الى وزيرة التربية والى كل ام
السلام عليكم ورحمة الله وبركاته
حبيت اتكلم بموضوع من زمان شاغل بالي بس يت حزته الحين ولان انا ما عندي احد يدرس بالروضة والابتدائي بالنسبه لي او لاخواني وخواتي عيالهم مشاء الله عليهم كلهم كبار فما عندي خبرة بروضاتنا وبمدارسنا فلما دخلو عيالي الروضة قلت بحطهم بالحكومة والابتدائي احطهم خاص عشان يتأسسون عدل لكن تفاجات لما رحت بسجل بنتي حق الابتدائية ان اغلب المدارس مو راضية تقبلها يقولون لازم تكون دارسة روضة خاصة عشان تكون متأسسه ولما سالت شلون طريقتهم قالتلي الموظفة اطفال الروضة يكونون مخلصين الاحرف العربية والانجليزية مع كلمات للاحرف كتابة وقراءة والارقام كذلك والقرآن حافظين منه وايد
الحين سؤالي ليش ما يخلون الروضة بالحكومة تكون تأسيس بدال ما اهي كله رقص واغاني وتمثيل ليش ما فيه احساس يالمسؤولية تجاه عيالنا ترى مو كلنا عيال فلوس والقائمين على هالامور اكيد عيالهم بمدارس خاصة من الحضانه عشان جذي ما يدرون عن عيالنا ترى تعليم عيالنا يرجع بالاول حق دولتنا الحبيبة الكويت اذا علمناهم من صغر عالاقل يطلع الياهل من الروضة يعرف الاحرف والارقام قراءة وكتابه مو يطلع ما يعرف حتى يمسك القلم
وانا عندي اقتراح ليش ما يسوون سنه اضافيه اللي اهي تكون بعمر الحضانة يعني 3 سنوات وتكون مع الروضة بنفس المبنى وهذي السنة يكون فيها البجي والرقص والاغاني والتمثيل اضافة الى الخبرات والامور الثانية ولما يروح الروضة يبدى يكتب بالاضافة الى الخبرات وعادي زيدوا مدت الدوام ما تفرق ساعة ترى وهم خلوا مادة من المواد او زيدوا ماده تكون مساندة للانجليزي بالمدارس وادري ان موضوعي حساس بس مهم حق مستقبل الكويت ومستقبل عيالنا اللي بكره اهما يشيلون الكويت مو عيال الاجانب اللي كل عيالهم بمدارس خاصة شوفوا مستقبلهم شلون مشاء الله عليهم شنو ناقص عيالنا
بس هذا مو معناته ان الوزارة مقصره مع عيالنا لا والله يعطيهم الف عافية وعيالي مشاء الله تعلموا شغلات واايد وطبعهم تغير بعد بس نبي اهتمام بموضوع الكتابه والقراءة بالروضة
الحين ابي تعليقاتكم وشرايكم باللي قلته وسامحوني قرقت وااايد
وشكرا لكل من راح تعلق وشاركني :eh_s(4)::eh_s(4):
السلام عليكم ورحمة الله وبركاته
حبيت اتكلم بموضوع من زمان شاغل بالي بس يت حزته الحين ولان انا ما عندي احد يدرس بالروضة والابتدائي بالنسبه لي او لاخواني وخواتي عيالهم مشاء الله عليهم كلهم كبار فما عندي خبرة بروضاتنا وبمدارسنا فلما دخلو عيالي الروضة قلت بحطهم بالحكومة والابتدائي احطهم خاص عشان يتأسسون عدل لكن تفاجات لما رحت بسجل بنتي حق الابتدائية ان اغلب المدارس مو راضية تقبلها يقولون لازم تكون دارسة روضة خاصة عشان تكون متأسسه ولما سالت شلون طريقتهم قالتلي الموظفة اطفال الروضة يكونون مخلصين الاحرف العربية والانجليزية مع كلمات للاحرف كتابة وقراءة والارقام كذلك والقرآن حافظين منه وايد
الحين سؤالي ليش ما يخلون الروضة بالحكومة تكون تأسيس بدال ما اهي كله رقص واغاني وتمثيل ليش ما فيه احساس يالمسؤولية تجاه عيالنا ترى مو كلنا عيال فلوس والقائمين على هالامور اكيد عيالهم بمدارس خاصة من الحضانه عشان جذي ما يدرون عن عيالنا ترى تعليم عيالنا يرجع بالاول حق دولتنا الحبيبة الكويت اذا علمناهم من صغر عالاقل يطلع الياهل من الروضة يعرف الاحرف والارقام قراءة وكتابه مو يطلع ما يعرف حتى يمسك القلم
وانا عندي اقتراح ليش ما يسوون سنه اضافيه اللي اهي تكون بعمر الحضانة يعني 3 سنوات وتكون مع الروضة بنفس المبنى وهذي السنة يكون فيها البجي والرقص والاغاني والتمثيل اضافة الى الخبرات والامور الثانية ولما يروح الروضة يبدى يكتب بالاضافة الى الخبرات وعادي زيدوا مدت الدوام ما تفرق ساعة ترى وهم خلوا مادة من المواد او زيدوا ماده تكون مساندة للانجليزي بالمدارس وادري ان موضوعي حساس بس مهم حق مستقبل الكويت ومستقبل عيالنا اللي بكره اهما يشيلون الكويت مو عيال الاجانب اللي كل عيالهم بمدارس خاصة شوفوا مستقبلهم شلون مشاء الله عليهم شنو ناقص عيالنا
بس هذا مو معناته ان الوزارة مقصره مع عيالنا لا والله يعطيهم الف عافية وعيالي مشاء الله تعلموا شغلات واايد وطبعهم تغير بعد بس نبي اهتمام بموضوع الكتابه والقراءة بالروضة
الحين ابي تعليقاتكم وشرايكم باللي قلته وسامحوني قرقت وااايد
وشكرا لكل من راح تعلق وشاركني :eh_s(4)::eh_s(4):
التعديل الأخير:
