الى من خدعت بزوج مريض والى جميع من ياست من تاخر زواجها او تطلقت

[قآنون كيفكـ!!]

يزاج الله خير
والله يعين ع الدنيا ويرزق كل وحدة عاجلا غير اجججل

 

[كليـ دلعـ]

ليش جذي تتكلمين عنهاا!؟

ياكثر الغل بقلبج عليها!!

وفقها ربي لانها تستااهل

انما الاعمال بالنياات

 

[ظبية بوظبي]

اللهم امين

 

[ظبية بوظبي]

ههههه كلي دلع ردت وييي توني البارحه رحت ادور عليج شفتهم شطبوا عليج

اي والله تصدقين اليوم قعدت احاسب نفسي قلت ليش ذكرت سلبياتها الي بعد انتهت
والله لو طالع بايدي كان مسحت المقدمه السخيفه
طيب اقدر اكلم المشرفات ؟؟
طيب بشوفهم ويارب يوافقون

 

[طعنـــة غـــدر]

لاحول ولاقوه الا بالله ، هذيل نااس اللي يغشوون في البنااات ويزوجون عياالهم
الواحد لازم يخاف الله حسبي الله ونعم الوكيل

 

[Vous jamais]

الله يعوضكم خير يا مس مطير و جوري الغرام

عسلى ربي يرزقكم ازواج صالحين تقيين نقيين يخافون الله فيكم

و ربي يرزق كل من تتمنى الزواج الزوج الصالح

و ما ذلك على الله بعزيز فقط ثقوا بكرم الله ولا تيأسوا

من الفرج فهو القادر على كل شيء سبحانه

 

[the white heart]

مشكورة حبيبتي على الموضوع خوش موضوع والله يرزقنا يا رب كل الي نتمناه

 

[ميس المشاعر]

رووووووووووووووووووووووعه
لا حياة بلا أمل ومـــــــــا الأمل إلا الله

 

[هوى الديرة]

الله يكون بالعون
واجد اللي ينغشون .. تتزوج وهي تفكر تكون بيت وأسرة وعيال وستر وتقوم بواجباتها كلها من تصير زوجه
ومن تتزوج تشوف المفاجآااات
وتنصدم برجال مو صاحي وفيه مليووووووون علة .. وتتطلق واهي الضحيه..
حسبي الله ونعم الوكيل في الناس اللي ماتخاف ربها.. اللي يتزوجون ويطلقون ..

لكن كل وحده مرت بهالتجربة ثقي ثقي ثقي تماماا ان الله ورا كل انسان ظالم وبيذوق المر طول ماهوعايش على اللي سوه في بنات الناس ..

 

[فراشه بيضا]

الله يكون بالعون
واجد اللي ينغشون .. تتزوج وهي تفكر تكون بيت وأسرة وعيال وستر وتقوم بواجباتها كلها من تصير زوجه
ومن تتزوج تشوف المفاجآااات
وتنصدم برجال مو صاحي وفيه مليووووووون علة .. وتتطلق واهي الضحيه..
حسبي الله ونعم الوكيل في الناس اللي ماتخاف ربها.. اللي يتزوجون ويطلقون ..

لكن كل وحده مرت بهالتجربة ثقي ثقي ثقي تماماا ان الله ورا كل انسان ظالم وبيذوق المر طول ماهوعايش على اللي سوه في بنات الناس ..

اللهم امين جعلهم يذوقون اللي ذقته
حسبي الله ونعم الوكيل على كل ظالم
حلمي بيت وزوج واطفال خربوا كل شي واهوا بعد ما قصر فيني
بس شذنبي؟؟
ليش كل هذا ؟ حبيتك وحافظت عليك وعلى بيتك ومتطلباتي قليله جدا جدا لاني موظفه وما قلت يلا سفرني نفس هالحريم
واخر شي
يقول ما ابيج ههههههههه
شفتوا الحره؟ بس تو مانفصلت
بعد ماكانوا الناس يتمنون بس يناسبونا اطيح بهذا
لك الحمد والشكر يا منان يا عالم الغيب
حسبي الله ونعم الوكيل

 

[سحابة صيف12]

اللهم اتنا في الدنيا حسنةوفي الآخرة حسنة وقنا عذاب النار

 

[هوى الديرة]

