الوظيفه والزواج؟؟

[(دنيتي)]

صعب جدا اوافق

من الناحيه الماديه صعب لانه بعتمد عليه لانه مهما حاول يوفر ماراح يقدر يغطي كل شي

ومن ناحيه النفسيه هم صعب لانه انا امل من البيت واحس مخي فاضي ولازم اشغله بشي مفيد

الدنيا مالها امان لازم تسوين لج خطه وهالخطه ماراح تنفع الا بالوظيفه​

 

[Zinab BH]

اذا اهوا مقتدر مادياً و مو مقصر عليج في شي و تحسين ان روحتج الشغل اضايقه يسوي هالشي بس بمثل الوقت اشغلي نفسج يمكن يحس بتقصير اتجاهه عشان الشغل
و محد يدري بمصلحة زواجه و بيته و حياته غير صاحب المصلحة نفسها والله يوفقج حبيبتي

 

[^_^ Coco Chanel]

مع سيلينا ...

 

[زوجة عزيز]

اذا كان مابيقصر عليج او على بيته وافقي ريلج وانتي ادرى به

 

[دانة_ دبي]

مستعدة اقعد بالبيت و بقوله ابغي نفس راتبي يعني لو استلم 2000 دينار ابغي 2000 دينار !!!!!!!!!!!!!!!!!!!!!!!!!!
هههههههههههههههههههههههههههههههههههههههه ما اظن يوافق

 

[ضــمــاد]

لا ما أوافق , لأني أفضـل يكون عندي أستقلال مالي ,


حتى لو زوجي مو مقصر علي ,

 

[travel_addicted]

بصراحه ما أوافق الوظيفة مو بس فلوس
بالنسبة لي حياه اجتماعيه و تحقيق لطموحي

 

[Pinky -cat]

شوفي اسبابة لا ترفضين ولا توافقين ، ناقشيه قولي له ليش شنو السبب اللى عندك وعقبها فكري عدل

وبكل الحالات شهادتج توظفج حبوبه الحين ولا بعدين والاضمن طبعا الوظيفة في هالزمن بس لو بيكفي بيته

وما يقصر عليج بكل ثقة اقولج ياها قعدي وارتاحي ببيتج احسن

 

[سمو ذاااتي]

انا كنت محاميه واشتغل بمكتب محاماه

طلب مني اطلع واشتغل بالحكومه لان دوامي صبح محكمه وعصر مكتب

وافقة بس تحسفت لان كنت احب وظيفتي والي يومج هذا مو قادره اتاقلم بالحكومه واوافق اتوظف ولااا لازم الوزاراه تكون قريبه مو بعيده ودخلت بمتاهات انا بغني عنها

 

[جوري الصالح]

حســــب الظــــروف بيـــــــن الــــــزوجــــــــــين

 

[يارب توفيقك#]

اب اب

​

 

[Pinky -cat]

والله حبيبتي اذا انتي شهاده زينة وممكن تلقين مكان ثاني حتى لو هديتج زوجج ما عليه ، بس والله يالله غصب لقيتي وظيفة
سنعه وبالواسطة ومليون دزة لين توظفت لان شهاده لج عليها هني لا ولله افكر مليون مرة قبل هالخطوة ، الزبدة هالموضوع
فيه اعتبارات وايد انه يكون زين وظيفته زينة مو بخيل وانج ما عليج التزامات قبل الزواج اوتساعدين اهلج ومحتاجين لج

 

[هيبة ملك]

على. حسب. سمعي. منه. اول

 

[M!SS.LOBY]

اذا اهو مستعد يوفر لج مصروف يعادل معاشج قعدي عن الوظيفة

 

[M!SS.LOBY]

اذا كلام غير مستعد وحالته المادية نص ونص لا تغامرين

 

[Loutes]

الزوجه المفروض قد ماتقدر تحاول تقنعه وتكلمه عن احتياجات البنت ومصاريفها صالون وثياب وعزايم وتتكلم بعد

عن الفراغ

اللي بتحسه اذا كانت بالبيت 24 ساعه ف الشغل بيطورها ويحسسها بكيانها

اما اذا هو له وجة نظر ثانيه وماعنده مشكله بيصرف ومو مقصر عليها بشي فتقعد بالبيت اريح لها

الزوج اولى من الوظيفه

واللي تقول الزوج ماينضمن

كل شي بالحياه ماينضمن العمر والشغل والصحه والحياه

غلط انه الوحده تعيش مع انسان وهي حاطه ايدها على قلبها وتجمع وتكون نفسها وتحس انه باي وقت ممكن

يخليها اذا بتشتغلين اشتغلي عشان اسبابج واحتياجاتج

مو خوف انه بيخليج وبيتركج

الدنيا للحين بخير ​

أول مرة اسمع انسانة كلامها عن الوظيفة ايجابي

 

[shak!shoka]

مهما كانت اسباااابه


مااااااااا اوافق
كافي الروتين القاتل الي بعيشه



لا والف لا

 

[عاشقة هواك]

لا توفقين المره مو زين تقعد بالبيت �� يصير فيها حاله نفسيه حلاته تجوفين الناس تغيرين جو تروحين وتردين تحسين لج قيمة مو قاعده بالبيت مجابله اليهال والتلفزيون