الى حبيبته انا بسرعه

[الماس الكون]

قوه شلونج ابي اسال بجم سويتي العمليه وهل صارلج مضاعفات بعد العمليه انج ما تقدرين تتنفسين وبالضبط شنو سوالج بخشمج ما استفسرتي منه وجم صارلج لان انا سويت العمليع بس احس خرطي انا سويتها بالسلام عند الدكتور احمد+اشرف

 

[حبيبته آنا]

هلا حبيبتي الماس الكون
سويتها باول 2006 عند جمال الحربي وكان سعر العمليه 1250 والحين زاد سعر العمليه لان بنت اخوي مسويه خشمها من تقريبا اسبوعين خذا منها 1350 لان المركز زادو اسعار الغرفه والبنج
وبصراحه شغله روووووووووووووووووووعه انا كان خشمي يلوع الجبد حده عوي لما تطالعين ويهي كان خشمي كأن حرف سي بالانجليزي وكان بوز الخشم كره ونازل شوي وعندي انحراف قوي بالحاجز الانفي ليدرجة ان وحده من فتحات خشمي كانت صغيره حيـــــــــــــــل عن الثانيه جنها مخيوطه وما اقدر اتنفس
وهو الله يعافيه والله اني ادعيله عدلي خشمي تعديل ماصار ولا استوى وعدلي الحاجز وشال اللحميات وصج صج صج ماتوقعت بيوم من الايام ان يكون شكل خشمي حلو ليهالدرجه اصلا من بعد ماسويت عمليتي وبينت النتيجه مابقى احد من اهلي ورفيجاتي ماسواها حتى دكتورتي اللي تدرسني بالجامعه راحت سوتها من كثر ما النتيجه خيــــــــــــــال