الي استخدمت اوراق الجوافه حق صدر عيالها تدخل

[أم لطووف]

السلام عليكم
امهات ربي يشافي وليدي وعيالكم
ولدي صدره تعبان واستخدمه الكمام وقالولي استخدمي اوراق الجوافه وايد زينه له
ابي اعرف اشلون طريقتها انقعها من الليل ولا افوحها ؟؟!
ومايها اشكثر اسقي ولدي منه قفشه ولا قفشتين ولا اشكثر؟؟!
ويصير احطه بممية الحليبه يعني اخلطه مع الحليبه؟؟!
وشكثر اعطيه جم يوم؟؟!

واسفه ع الاطاله....... ​

 

[ذات الهمة العالية]

أنا اعرفه حق كبار أخذ الوراق واغسلها بعدين احط عليها ماى حار وبعد فترة أشربها
بس ما ادرى حق الصغار

 

[@رنوده@]

اخذي المعلومات الصح من الحواج

لانه خبره عطيه عمر ولدج بالضبط ويقولج شكثر تعطينه

اذكر اختي عطته لعيالها بس مانفع ان شاالله ينفع مع ولدج

 

[om Firas]

انا استخدمت حق ولدي رووووووعه اشوي عليها كان صدره تعباااان
حييييل ومانفع معه البخار كمن اعطيه ورق الحوافه مع حلبه
انقعها بماي حااار وخليه لين يبرد واحطه ببطل واعطيه 3مرات باليوم
يعني 3 مل وعمري ولدي كان 3اشهر جذي او اربع والحمدلله تحسن كثير

 

[ام كوثر2007]

انا رفيجتي كله تعطي ولدها .. طبعا ولدها عمره سبع سنين ..

تخلط الجوافه اليابسه مع البابونج وتفوحهم وتشربه قلاص او قلاصين والله ما اذكر استفسر منها ان شاءالله وارد لج خبر


والافضل تروحين الحواي .. اهو يقولج بالضبط .. وصج ترا الجوافه يمدحونها حيل ..


وما يشوف شر وليدج ان شاءالله

 

[أم لطووف]

الشر ما اييكم يابعد روحي ماقصرتو

 

[dimple]

اغلي ماي و بعدين صبيه على اوراق الجوافه خليه شوي لمن يتغير لونه

و شربيهيا .. انا احطه بالممه عادي لانه ما في طعم

و لا تنسين البمبر بعد وايد زين حق الصدر و البلغم