اللهم امين جعلهم يذوقون اللي ذقته
حسبي الله ونعم الوكيل على كل ظالم
حلمي بيت وزوج واطفال خربوا كل شي واهوا بعد ما قصر فيني
بس شذنبي؟؟
ليش كل هذا ؟ حبيتك وحافظت عليك وعلى بيتك ومتطلباتي قليله جدا جدا لاني موظفه وما قلت يلا سفرني نفس هالحريم
واخر شي
يقول ما ابيج ههههههههه
شفتوا الحره؟ بس تو مانفصلت
بعد ماكانوا الناس يتمنون بس يناسبونا اطيح بهذا
لك الحمد والشكر يا منان يا عالم الغيب
حسبي الله ونعم الوكيل

حبيبتي لاتزعلين نفسج قولي خيررررره باذن الله
انتي ماتدرين لله شنو خاشلج باجر..!
ولاتدرين اهو الله بشنو بيطيحه ؟؟
والله والله والله شوف عيني حالات جذي طلقوا حريمهم السنعات
اللي زين واللي ذرابه واللي اخلاق واللي دين .. والله والله والله طاحووووووووووا بحريم
عيفوهم حياتهم كلها وربي كرهوا الزواج ويتحسرون ع ايام حياتهم ..
لاتخافين الله يمهل ولايهمل ..من تزوج وظلم كل وحده وحط فيها مليون عله ولا طلقها بدون سبب
بدور الدنيا عليه باجر ..

 

[ظبية بوظبي]

^^^^^^

احتسبوا الاجر في كل اعمالكم
وتذكروا انها دنيا وبنخليها

 

[dalo0oa121]

Never been married
صج اني أزعل لما غيري يحب وكون أسرة وأنا بعدي
لكن شتسوي المكتوب مكتوب

 

[كنوشة 2009]

الله يعوض عليج

 

[هدوووشه]

اي والله اكبر قهر انخدعت بواحد ماعنده ضمير اهانني وذلني هذا ونا كنت عروس
وفوق هذا معاملة زفت ومرض فمرض واتهموني باشياء كثير
ماهو محلل ﻻ دنيا وﻻ اخره وعسى اسمع فيه وفي اهله اللي يسر خاطري
الله ينتقم لي منهم خربوا حياتي وخدعووني
شعور قاسي لما كنت افكر انتي اتزوج حالي حال اي وحدة واحد شخصية وطيب وخلوق بس للاسف
رجعت من ثاني شهر بثيابي الجديدة اللي للحين كل مااطالع فيها قلبي يعورني
اهم شي انا افتكيت واقول بقلبي مايستاهلني مايستاهلني ابد بكرة يعرف قميتي
حسبي الله ونعم الوكيل بكل من ظلمني

 

[KADE]

الله يفرج على كل مهمومه ياارب

 

[توتة UAE]

بنات قطعتوا قلبي ليش تفكرون في اللي انتهى؟ أدري مب شي سهل
بس انتي لازم كل ماتفكرين فالموضوع تقولين نفسج: "بس يا توتة (يعني اسمج)
خلاص أنا صحت وزعلت وتعبت ويئست وهذا كفاية !! الحين كل شي انتهى وخلص
واستوى من الماضي، هالتفكير بعد لازم ينتهي ويتغير ! " عقب انتبهي لعمرج
شوفي نفسج قولي أنا فمكان غير ووضع غير يعني تفكيري بيكون غير ويديد.

بنات هالكلام قوليه لنفسج دووووم وكل مرة ترد الأفكار والحزن، هالكلام من دكتور
سوا اختبار .. ترسمين بيت وسيارة ف 10 ثواني عقب شوفي رسمتج . .
طبعا الكلللل رسم سيارة وبيت جداااام اللي مال أول مثل جذي



عقب سأل هل الحين السيايير جذي؟ هل بيوتنا شكلها جذي؟ عيل لييييش
رسمتوها جذي؟؟! هذا هو الدليل مع انه الظروف تتغير أفكارنا القديمة اتم . .
والحين بعدما عرفتي دوم طبقي اللي قلته، طبعا مب من أول مرة بتشوفين
النتيجة اللي تبينها بس مع كل مرة بتقولين الكلام لنفسج أضمن لج تفكيرج
بيتغير وبتكون عندج أشيا أهم وأولويات ثانية تفكرين فيها بإذن الله . .

