الى متى عمليات التشويه

[شلة بنات وبس]

السلام عليكم بنات مليت من كثر ماشوف ان الوجوه صارت تتشابه حواجب شيطانيه خدود خشم مثل قلم الرصاص براطم مؤخرة بارزه بشكل مضحك ومنفر غمازات وفوق هذا قوطي الحليب اللى فوق الروس وتحت الملافع مادري والله مادري شلون اعبر عن اللى اشوفه :ch12:

 

[شلة بنات وبس]

37 بنت ادخلت وقرت الموضوع و ولا وحده فيهم علقت ههههههه شفتو شلون ان عمليات التشويه اترست الكويت

 

[سويت فانيلا]

اي والله صاجه على اغنيه غرفه عمليات

 

[حناينq8]

تم نقل الموضوع الي القسم المناسب

 

[شلة بنات وبس]

تم نقل الموضوع الي القسم المناسب

مشكوره اختى حناين على نقل الموضوع هنى :33_1185028183:

 

[AM SDON]

تجميل هالوقت جذي

الله يستر من المستقبل
ههههههههههه

 

[manoooram]

هذي مشكله كل مالها تزيد وتكبر مع الوقت
قولي الانسان اللي يعاني من تشوهات خلقيه الله يعينه ومضطر
بس نيي للي سليمه معافيه ومافيها اي شي
ليش تلعبين بنفسج ؟؟ والله ان كم وحده وحده أعرفهم ان تكون الملح كله بس تلعب بخلقة الله والله انها تتهول وتصير مو حلوة كأنه استغفرالله عقاب من رب العالمين
استغرب من اللي ترفع حاجبها تطيره لي قمة راسها ولا الثانيه تتفخ ببراطمها بصورة مبالغه أو تتفخ خدودها أوفر أعتبر اللي تسوينه جمال مثلا !!

 

[شلة بنات وبس]

صاجين يا خواتى والله انا اتحسر عاللى اشوفه بالأسواق أو المستشفيات أو الأعراس بنات مثل الورد ليش تشوهون خلقة رب العالمين سبحانه وتعالى عمر البراطم ماكنت ميزة جمال والله وعمره حواجب ابليس ماكنت مثيره وعمر الخدود المبالغ فيها ماكنت ترمز للوجه المورد يعنى مثل الورد لأ مفهوم خاطئ غير ان التغيير في خلق الله عز وجل هذا حرام ومذكور بالقرآن اللى ماترك صغيره ولا كبيره الا احصاها ربنا في كتابه العزيز رفيجاتى ماقمت اعرفهم والسبه التغيير المفاجئ من خشم وحواجب وفك وخدود ومؤخرات وبراطم ليش جذي عاد كل شي طبيعي وخلقة الله ماتنعاب ترى حلوه اذا بنت عمرها من 20 و 30 تقعد تحورف بعمرها عيل لا صارت 45 شبتسوي مافي مجال تشد اصلا مثل صباح الشحروره قمت اتفقد الوجوه بالاماكن والاسواق افرح لا شفت بنت طبيعيه لان صار على قولة الرجال شي نادر بديرتنا انك ماتلاقي بنت بدون براطم وخدود و و و ويتطنزون والوجوه اصبحت تتشابه البنيه عسى ماصار عندها بيزتين طارت العياده اتفخ ارفع لا حياة لمن تنادى الحمدلله ان في اخوات فاضلات يشاركونى الفكر ذاته لكم كل الشكر يالغاليات على المشاركه

 

[بنت النوخذا]

صـــــــــــــــــاااااااااجه

و الحمد الله و الشكر جان زين حلوين قمه الهلاقه
اول شئ حجاب بو قذله
و الحين صار حجاب بو ترجيه

و الحين حجاب و المؤخره مرصوووصه جدام و راء مفصل و واضح

ما يستحون ما يقولون عيب حرام

لالالالالالا و بعد
و تمشي و الابو ملتحي و الام نقاب
خررررررررررررررررررررررطي

اي شئ

لا حسيب ولا رقيب​

 

[عشقك وطن]

