الى جميع اللي قدموا على صندوق التنمية

[ro7e t7bek]

انا دبلوم مادقوو علي ياالله انشالله كلنا يدقون علينا






.

 

[DoDoPe]

Ya enich et5alsen min ilmoqabala Oo etro7en aw ro7elhom youm



Rfejti ajelaw laha emt7an ta5asos 3adi kanaw easy wayd

 

[ra8iya 9afra]

رد : الى جميع اللي قدموا على صندوق التنمية

مبروووووووووووووك (واي ماي).. موفقه ان شاء الله

انا ما دقوا علي لي الحين!! يالله باجر اخر امل.. واذا ما دقوا الله كريم ان شاء الله..

البترول دزولي مسج باجر اختباري قدرات الساعه 9

بس ما اتوقع اروح لان تقريبا لي الحين يقولون مو مناسبه لنا احنا الدبلوم

 

[ra8iya 9afra]

رد : الى جميع اللي قدموا على صندوق التنمية

امااانه واي ماي قوليلنا شنو يصير معااج اوكي

 

[Wi-Mi]

تبون تفاصيل و لا المختصر المفييييييد ؟؟؟

 

[صحفية]

التفاصيل ما علييييج امر ؛)

 

[DoDoPe]

Details

Tafseel momel nabi lol

Inshallah emwafega 3zezti

Fe a7ad dagaw 3laih b3ad !!!

Wimi sa2altehom mita ydgon !!?

 

[DoDoPe]

oo eshsar 3la ilpetrol kalamteehom .?

 

[Wi-Mi]

انشالله و هاذي التفاصييييل

انا وصلت اهناك الساعه 8الا ربع و الحمدالله ما ضعت حدي استانست لما وصلت بسرعه .. كنت طالعه امبجر لانهكنت خايفه اضيع

عدد الاشخاص اللي مقابلينهم اليوم 10 و كلهم بنات
تقريبا كل البنات كانو موجودين قبل ال8:30 و كنا قاعدين عند المدخل
المهم بعدين قالولنا بنات قوموا ارتاحوا بالاستراحه و شربولكم شي << اهيا طريقه ذربه عشان يقومونا
قايلين حق الكل ان المقابله الساعه 9 و ما بدوا مقابلات الا الساعه 9 و ثلث
انا كنت ثالث وحده
البنتين اللي قبلي مساكين يروحون و يردون ويوهوم منصفقه .. مصدومييييين .. اللحين تعلرفون ليش مصدوميين .. ترى انا ما كنت احسن منهم .. انا مثلهم و يمكن اسوأ

باختصااار المقابله كانت رعببببببببببببببببببب

لما نادوا اسمي دشيت سلمت بس محد سمعني لانه رد واحد فيهم سلم علي مره ثانيه بس كالعاده دشيت بابتسامه عريضه ..
المقابله كانت في غرفه اجتماعات .. و اللي مقابلييني ا راح تتخيلوون جم واحد ؟؟؟؟ 8 .. ثمانيه يا بنات كانت تارسين الغرفه لا اله الا الله
دشيت قعدت كلمينا عن نفسج .. تكلمت عن نفسي بس مو وايد مادري شفيني تبلعمت ..
بعدين اسكتوا فتره تقريبا نص دقيقه .. جان يقولولي شنو تعرفين عن الصندوق قتلهم شنو اللي اعرفه .. بعدين قالولي بعهد اي شبخ ؟؟ قتلهم جنه الشيخ عبدالله السالم .. بس و ما كنت متأكده
و بعدين سألوني انتي تعرفين على شنو مقدمه .. قلتلهم يعني الوظيفه ؟؟ قالولي اي .. قتلهم و الله انا عندي فكره عامه .. بس شنو اهيا بالضبط ما ادري .. جان يقولولي عن الوظيفه
بعدين بدوا بالاسئله الدسمه .. نشفووووو ريجي بالاسئله .. قالولي شنو تعنيلج الاجازه .. قتلهم راحه .. جان يقولي لو انتي كنت حاجزه حق اجازه و مضبطه كل امورج على شان تسافرين بعد شهرين لانه الاجازه يعد شهرين بس لا ياا وقت تاخذن اذن مسؤولج ما وافق .. قتله انا مستحيل احجز و ارتب كل شي و انا ما خذيت الاذن .. قالي نفرض افتراض انج ما خذيتي قتله انشالله راح احاول ارتب اموري بيين المسؤول و الموظفين .. قالي حتى الموظفين يمكن يبون اجازه ما يصير يمسكون شغلج قتله اي راح ارتب وياهم و انشالله تتسهل ..

قالولي معدلج وايد حلو ما فكرتي كملين دراسه قتلهم امبلا انا كملت دراسه سنه بس وقفت لانه كانت عندي ظروف .. قالولي راح تردين تكملين بعدين قتلهم نشالله بس حالياً لا ..