ترا انتي المسؤولية عن وضعج الحالي، ما أقصد الطلاق أقصد حالة الحزن
اللي انتي فيها، أعرف إنها طبيعية وخاصة من وحده انغشت ولا ريلها
طلقها وهي مب مقصرة ف حقوقة، بس كل شي له حد، اللي توها متطلقة
وتحس بكآبة عادي أنا أقولج حسي وازعلي وصيحي لين ما تشبعين
بس اللي صار لها شهور ولا سنين وهي بعدها ع حالتها، لا انتي مصختيها
لا تيلسين تشوفين الناس اللي أحسن عنج ترا هم بعد عندهم مشاكل و
بلاوي محد يدري عنها، شوفي اللي حالتهم أسوء عنج وبتحسين إنه اللي
صار لج مايستاهل هاللي تسوينه، وبتحمدين ربج إنه بلائج أخف عنهم . .
وبعد لا تترين حد يطبطب عليج وايود إيدج يقولج لا كسرتي خاطري
تعالي بونسج ولا بساعدج، لا انتي المسؤولة عن حالتج وانتي لازم
تطلعين نفسج بنفسج من هالحالة، لا تترين شفقة من حد ولا تصيرين كتاب
مفتوح عقب الناس يتشمتون فيج ويمصخرونج، محد يهتم فاللي استوى لج
والدنيا ما بتوقف ع طلاقج حتى لو انتي مظلومة، كل حد مستانس ويعيش
حياته ويطور من نفسه وانتي بعدج واقفة ع هالمرحلة؟!! لين متى؟؟

يلا الحين ابدي التغيير، طلعي الدفتر وافتحي صفحة يديدة (يعني أنكت اضحكوا
هاه لا تقفطوني ) شوفي فيدوات ف يوتيوب عن الدعاء المستجاب وادعي
أدعية حلوة لنفسج، اكتبيهم فورقة زيني الورقة، ادخلي القسم الإسلامي أنا
دخلته وشفت فيه مواضيع حلوة وتشجيعية مثل اللي تبا تحقق شي أو تبا
توصل لأمنية، اقروها والله بتحسون براحة، وعن طاري الراحة اقري سورة البقرة
كل يوم صدق صدق أنا بنفسي قريتها لما كنت مهمومة وكنت ارتاح نفسيا مع
إنه مشكلتي ما انتهت !! وشو أحلى من الراحة النفسية؟ تخليج تفكرين صح . .

وهذي تجربة تعلمي منها، إذا ماتعلمتي منها الدنيا بعد بتعيد لج التجربة لين
ما تتعلمين ( بسم الله عليكم ) أدري كل بنت تبا تتزوج مرة وحده ويكون زواجها
الوحيد وتعيش ويا ريلها وعيالها بسلام وحب، بس دام ماحصل هالشي خلاص
لا تتعاملين مع الوضع خلاااص نهاية العالم نهايتي الأليمة أنا التعيسة للأبد . .
حق كل شي خليلج خطط ثانية واحتياطات وتصرفات عشان إذا ماحصل اللي
تبينه تسوين الشي الثاني وماتكونين مصدومة وايد، يعني مستعدة للجميل
والسيء . .

لا تيلسين بروحج، الفضاوة تيب الأفكار وغالبا الأفكار التعيسة، اشغلي نفسج
مارسي هواياتج خذي الليسن سولفي ويا ربيعاتج اطلعي ويا الأهل تمشي
ادخلي دورات غير عن اهتماماتج اقري كتاب خيال علمي المهم سوي شي لا
تيلسين زعلانة . . ومابا تيني وحده تيني أنا كلمت رفيجتي بس هي ماعبرتني
لأني مطلقة إهئ إهئ ( يعني تصيحين ) خلاص يكرهوني أنا منبوذة . .
لااا حبيبتي تعالي أعلمج شنو تسوين . . كلمتي ربيعتج سوتلج طاف أو ما
رمستج نفس قبل، يختي طااااف لو بينكم صداقة من الروضة لا تعقين عمرج
ع حد، ولو تحبج صدق جان كلمتج عدل سواء كنتي عازبة متزوجة عانس
مطلقة متروسة تجاعيد، خلاص بالطقاق فيها وسولفي ويا وحده ثانية . .

أحس لازم أكتب موضوع أحسن عشان بنات أكثر يقرون كلامي، وختاما فديتكم
هذي دنيا بتخلص ونحن غافلين أتمنى لي ولكم حياة هنية وراحة بال وحسن الخاتمة . .

مشكورة ظبية :eh_s(17):

 

[ظبية بوظبي]

فديت قلبش توتي :**

ومعوضات يا بنات باذن الله

 

[ظبية بوظبي]

فديت قلبش توتي :**

ومعوضات يا بنات باذن الله