اليوم البحري ... مطبق شعم

[خبيرة اعشاب]

السلام عليكم

غالياتي كويتيات

مطبق الشعم مسويته من قبل فترة بس ما تجيني الفرصة الي انزل فيها الموضوع

عموما قبل كل شي ... انا وحدة احب السمج حيل بس ما احب اطبخه بيني و بينكم
و زوجي يحب السمج حيييييييييييييييييييييل بس ما يحب يشتريه ... يعني المشوار و الزفرة ... الخ الخ الخ



عموما اول ما نبتدي فيه اتنظفين السمج عدل و اتشيلين الخياشيم و اتشقين السمجة اذا في حيول شيليهم سويهم مع الدقوس او حميسة بالنسبة لي احطهم مع الدقوس

و الطريقة كالتالي :
للاسف ما كو صور عندي كلهم مخليتهم بالجهاز الثاني بس ان شاء الله اضيفهم على الموضوع

تغسلينهم عدل تبلي ببهارات سمج بعدين قلبيهم بطحين شوي و حمسيهم بدهن

سوي الدقوس و آخر شي ضيفي عليه الحيول طبقي الجدر بس دقيقتين و سكري النار


بالنسبة للشعوم اول شي نبتدي فيه التتبيله

و تتبيلتي جدا مميزة اتخلي للسمج طعم مو طبيعي بس جربي

تحتاجين

كزبرة
شبنت
بقدونس
نص كوب عصير ليمون اصفر
بهارات سمج مجدي
بابريكا حمرا باردة
فلفل اسود
كمون
كزبرة ناشفة
لومي مطحون بس شوية
2 بصل مقصص
ثوم مهروس مقدار 2 ملعقة كبيرة

تخلط المكونات كلها في الخلاط و تضرب ضربا مبرحا حتى تستغيث :tomato2:

ثم نقعي السمج بالخلطة هاذي و حشيه فيها بعد

و خليه حوالي ساعتين متنقع جذي


نجي للعيش ... نقعي كمية العيش الي تبينها قبل بداية العمل بالسمج

حطي بجدر زيت شوي و حمسي فيه بصل و ثوم + ماجي واحد + بهارات عدلة + شوي من بهارات السمج و صبي عليه ماي حار و كبي العيش و اشخليه تالي السمج ارش عليه طحين شوي عشان يشرب الزفرة بعدين اقليه بالدهن


بعد قلي السمج جيب جدر ثاني ( الله يعين الخدامة الي رح اتغسل كل ها المواعين_03BA: ) رشي شوي دهن عداني و سمن طبخ بقاع الجدر و حطي 2 سمج و غطيه بالعيش بعدين على الوجه حطي 2 او 3 حسب العدد الي مسويته المهم يكون نص السمج تحت العيش و النص الثاني فوق و طبقي عليه و خليه يتسبك

الحشو :

بصل مقصص طويل انحمسه بدهن شوي الين يصير لونه احمر و اضيف له شبنت شوي ( ما احب الكشمش مع السمج ) و طبعا بهارات شوي ( لومي ناعم + صبغ عيش + دارسين ناعم + كركم + هيل + مسمار )


لا يصلح السمج بدون صبارة و الصبارة عاد طريقتها سهلة

اتنقعين جيس الصبارة بماي دافي و اتصفينه بعدين

بجدر صغير ( جدور.....................................ثاااني ؟؟؟ :tomato2 حمسي ثوم شوي و صبي عليه الصبارة و شوي معجون طماط و حبتين فلفل مدور ناشف و خليه يطبخ 5 دقايق و خلاص


اشلون انجب الحين ؟؟؟

شيلي السمج الي فوق

اقلبي الجدر كله بصحن ... حطي السمج الزايد + الحشو و رشة دهن عداني


الطبخة هاذي بيني و بينكم ما يبي لها سلطة بس اذا ناوية اتخربينها بصل اخضر و جرجير و بطلين لبن ( لزوم البنج )

بس اكلي و طقيها نومة للمغرب _03BA:

و عليكم بالعافية

 

[M!$$.3NoNa]

اهيء اهيء يعطيج العافيه ياليت مصورته

 

[majeeeed]

مشكوووووووووووووووره

 

[english muffin]

مشكورة حبيبتي

 

[مضاوي النفيعي]

يسلموووو


​

 

[ضحكة الدنيا]

تسلم ايدج

وعلييكم بالعافيه

 

[جارة القمر]

مشكوووووووووووووووره



ويمنع وضع الأرقام علي العام

 

[thenutybee]

تسلم ايدج

 

[بنت الفقيد]

تسلم ايدج

 

[الي بقلبي على لساني]

واو سمج نبي زبيدي ماعليج امر


تسلمين

 

[SOoSOo]

تسلم ايدج

 

[STYLISH STYLE]

تسلم ايدج

 

[سـاكـــورا]

تسلم ايدج

 

[النوري]

أهم شيء حتى يستغيث خخخخخخخخخخخخخخ

يعطيج العافيه شهويتي للسمج .

بسويلكم مرق سمج .. يمكن بواليل .. وبحط الموضوع شجعتيني خخخخخخ

 

[القبله]

تسلم ايدج