قالولي انزين مثلا انتي كملتي دراسه هل اطالبين بتغيير ادارتج و مكانج قتلهم اي اكيد راح اطالب اني اترقى و اذا كانت شهادتي تسمحلي اني ارتقي و ارتفع اكيد راح اطاالب بتغيير وظيفيتي من اداره الى اداره

قالولي انتي طموحه ؟؟ قتلهم اكييد الطموح لا بد ان يكون موجود

قالولي شنو الشي الصعب عليج و ا تقدرين تسوينه ؟؟ قتلهم انشالله ماكو شي صعب انا بطبيعتي احب اجرب بعدين احكم اذا كان صعب و لا ..
و قالولي شلون تتعاملين ع ضغوط العمل ؟؟ يعني كل واحد يبي شغله ن صوب ..قتلهم ارتب اموري و شوي شوي كل شي ينتهي و ما تصير الضغوط الا على الشخص المهمل اللي ما يخلص شغله اول باول .. و انشالله انا و مهمله

والله اسألوني وايد بس هذا اللي اذكره لي اللحين

اي قالولي شنو عملة بريطانيا قتلهم الباوند .. جان يقولي و انتي شنو كنت كاتبه بالاختبار قتله يورو ..قتله اذكر و ادري اني غلطت فيها

و اسألوني عن الوظيفه اللي كنت اشتغل فيها و شنو طبيعة العمل .. طبعا وظيفتي كانت وظيفه اي كلام و ما كنت اعرف فيها شي بس قعدت أألف عليهم و أخرف .. و قالولي ليش قدمتي استقاله .. قتلهم لانه كنت ادرس و ما قدرت اوفق بين الدراسه و الوظيفه

بس اتوقع عادي عادي عااااااااااااااااااااااااااااااادي ما يقبلوني و ما راح ازعل لاني احس خرتها وايد =(

و اللي سمعته من البنات ان اهما يمكن بس يوظفون 2 او 3 من عشره .. من تخصصي

و سوري بنات و الله كنت بسأل حقكم بس عشان متى ينادونكم و انا طالعه تذكرت و استحيت افتر و اسألهم .. بس دقو عليهم او احد فيكم يروح يستفسر بالدور الثاني ..

ايييييي تذكرت و اخر شي قبل لا تخلص المقابله انا بديييت اسألهم عشان ابين لهم ان انا مو خايفه .. سألتهم عن ساعات العمل و مكان الوظيفه بأي مبنى .. حتى نسيت اسألهم متى يردوون علييينا

بالتوفيق يا بنااات =)) انا لازم امشي اللحين لانه مرت اخوي قاعده تولد بالمستشفى .. بروح اشوف ولية العهد =))

بس كان وايد فرق بينهم و بين قاله النفط .. النفط كانوا وايد مرييحيين و حبوبيين ..هذييل نظام بنووك ياكلونج بالاسئله .. سؤال ورا سؤال

 

[Wi-Mi]

اي و في سؤال غريب سألونيااه .. قالولي انتي تعرفين احد بالصندوق ؟؟ قتلهم يعني معرفه شخصيه قالولي اي قتلهم لا <<< قصدهم الواسطه يعني =s الصراحه مادري عنهم ما ابي افتي

 

[DoDoPe]

7beeebti allah y3enich Oo ywafgich yaaa raaaab teslmeen 7yati ta3bnaach

La et7aten inshallah khair sweetie

oo mabrok ma yakom

Mino dagaw 3laiha 7ag ila7ad ?!!

 

[ra8iya 9afra]

رد : الى جميع اللي قدموا على صندوق التنمية

الله يوفقج يااا رب وتكون الوظيفه من نصييبج ان شاء الله

لي الحين محد دق علي وعلى عددهم ما شاء الله والاسئله استغفر الله ما اتوقع اني راح اجاوبهم على شي من الخووووف

 

[ro7e t7bek]

دقو علي اليوم واااااي حدي خايفه من المقابله الله يستر
wi mi ما سألوج شي بالأنقليزي ؟
وشنو تخصصج ؟





.

 

[79o0on]

يلله مو فقيني بنات بس انا طلع كتاب ترشيحي حق مجلس الوزراء
حسسوني نفس مقابله ديوان المحاسبه تعجيزي والله

 

[Ms.media]

wi Mi

والله مقابلتهم موهينه
موفقه و ان شاء الله يقبلونج
ومبروك المولود اليديد و يتربى بعزكم ان شاء الله

 

[Zayany]

مبرووك Wi Mii موفقة إنشالله و يقبلونج إنشالله

Ro7e T7ebk إنتي تخصص شنو ؟

أكو أحد دقو علية إعلام؟؟؟

 

[DoDoPe]

Good luk Ro7i t7bk:**

Zayany i think lil7en madagaw 3la a7ad 3ndah bachelor bs ildploma dagaw 3lehom

Oo allah ywafegkom all banat

 

[ro7e t7bek]

مبرووك wi mii موفقة إنشالله و يقبلونج إنشالله

ro7e t7ebk إنتي تخصص شنو ؟

أكو أحد دقو علية إعلام؟؟؟

تخصصي حاسب الي



.

 

[ro7e t7bek]

good luk ro7i t7bk:**

zayany i think lil7en madagaw 3la a7ad 3ndah bachelor bs ildploma dagaw 3lehom

oo allah ywafegkom all banat

ثانكس حبيبتي

انشـــالله يقبلونه كلنا




.

 

[Ms.media]

انا اعلام محد دق