يا هلا اختي
شوفي كل شي يعتمد على المدة اللي انتي تبينها وميزانيتج ..
بالنسبة لكاليفورنيا .. اي طيران يريحج وسعره مناسب ما يهم بس باعطيج معلومة الاماراتية تودي دايركت لي لوس انجلوس واعتقد افتحت خط بعد لي سان فرانسيسكو ماني متأكدة بس ترانزيت في دبي وباجي السفرة دايركت ..
ترتيب الرحلة يعتمد على المكان اللي بتختارينه اول .. اذا اخترتي اول محطة تكون سان فرانسيسكو
فانصح انج ما تأجرين سيارة في هالمكان لأن أماكنه قريبه ووسائل المواصلات متاحه وسهله .. كافي عليها 3-4 ايام
اهم مكانين في سان فرانسيسكو فيشرمان وارف - اليونيون سكوير
اماكن سياحية الجسر الذهبي - سجن كتراز
المدة ما بين سان فرانسيسكو و لوس انجلوس بالسيارة تقريباً 7 ساعات ممكن تروحين بطيران داخلي اذا تحبين وتأجرين سيارة او ما توصلين .. على حسب انتي شنو تبين ..
لوس انجلوس
ما انصحج تقعدين بمكان واحد ..
اختاري الجنوب اول .. المناطق هذي (نيوبورت بيتش - ارفاين - والمناطق المحيطة فيهم والاسواق)
كافي تقعدين اهناك 4-5 ايام
بعدين تروحين سان دييغو بمناطقها ( لاهويا - كونرادو - الداون تاون - السي وورلد - سان ديغو زو + وايلد بارك)
المدة 4-5 ايام
ترجعين لوس انجلوس صوب الشمال
بيفرلي هيلز - - سانتا مونيكا - لونغ بيتش - اليونيفيرسال - ووك اوف فيم - بيوت المشاهير - الاسواق والمجمعات ذا غروف وغيرهم
في منطقة اسمها ماليبو عجيبة اغلبها شاليها للمشاهير وبيوتهم ..
هذا بالنسبة لكاليفورنيا ..
مادري اذا تبين تروحين لاس فيغاس اول لا .. اذا ايي فالطريج ياخذ 4 ساعات من لوس انجلوس بالسيارة و السكن في شارع الستريب .. الفنادق اهناك كثيرة ومتنوعة وتقدرين تختارين منها اللي يناسبج .. المدة 3-4 ليالي
في منطقة في كاليفورنيا حلوة اسمها lake tahoe هم حلوه
بالنسبة حق فلوريدا ما افضل انج تجمعين بينها وبين كاليفورنيا علشان تعطين كل ديره حقها
