسون
وبالجريده حاطين نسب النجاح بكل مواد مالت السنه الي طافت وهالسنه
متقاربه جداا

 

[قاهره عذالي]

انا استغربت مدخل البدون

اصلا مظاهرات الطلبه على النظام الجديد

قبل ما تكون للبدون مظاهرات اصلا

البدون والنظام الجديد للثانوي قضيتين منفصلتين مالهم علاقه ببعض

بس تدرين هو لانه متكبر وظالم يبي يلقى جزاه الظلم ظلمات يوم القيامه

 

[هنووفوو]

المشكله من عند الطلبه مايدرسسسسسسسسون

لااااااا حبيبتي
الطلبه يدرسون

اختي من المتفوقين طوول عمرهااا ومن صار هذا الخايس وزير مستواها نزل اول مره بعمرها تييب جيد جداً

حسبي الله ونعم الوكيل
حسبي الله ونعم الوكيل

اختي ماشاءالله عليها كل درس تدرسه بالمدرسه ترد البيت تدرسه

دراستها اول باول

ايام الامتحانات كللش مانشوفها كله حاكره روحها بالدار تدرس

العيب بالنظام مال جمع الدرجات
الي حتى الوحده اذا غابت مع عذر ينقصونها نصص درج

لاتتكلمين وتقولين الطلبه مايدرسون

لي درستي كيميا وفيزيا واحياء ورياضيات بكورس واحد اهني تعالي قولي الطلبه مايدرسرن


الحين كل هاللي كانوا متفوقين طول عمرهم ومن صار هذا وزير نزل مستواهم

كلخم مااايدرسوووون !!


ويكون بعلمج امتحان الرياضيات الي الاغلبيه فيه ساقطين

الاساتذه نفسهم ماقدروا يحلونه من صعوبته





لاتعممين اوك

 

[سويت فانيلا]

حمدالله اني بمدرسه انجليزيه خاصه

 

[قاهره عذالي]

حمدالله اني بمدرسه انجليزيه خاصه

اي والله نعمه
يمكن الناس بعدين تتجه للمدارس الخاصه وتفتك
ع الاقل تطلعين من المدرسه وانجليزيتك توب تنفعج

 

[عادت ذكرياتي]

الله الهادي