الى هولندا 2010

[0ام الحلا0]

وووووووووووووواووووووووووووووووو

 

[أم جوني]

واي هولندا روعه صج راح تكيفين انا حاطة صورتي انا وريلي مسوينها على رزنامة هل السنه حاطتها بالمكتب مصوره في قرية ادام قرية الطواحين بنات الدوام كل مايدشون يستخفون على الصوره يقولون المنظر الي وراكم موصج روعه انا حيل حبيتها امستردام صج تخوف بس حلوه اجرنا قارب كنا في فندق غولدن توليب روعه وافترينا بالقارب في الممرات المائية وشفنا المدينه والبيوت بس لازم يكون معاج نبيغيتر عشان لاتضيعين الفندق وناسه شعبهم ينن الكل يسلم عليج ويضحك بويهج ماكو احد ماتمرين يمه مايقولج هلو ويحبون العرب واساسا احنا لما اجرنا القارب دخلنا بالصدفه صوب الجسر كرنفال عندهم كان كرنفال الجنوس شي غريب ويلوع الجبد بس بره امستردام امان وبساطة رحلة الطواحين ومصنع الجبن ومصنع الجواتي لاطوفينها تشوفين البقر ويمهم البحر طبيعتها غريبة وحلوه وروحي بعد قرية فولندام الجميلة على البحر فيها صورنا صور تذكارية باللبس والجوتي الهولندي بعدين خذينا عبارة بالبحر ودتنا جزيرة اسمها جزيرة ماركن صج كانت احلى رحلة بحرية في حياتي كلها وروحي بعد منطقة لاهاي بحرهم ينن وكله مطاعم بحرية والعاب والمكان زوغه وفي يوم رحنا مصنع الخزف وايدحلو وفي يوم رحنا متحف الشمع صج هذا لاطوفينا ولاطوفين المدينة المصغره تينن وايد حلوه وعليج بالعافيه صج شوقتيني اروح مره ثانية

 

[Ms.LoL]

و الله تشوقت .. معنه كذا وحده تقول هولندا بلنسبة لباجي أوروبا صبخه و لاشي ..
و مخرعيني من المفاصيخ يقولون أكثر دولة إباحيه
و في شارع فيه محلات بالفترينا حريم مفصخين يسوون حركات ..

======

إللي راحوا

في مجمع أو متحف على جسم الانسان؟
كل قسم فيه جنج داخل جسم الانسان .؟

ياريت اللي سامعه عنه تقولنا ؟

 

[catwiti]

دخلي قوقل اييرث وشوفي شوارعها انا دخلتها وشفتها بهالطريقه لوول صج وناسه

 

[Ms.LoL]

من أي ناحية وناسه .؟
ما فهمت يعني ادخل قوقل يطلع لي شكل هولندا من فوق؟

 

[Ms.LoL]

هذا ملخص للي تبي ..


هـولـنـدا :

أولا : الفنادق :

فندق فكتوريا

NH HOTEL
شبكو بالانترنت موقع بوكينج و شوفي الصور وايد حلو و اسعارة مناسبة

فندق غولدن توليب روعه

- - - - - - - - - - - - - - - - - - - - - - - - - - - - - - - - - - - - - - - - - - - - - - - -

* الطقس :

جوهم داااااااااااااااايما هواااااااااا هواااااا ومطر خفيف
جد جد جوهم عجيييييييييييييييييييب والله


- - - - - - - - - - - - - - - - - - - - - - - - - - - - - - - - - - - - - - - - - - - - - - - -


ثانيا : الأماكن السياحية في هولندا :


مكتب يم السنترال ستيشن اسمه
lindberg excrusion
يوديج كل الرحلات الي تبينها بسعر رخيص اهو يم فندق فكتوريا



لاتطوفين :

1- مدينه الطواحين :
مدينة الطواحين اهنااااااك تروحين تقريبا ساعتين من امستردام
فيها طواحين وممرات مائية عجييييبة
وفيها عروض حق شلون يصنعون الجبن الهولندي والقباق وانت بكرامة
تصعدين للطواحين فوق واستمتعي بل الجو
بس شرط اخذي جاكيت لان مووووووت برد وهوا هوا هوا طيرين منه جد


2- هولندا المصغره

3- قريه الصيادين :
قريه عجيييبه قديمة
تروحين برحلة بحريه فيها تركبين الباخرة
وتتجولين


4- مدام توسو :
اهوا اصغر من الي بلندن بس هم حلوووو ....
اصلا القعده بدام سكوير شي شي شي متعه لا تتصور


5-لاهـــاي :
اللي اهيه عندهم اسمها (شخيفننج)
- فيها بحر وعلى طول البحر قعدات ومطاعم ومحلات يعني وناسه وجوها عليل

- منطقة لاهاي بحرهم ينن
وكله مطاعم بحرية والعاب والمكان زوغه
وفي يوم رحنا مصنع الخزف وايدحلو
وفي يوم رحنا متحف الشمع صج هذا لاطوفينا
ولاطوفين المدينة المصغره تينن وايد حلوه

- في منطقة اسهما شخيفننج
روحي صوب فندق كورا هاوس
يسوون مسابقات بين الدول على الالعاب النارية واشيااء عجيبة
الي يطلع نافورة جراقي و من السفينة ومن نص البحر
وسكروون الليتات بهالشارع والمطاعم اتسكر ليتاتهااا
وشوفيي كل يوووم دولة ما تملييين وفي سباق الجواري وناااااسة وروحي حديقة الزهور

