الى جميع اللي قدموا على صندوق التنمية

[Esraa.a]

رد : رد: الى جميع اللي قدموا على صندوق التنمية

حبيبتي اولن الاغلبيه قدموا وماشالله وصلنا لي المقابله بدون واسطه ولا شي

وبعدين اعرف فوق ال١٠اشخاص توظفوا من غير واسطه ماشالله

وثاني الشي الارزاق بيد الله لا وزير ولا عضو ولا شي

وثالث شي ليش ما نعني نفسنا ؟؟؟ ربج قال اسعى ياعبدي وانا اسعى معاك

واذا راده عالواسطه انعرف ناس بكل مكان بس حلو الواحد يكون واثق بقدراته وبنفسه وماينطر يعرض ويهه حق فلان و علان واللي يحطك بكلمه ترا يشيلك بكلمه

فماله داعي ابدا شغل التحبيط هذا ومشكورة على مشاركتج عالعموم ادري انج حابه اتفيدينا بس كلمة الله يوفقكم كانت راح اتكون اكثر من كافيه ومشكورة مرة ثانيه واتمنى ماتزعلين والله يرزقج ويرزقنا بالوظيفه والمكان اللي نتمناه

أقولج شي


انا لما راحت قدمت أوراقي


قعدت مع الموظف أسولف معاه



قالي بعظمة لسانه إذا تبين تتوظفين عندنا تعبي عالواااااسطه



ومعرووووف الصندوق الكويتي كله واسطات وما يبون أي أحد .. لأنه المكان قوي



وطبعا إذا منزلين الإعلان راح ياخذون كل اللي مقدمين عليه علشان يمتحنون .. بس عاد شوفي جم واحد يوظفون ينعدون عالأصابع

ثلاثة أرباعهم واسطات .. والربع الأخير من اللي مقدمين ومؤهلاتهم عاليه ( اللي اهما احنا)




عالعموم الله يسهل عالجميع ويوفقنا كلنا







استغفر الله الذي لا إله إلا هو الحي القيوم وأتوب إليه
عد ما كان وعدد ما يكون وعدد الحركات والسكون

 

[DoDoPe]

اعرف واحد شخصيا من عيال اكبرها واسمنها على قولتهم مااااات ويتوظف بالصندوق امتحان الانقليزي سقط فيه ولي الحين واهوا يحاول ومتسكره بويهه وكا احنا لا واسطه ولا شي وصلنا لي المقابله وانشالله بذكرج بس يطلع قبولي وترا حلو الواحد يثق بنفسه وبقدراته ومن الصندوق نفسه اعرف ناس بس والله ما سالتهم يساعدوني ولا يوصون علي قالولي بالصندوق وغيره تعبي على نفسج دورات ومعدل حلو واسلوب وثقه بالنفس هالاشيا توصلج مو فلان وعلان صحيح في ناس مسكت وظيفه بالواسطه انا معاج .. لكن وين وصلو ؟؟؟؟؟؟

 

[DoDoPe]

وعلى فكرة اللي كلمتهم ناس على ٢٥ و ٣٠ سنه خبرة مو عيال توا .. يعني شايفين لما قايلين بس اتقولي المعاش شوي بس خلال سنه يبين اللي تاعب على نفسه واللي قاط ويهه على فلان وعلان لان اهما وايد يقدرون اللي يشتغل ويعطي من نفسه

لو قطاع حكومي اقولج اي الواسطه تلعب بريولها وايدينها هناك لان ماكو شغل اللي يتعب نفس اللي نايم على روحه

الصراحه انا شخصيا استغرب من ناس عندهم مؤهلات وماشالله معدل حلو بس يخاف ويقول واسطه وواسطه ويتحبط وناس حتا كلمتين على بعض مايعرفون بس شطار يترززون عند المترديه والنطيحه عشان كتاب ترشيخ ولا مكالمه

حبايبي مهما سمعتو واسطه وفلان وكتاب ومادري شنو خليج واثقه ان الله فوق كل شي واللي كاتبه بيصير مو لو تيبين واسطه لو تيبين منو يكون .. لا اتصيرون سلبيين لي هالدرجه هذا كل اللي بقوله

 

[Esraa.a]

رد : الى جميع اللي قدموا على صندوق التنمية

اوكي انا معاج .. فيه ناس يدخلون بمؤهلاتهم


بس هم الواسطه تلعب دور


وطبعا اللي يحطون واسطه .. شي ضروووري يقدمون الامتحان وينجحون فيه

مستحيل يدشون من غير ما ينجحون بالامتحان


يعني امتحان + مقابله + واسطه





وانا الحمدلله معدلي عالي وعندي فوق ال 13 دوره


والله كريم ياااااااااارب



ويوفقج ويوفق الكل

 

[Esraa.a]

