الولاده الثانيه!!

[kuwaitiya_84]

اخت ناتشوز انا ولادتي الثانيه بحكومه ولا توسعت ولا بطيخ كل شي بيد الوحده نفسها اذا تهتم او لا بناتنا الحين لا يلبسون ولا يتدفون و مايعجبهم شي ويع انا البس صروال طويل تحت ملابسي ويع انا اغطي راسي والبس دلاغ شنو هالدوا يما من صجج شخباري هذي سوالفهم وتقول توسعت وهوا وخرابيط الي تحافظ على نفسها مافي شي اسمه تتوسع وتحافظ علي منطقه الخياط انا دكتورتي ناهد العلي سالتها عن التجميلي والتضييج قالت فرق التجميلي يحسن منطقه الشق ومايبين والتضييج لا يضيج المنطقه شوي لي داخل وحتي سالت دكتوره روبينا علي بالسيف نفس الكلام صح يقولج اضيج وياخذلج جم غرزة داخل وبره لكن مايضيج عدل اشوف امهاتنا يابوا علي سته وسبعه ولا خياط ولا تضييج ومافي احسن منهم وعلاقتهم الجنسيه محد تشكى لانه يهتمون فترة الدورة والنفاس وحتي ولادتي الاولي دار الشفا وخياط عادي ماتوسعت لا تجميلي ولا غيره بس جدام الناس بقول تجميلي وتجميلي والوحده ماتخرب الا اذا دش فيها هوا شلون بيدش وانتي محافظه علي نفسج واختي مشالله خمس عيال لها بالفروانيه وخياط عادي ماتوسعت والله مرات تقولون شغلات حتي لو غلط تصرون علي رايكم

 

[انسام الكويت]

انا اقول سألي الدكتور او الدكتوره اللي تراجعين له واخذي برايه وايد ابرك

احسن وثقه واهو اخبر بهالامور لانه تخصصه وشغلهم اذا بتمشين ورا راي البنات

ماظنتي بترسين على راي *يفيدج

 

[تبطي عظم!]

شوفي انا ماطلبت تجميلي كنت ناويه اطلب بس لان غيرت دكتورتي بالتاسع

وراح عن بالي هالنقطه بس قالي الدكتور الي ولدني انه عملي خياط تجميلي

ماحسيت بضيق اصلاً بالعكس احس بتوسع بسييط مع اني اهتميت بنفاسي حيل وبجميع دورااتي

بس الشكل الخارجي ماكأني ولدت مافي اي اثر للخياط

وناويه اذا حملت اطلب تجميلي واشدد عليه بعد

 

[q8 knosha]

والله ماعندي خبر بس اشوف تسوين تجميلي احسن

انا بالاول سويت تجميلي والثاني هم بعد ناويه

 

[SaD FaCe]

كنت سائله دكتورتي قبل عن هالموضوع قالت الياهل الثاني مو ضروري نسوي تضييج عادي لان مع الاهتمام بالنفاس كل شي يرد طبيعي ان شاءالله ..

 

[أم عمران]

حبيبتى لاتقلقى انا ولدت مرتين خياطه عاديه وما اثرت على شىء الجرح ما بيطول اهم شىء اهتمى بالجرح بعد الولاده والنظافه الدائمه

 

[شوارفسكيه حمره]

انا سويت تجميلي بالصباح بولادتي الاولى بالصباح عند اشرف يس للحين ماجريت الولاده ااثانيه ادعولي البه يسهل علي

 

[زين ودلال]

انا ولادتي الاولى تجميلي

والثانيه بعد تجميلي

 

[shak!shoka]

لا تسوين تجميلي ما تحتاجين

انا والده من 8 شهور البيبي الثاني

الاول خياط عادي و الثاني عادي و ما تغير شي كلش


اهتمي بنفاسج و تدفي زين و الدوره بعد اهتمي فيها
ماراح تحتاجين تجميلي




انا سائله الدكتوره وقالت عادتا يسون التجميلي عقب الرابع و الخامس او الي تيب مثلا 3 و تبي توقف خلاص



و بعد هم قالت اذا عقب التجميلي ما تحمل ع طول





ليش مستعيله

سمعي مني و تطمني ما فرقت الاول عن الثاني لا تحاتين *

 

[shak!shoka]

اقصد بالتجميلي التضييق

 

[Um Tuki]

و الله ودي اسوي تجميلي بس سمعت اللي يسوونه شلون معاناة وألم فضيع و هونت