- - - - - - - - - - - - - - - - - -

6-روتردام : اهي وايد عصريه يعني كلها مباني وشوارع كبيره
(مومثل امستردام كلها انهار وشمبانيها عاديه على فكره ترى امستردام يسمونها فينيسيا لانها نفس طريقتها)

نرجع ال روتردام سألوا عن موعد المهرجان
اول ماوصلنا كان في مهرجان عجيب من الصبح لي المغرب
يعني بس قعدي بالشارع حق التطمش
وتسوقنا يعني الديره حلوه
وجوها حلو واي استفسار انا حاضره يعني الديره تسوى وعليكم بالعافيه

- - - - - - - - - - - - - - - - - -

7-
Efteling

احلى مدينة ملاهي متواجدة في هولندا
موجودة في منطقة
Tilburg
تستحق الزيارة اللي يزور هولندا لازم يمر عليها

- - - - - - - - - - - - - - - - - -

8- قرية فولندام :
الجميلة على البحر فيها
صورنا صور تذكارية باللبس والجوتي الهولندي
بعدين خذينا عبارة بالبحر ودتنا جزيرة
اسمها جزيرة ماركن صج كانت احلى رحلة بحرية

- - - - - - - - - - - - - - - - - -

9-
Walibi World(Six Flags Holland
هذي بعد حديقة ملاهي وايد حلو

- - - - - - - - - - - - - - - - - -

10- بيجنكورف : مجمع وايد يمدحونه


- - - - - - - - - - - - - - - - - - - - - - - -

ملاحظات أخرى :

- بره امستردام امان وبساطة
- رحلة الطواحين ومصنع الجبن ومصنع الجواتي لاتطوووووف

 

[Tender Heart]

هلا بنات توكلوا على الله اللي محتارين ترا تستاهل العنوه ومافيها مفاصيخ مادري من وين يطلعون الناس حجي خخخخخخخخخخ وبالنسبه للي تسال في محل اجسام ناس اتوقع قصدج ال sex museum ههههههههههه انا عبالي متحف عادي يوم انتبهت على كلمه عدل انحشت خخخخخخخخخخخخخ يصير على الشارع

 

[Ms.LoL]

لااااااااا
لا تقووولييين ؟!؟!؟
أنا عبالي شي علمي ..
ليكون شي وصصصخ ؟؟
و الله عاد وحده ديينه اللي قايله عنه .. ما أتوقع وصصخ ؟

 

[Hello_kitty]

حبيبتي مس لول المتحف اللي تقصدينه متحف جسم الإنسان شغله علميه وحلوه حيل وصارله تقريبا سنتين مفتوح

واهو قريب من منطقه ليدن

 

[Ms.LoL]

إيي صج ممتع يعني .؟
يعجب الكبار و الصغار و طريقة العرض مشوقه ..
و لا كلام علمي ما ينفهم و من هالكلام .؟

تعرفين اسمه ؟

مشكووره ما تقصرين

 

[Hello_kitty]

حبيبتي سوي سير ج كتب متحف جسم الانسان بهولندا وراح يطلعلج اسمه وصوره

وعلى فكره اعتقد الاطفال اقل 8 سنين مو مسموح لهم بالدخول

ناويه ان شا الله تسافرين هولندا؟

 

[وجدان الكويت]

واااي شيشتوووني عليهااا

 

[Ms.LoL]

إيي و الله ناوين ..
أشوه اختي 13 سنه ..
بقرا عنه بقوقل و أشوف ..
تسلمين .. ^^

 

[Katkota_46]

هاااااااااااااااي شلونكم اخيرا قدرنا ندخل المنتدى من الضغط اللي عليه ماشالله

اول شي اسلم على بنات قروب الوسيط

يالله هالسنه هولندا امستردام ويعطيهم العافيه اللي اذكروا اهم معالم هولندا اللي تستحق الزياره

 

[M.&A. Stuff]

قوه بنااااااات

بسألكم عن مطار امستردااام شلونه لان رااح نقعد فيه ترانزيت

ياليت تقولون عن المحلات اللي فيه وشنو الاماكن اللي نروحلهاا لاني سمعت انه كبير.

ياليت تفيدوني يابناات هولندااااآ

 

[&بنت شيوخ&]

انا حجزت فندق قراند اللي بساحة الدام وان شاءااله تتيسر السفرة

امس كنت بالسفارة عشان الشنقن بصراحة سهالات

سفرتي بتاريخ 29 يونيو
ياالله بنات قولولنا حددتوا متى بالضبط
طبعا مو بس هولندا راح نروح بروكسل وفرنسا

 

[CUTE-_- MOM]

مشكورين على هذا التفاعل من كثر الضغط على المنتدى احس ان اللي يشبك معاة اهوة انسان محظوظ
التذكرة اطلعت علينا 250 بس بدون شي طبعا و الاسعار مينونة كل شي نار

 

[Hello_kitty]

كيوته على اي طيران حجزتي؟؟؟بتروحون لاهاي؟؟

 

[M.&A. Stuff]

هااا بنـات ماقلتولي عن مطار امستردامـــ؟؟

 

[Katkota_46]

مشكورين على هذا التفاعل من كثر الضغط على المنتدى احس ان اللي يشبك معاة اهوة انسان محظوظ
التذكرة اطلعت علينا 250 بس بدون شي طبعا و الاسعار مينونة كل شي نار

شلونج كيوت .... على اي طيران حاجزه؟؟؟
انا حجزت على الامارتية وطلعت علي 230