رد : الى جميع اللي قدموا على صندوق التنمية

بعدين انا الموظف قالي تعبي عالواسطه


قاعد انقلج كلام الموظف حرفيا

 

[DoDoPe]

وجهة نظر واحترمها

بس خليني اقولج اخير كلامي لو كان ثلاث ارباع الصندوق متعينين بالواسطه جان صندوق التنميه ماصار له سمعه ان مكان قوي جان صار وزارة التربية على سبيل المثال .. الربع يتعينون واسطه اممم معقول

وعالعموم انتي ماشالله تعبانه على نفسج ومعدلج حلو وشهادتج حلوه وانتي احلى اكيد فلا اتصيرين سلبيه جذي ولي توظفتي هناك انشالله روحي للموظف نفسه وثبتيله عكس كلامه هذا اذا كان الموظف وسيم لكن لو كان غير جذي لا اتروحين خخخخخخ اتغشمر


عالعموم حصل خير واختلاف وجهات النظر لايفسد للود قضيه اعتقد شي جذي ؛)

 

[ro7e t7bek]

دودوبي عدل كلامج اتفق معاج
خلو واسطتكم ربكم وخلكم واثقين من نفسكم

الله كريم من بعد المقابله مالهم حس مو جنهم طولو يالله يارب خييييير





.





.

 

[Ms.media]

السلام عليكم
انا بصراحه بعد سامعه ان ما يوظفون اي احد ولازم مو اي واسطه و هذا الحجي من ناس متوظفين هناك والله اعلم
بس
بنات الي الله كاتبه يصيير بواسطه ولا بدون واسطه
المهم احنا انسوي الي علينا والباجي على الله
الحمدالله على كل حال
والله يوفق الجميع

 

[Esraa.a]

رد : رد: الى جميع اللي قدموا على صندوق التنمية

وجهة نظر واحترمها

بس خليني اقولج اخير كلامي لو كان ثلاث ارباع الصندوق متعينين بالواسطه جان صندوق التنميه ماصار له سمعه ان مكان قوي جان صار وزارة التربية على سبيل المثال .. الربع يتعينون واسطه اممم معقول

وعالعموم انتي ماشالله تعبانه على نفسج ومعدلج حلو وشهادتج حلوه وانتي احلى اكيد فلا اتصيرين سلبيه جذي ولي توظفتي هناك انشالله روحي للموظف نفسه وثبتيله عكس كلامه هذا اذا كان الموظف وسيم لكن لو كان غير جذي لا اتروحين خخخخخخ اتغشمر


عالعموم حصل خير واختلاف وجهات النظر لايفسد للود قضيه اعتقد شي جذي ؛)

حبيبتي ما صار شي :eh_s(7)::eh_s(7):


على قولتج .. اختلاف وجهات النظر



عالعموم انا عفتهم خلاااااااص



الله يوفقج ان شاء الله ويوفق البنات

 

[Esraa.a]

رد : رد: الى جميع اللي قدموا على صندوق التنمية

السلام عليكم
انا بصراحه بعد سامعه ان ما يوظفون اي احد ولازم مو اي واسطه و هذا الحجي من ناس متوظفين هناك والله اعلم
بس
بنات الي الله كاتبه يصيير بواسطه ولا بدون واسطه
المهم احنا انسوي الي علينا والباجي على الله
الحمدالله على كل حال
والله يوفق الجميع

:eh_s(15)::eh_s(15)::eh_s(15)::eh_s(15):


انا معاج 100%




استغفر الله الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون

 

[Ms.media]

هلا اسراء شلونج ان شاء الله بخير؟
قابلوا الاعلام؟

 

[ro7e t7bek]

بنات الأعلام شصار عليكم مادقو عليكم حق المقابله ؟؟؟







.

 

[Zayany]

بنات الاعلام

شصار عليكم دقوا؟
أنا محد دق علي

 

[Zayany]

بنات شنو اخر اخبار الصندوق
شصار عليكم

 

[ro7e t7bek]

ماكو اخبار للحين مادري شسالفتهم بنات جم رقمهم خل ندق نسأل !




.

 

[صحفية]

امبي لي متى يعني ...
:bbbiu:

انا اعلام لا حس ولا خبر

 

[Zayany]

أنا لما دقيت قالولي ما عطونا قسم الاعلام الأسامي
الله يسهل و يسر أمورنا
امييييييييين

 

[ro7e t7bek]

zayany حبيبتي متى دقيتي عليهم وقالولج هالحجي ؟؟




.

 

[Zayany]

كل اسبوع أدق نفس الحجي

 

[ro7e t7bek]

يعني معقوله للحين ماطلعت نتايج بنات الأعلام وللحين ما نادوهم حق المقابله !! امبي بارديييين !!!!








.