~ { الوقـت يمشـي وقـرب موعـد الزفـه } ~

[ع ـبدليه]

هلا هلا عرايسنا :eh_s(7):

يلا كل وحده تقولنا شنو الاغنيه اللي بتدش عليها
نفيد بعض ونعرف شنو آخر الزفات اللي نازله



انا عن نفسي حجزت الدي جي بس للحين ماخترت قبل العرس باسبوعين اروح اختار ان شاءالله

:ggdw:

 

[ميممآإ]

عاد توني مطلعه زفتي هههههههههه وعجزت لا اكملها خنقتني العبره وبطني قام يعورني وحالتي حاله
حطيت دخلتي راشد الماجد يعجز التعبير ~
وحطيت زفة نوآل يامشاء الله هذي اذا قعدت ~
و الطلعه كورآل شفآة الكرز ~
موفقين ان شاءء الله

 

[حطمۈكہ يآقلبي]

تو الناس
منشغله بالتجهيــز
والله يوفق كل عرايس كويتيات
وكلووووووووووووووووووووش :eh_s(9)::eh_s(9):​

 

[يآلبهـ قلبي]

بدررري علي :$


يلا اختارووو عشان نبوق منكم

 

[أبيك بدنيتي ..]

اممممممممممم انا للحين محتارة
بس احتمال كبير احط زفة اقبلي حق ماجد المهندس

 

[جذابه بنت ذيابه]

الله يوفقكم يارب ..

وعقبال ما نشوفكم بقسم الزوجيه وبعدها بقسم الحمل

 

[مطيريه ستآيل]

والله أنا للحين ما قررت شنو دخلتي

وراح أسويها إن شاء الله شهر 10 قبل عرسي بشهر

والله يوووفقنا ويتمم علينا بالخير

وحطوا دخلاتكم يالعرايس عشان نستفيد منكم فديتكم ...~َ!

 

[ZoZo 7beby]

ليش بنات تقولون تو الناس؟؟
انا ان شاءالله اول مااخذ المهر ابي اخلص الاشياء حقت يوم الزواج
من فستان وكوشه وزفه ومسكه واكسسوار عشان هو اهم شي ولازم
تطلعين ملكة الحفله
فالاحسن تخلصين من بدري عشان ترتاحين

انا يابنات ودي بزفات بدون موسيقى ولمن اسمعها بدون
موسيقى تطلع باااايخه

الي يعرف زفه حلووه بدون موسيقى تفيدني

وانا الي حاطته ف بالي ماجد المهندس ومحمد عبده الاماسي
واذا وصلت الكوشه احط انغام الحكايه

وشكراا

 

[مسك الملوك]

ميما لو سمحتي انتي وين سويتي زفتج

اي دي جي

انا عرسي شهر فيراير

 

[مهآآآآآ]

مووضوعج جا بوقته

:eh_s(9)::eh_s(9):


انا محتاره بالزفه
اقبلي لماجد المهندس
مادري اذا في احلى لانها هي الوحيده اللي سمعتها ؟


وبالمره بنات ابي دي جي حلو حق حفله بالبيت
انا حفلتي بالبيت
ابي دي جي حلو ومناسب

< دخلت عرض

 

[..~Goolz]

قاعده اسمع الحين
كل النعومه>> روعه
واجمل ليله

 

[شيخه كويتية]

انا بعد وايد محتارهـ

ودي بـ راشد الماجد وش هالنهار عجيبه بس فيها اسم

 

[كلي لكـ]

http://www.q8yat.com/showthread.php?p=25711847&posted=1#post25711847

ان شاء الله هالموضوع ينفعج

 

[al-7nona]

انا بعد محتاره وللحين مادري شنو اختار

ان شاء الله البنات مايقصرون معانا

 

[كويتية فاهمة]

وفقات
حتى آنا ابي زفة بدون موسيقى وفي البيت بسوي حفلة
ممكن تخدمونا بدي جي سنع

 

[كويتية فاهمة]

ادي فدييييييييييييييييييييييتكم
ما تقصرون

 

[مشتطـه]

وااااي خنقتني العبره

انا عرسي شهر 3 اللي طاف


الله يسلمكم مستحيل ادش بدون هب السعد بصوت فطومة لانه بدونها ما راح احس اني عروس

ف إخترت زفتي الثانية شفاه الكرز
لما رحت للديجي قالي شتبين فيها محد يحطها

وسمعني زفات وايد عصبت وقلت مابي الا اهي حطها اهم شي عاجبتني وبعروس أهلنا كلش ما سمعتها


حطلها لي كانت بالعرس خياليه


حيل استانست الحمدلله بالدخله


عقبي 3 إعرووووس من اهلنا حطو نفس دخلتي هب السعد وشفاه الكرز لووووول


اقول لامي ششفتي شلون قلدوني :$ :$

تهبل وقت دخلة العروس عيشو اللحظة ولا تسوون افلام

ترى انا اول بنت من امي وابوي اتزوج وتوقعت تصير مناحه بس استانسنا حيل الحمدلله

 

[(RainBow)]

أنا ناويه على هب السعد ، صج قديمه بس لها هييبه هالاغنيه

تحسين صج عروووووووس


بالتوفيييييييييييييق يارب للجميع.

 

[ع ـبدليه]

صايرين شكثر يدشون على هب السعد رفيجتي بعد بتدش عليها بعرسها

فديتكم عرايس نورتوا وناطرين زفات جديده

 

[Ms.SwEet..}]

توؤ النآس علي ..
مممم يممكن اختار لراششد المآجد

آب
آب

نششوف البآقي