من جد كل الوجوهـ صايرهـ تتشابه وبشكل مقزز بعد


لامن حلا ولاشي

وفوق هذا احس تصير البنت ماكو ثقه بنفسها وكل شوي تغير شكلها


المفروض الوحدهـ تحمد ربها ع النعمه في ناس ماعندهم هالنعمه تلقيته ماعنده رجل ولا ماعنده يد


ولا متشوهـ ولا فيه مرض وهذولي يلعبون بخلقه ربي



الله يديم العقل والعافيه



يسسلمو

 

[Nameny]

والله صاجين يابنات ! الحين الوحده إذا ماحفت حواجبها عشان حرام ولا سوت الحركات مثل البنات الجيل هذا قالو عنها معقده !
يعني لازم تمشين مع الناس عشان مايضحكون عليك ، وما ادري من المفروض نضحك على منو؟
الوافدين الي في ديرتنا يضحكون ويستغربون من حركاتنا هذي !

 

[(( الذهب ))]

لا وبعد مو حلو يطلع للاغلبيه تحسين زومبي ^^ يالا تضحك وياللا تتكلم ماكو تعابير بوجهها
بس اللي تافخخه شفايفها حيل ؟؟؟ شلون تشرب هههه بجد سوال في محله

 

[مبرقعات]

لاحول ولاقوة الا بالله العلى العظيم شي يحز فى نفس المؤمن عمليات تغير لخلق الله عز وجل ويكون فى بالها انه تجميل وانها زادت حلا وهي ماتدري انها خربت كل شي طبيعي ومن الله سبحانه وفوق هذا وش تسوي لا ماتت ودخلوها فى قبرها ترى عمليات التجميل حراااااااااام والله حرااااااااااام اتقو الله فى انفسكم نحن فى اخر الزمان

 

[القصيدة]

السلام عليكم و رحمة الله و بركاته

من جد عمليات تشويــه

الصبايا صاروا استنساخ عن بعض و المشكلة ما فيــه جمــال

سبحان الله أحسن كل شئٍ خلقــه

حتى لو كانت البنت مو جميلة تكون ملامحها الطبيعية متناسقة و متناسبة

لكن عمليات التجميل تخلي ملامح الوجه جامدة و غير متناسقة حتى لو كانت الملامح موديل

الله يهدي الجميــــــع :eh_s(17):​

 

[ام نواف 5]

الاكيد العمليات هذى من وز الشيطان لان فيها تغير للخلقه الى الله مختارها لنا مذكور فى القران ناسيه الايه بالظبط الله يرحمنا برحمته مشكوره

 

[أأأحبه]

صصدقتي والله
بذات العمليات الاووفر تقرررفني

الحمد لله رب العالمين على خلقتنا ~~

 

[شلة بنات وبس]

إن الله لا يغفر أن يشرك به ويغفر مادون ذلك لمن يشاء ومن يشرك بالله فقد ضل ضلالا بعيدآ إن يدعون من دونه إلا إناثا وإن يدعون إلا شيطانآ مريدآ لعنه الله وقال لأتخذن من عبادك نصيبآ مفروضا ولأضلنهم ولأمنينهم ولآمرنهم فليبتكن آذان الأنعام ولآمرنهم فليغيرن خلق الله ومن يتخذ الشيطان وليا من دون الله فقد خسر خسرانآ مبينا يعدهم ويمنيهم ومايعدهم الشيطان إلا غرورا أولئك مأواهم جهنم ولا يجدون عنها محيصا

 

[شلة بنات وبس]

الاكيد العمليات هذى من وز الشيطان لان فيها تغير للخلقه الى الله مختارها لنا مذكور فى القران ناسيه الايه بالظبط الله يرحمنا برحمته مشكوره

العفو يا اختى اتمنى من كل بنت تقرا الموضوع تفكر بينها وبين نفسها وتسأل نفسها هل اللى قاعده اسويه يرضي رب العالمين هل هذا حلال او حرمه ربي سبحانه والنصيحه لخواتى الغاليات اللى سوو عمليات لتغير خلق الله واللى تفكر تقلد رفيجتها وتغير فى خلقتها

 

[شلة بنات وبس]

وانا كتبت الآيه اللى قالها رب العالمين فى كتابه الكريم القرآن الآيه تتكلم بكل وضوح عن تغير خلق الله تعالى

 

[شلة بنات وبس]

تسعدنى مشاركاتكم يالغاليات