الي أحبه خطبني واهلي موافقين بس.. تكفون سآعدوني

[ذهبة بحرينية]

قولي له عشان يعرف عنها من احين شلون علاقتها فيج .. وبعدين على اي اساس اهي تتصل فيج و ليش تسبج ؟؟ وانتي لا تراددينها ولا تعورين راسج لان المرادد عيب مهما كان اهي امه .. وثاني شي لا تخسرينه اذا هو يحبج ويبيج عشان شي انتي مالج خص فيه و استخيري مثل ما قالوا لج البنات .. واذا نصيبج بتاخذينه وما عليج منها

 

[Om_Ksha]

مممم والله مادري اذا توافقين ولا لا :/ اذا من اولها جذي مادري والله شقولج ..

استخيري

 

[كراميلا مرة]

استخيري قبل
لانه دام اه مو موافقه بيجيج عوار راس من هالزواج
والحب مهما كان بيضعف

 

[** آية من الجمال **]

توك صغيرة العمر جدامك

إذا السالفة من أولها شذي ومشاكل ... إشلج بعوار القلب

وإذا أهو وحيد أمه باجر يصير تأثيرها قوي عليه إذا مو من الحين مهما كان يحبك

تري الحب مو كل شي!

الله يعوضك بأبرك منه إن شاءالله وبأهل يحبونك ويقدرونك

 

[نياره]

استخيري والله يرزقج بغيره

 

[دلوعة أبوهآ]

استخيري

 

[om deaj]

مايصير تطنش على اساس انه تطلب سكن خاص فيها
اهية طالعة من بيت اهلها وداشة بيت عايلة ثانية لازم القبول مو بس من الخطيب الا من اهله والا بالتالي انتي راح تتعبين وتتعبين اهلج معاج

الاولى خطيبج يحط النقط على الحروف ويوقف الكل عند حده

انتي مالج ذنب بوضع ابوج

 

[فلنتينو]

الله يكتب لج اللي فيه الخير

 

[om-3azo-83z]

اهوا تحمل عيوبج انتي ما تتحملين عيوبه؟
استخيري بعدين طلبي سكن بروحج و لا تحتكين معاها وايد و خلج رسميه و لا تقعدين معاها بروحج و لا تسولفين معاها وايد عشان تتجنبين الكلام اللي بتقطه
واضح انها توها تدري عن ابوج و حطت فبالها نج فاره مخ ولدها