الوحيـــــد المســـؤول عن سعـــادتك(هو أنـــت).

[اشلون يعني &]

السلام

الوحيـــــد المســـؤول عن سعـــادتك(هو أنـــت).

حبيت نتناقش
اشلون تونسون نفسكم بالبيت وخارجه؟
وهل تعتقدون انه الرفيجات وجودهم يسعدكم؟
وهل تعتقدون انه الوظيفه العاليه يسعدكم؟
وهل المعاش القوي يسعدكم ؟
اذا شفتوا بنت اقل وظيفه اقل معاش اقل حاله اجتماعية منكم شنو شعوركم هل تحسون انها مش سعيده او حزينة
لا تدعون المثالية استشعروا السؤال وطبقوا
انتظر اجابات ونقاشاتكم

 

[زعفرانة_73]

أول شى اشكرج عالموضوع وان شاء الله الكل يستفيد
السعاده بالنسبه لى لوقدرت اسعد اى شخص أعرفه او ما اعرفه لو بتصرف بسيط هالشى يكون مصدر سعادتى، ولو انجزت عمل على أكمل وجه وباتقان ( اى نوع من العمل حتى لو طبخه)هالشى يخلق لى السعاده، فرحة الأبناء يجعلنى سعيده.​

 

[Tom ♥ Jerry]

اشلون تونسون نفسكم بالبيت وخارجه؟

النت / آكل / الطلعه " شوبنق " / مطاعم / قراءه / سوالف مع الاهل

وهل تعتقدون انه الرفيجات وجودهم يسعدكم؟

لا

وهل تعتقدون انه الوظيفه العاليه يسعدكم؟

اييي

وهل المعاش القوي يسعدكم ؟

اكيييد لوول

اذا شفتوا بنت اقل وظيفه اقل معاش اقل حاله اجتماعية منكم شنو شعوركم هل تحسون انها مش سعيده او حزينة

لا عاااادي .. ما افكر اساسا اذا اهية سعيده ولا لا ..

 

[^LILY^]

اشلون تونسون نفسكم بالبيت وخارجه؟

القعده مع امي وخواتي واخواني
الطبخ
الابتوب
ادق ع رفيجاتي واسولف
ادق ع خالتي اسولف
ع الفون
اقرا بس ع حسب المزاج طبعا
اشوف يوتيوبات
وهكذا

برا البيت ,
ع حسب المكان
حديقه = قعده وسوالف مع اهلي
مطاعم
بحر
شاليهات
كافيهات
زواره = نفس الشي قعده وضحك ووناسه

^
^

كفايه اني بزوارتي لهم ووصلي احس بفرحه
زول جداني مابعده هم وغم


وهل تعتقدون انه الرفيجات وجودهم يسعدكم؟

ع حسب
توني طالعه من مشكله مع رفيجه خذيت موقف ان محد يتستاهل تضحين عشان الا اهلج وبس
لذا وجودهم سعاده بالشعور بالعزوه وان عندج احد تشكين له بس بحدود


وهل تعتقدون انه الوظيفه العاليه يسعدكم؟

والله ع حسب
لان ع اللي اعرفه ان كل ما زاد المنصب زادة المسئوليات وانا بهالحاله راح افقد السيطره وافقد وياها اعصابي << طبعا الى الان ما جربت الحياه الوظيفيه يمكن يتغير رايي


وهل المعاش القوي يسعدكم ؟

الصراآآااحه ,, اي وبكل تاكيد


اذا شفتوا بنت اقل وظيفه اقل معاش اقل حاله اجتماعية منكم شنو شعوركم هل تحسون انها مش سعيده او حزينة*


!
بالعكــــــس ولا يطري ع بالي اني افكر بالهطريقه

^
^
^

بعيد عن المثاله الزايده

 

[Patcholli]

بالنسبه لي سعادتي لما اشوف اهلي بخير وصحه ومستانسين والله العظيم اهم شي عندي يكونون بصحه وسلامه وقلبي متطمن عليهم واني ارافج ناس قلبهم ابيض وصافي يشيلوني وقت الشده هاذي السعاده بالنسبه لي
الفلوس مو لازم تكون زايده اهم شي الواحد يكون قادر يعيش ويصرف على روحه بالمعقول يعني سكنه واكله وسيارته واحتياجاته الاساسيه متوفره عنده فهاذي هم سعاده ولكن اهم اهم اهم اهم شي عندي اهلي لانهم اذا صارو بخير ومرتاحين القلب يكون مرتاح وصافي والمزاج رايق والاوضاع مستقره هاذا اهم شي

 

[روحين في رـوح]

اشلون تونسون نفسكم بالبيت وخارجه؟ممم اشي مارح اقدر فهمكم اياه بس هوا شعؤر كافي انه شعؤر السعاده بقلبك بسعدك
والابتسامه ما احلاها دائما ع وجهك

وهل تعتقدون انه الرفيجات وجودهم يسعدكم؟
اآحيـآنـآآ آي وآحيـآىنـآ لأ داخل البيت مارح يكونوا معنا
بس بالخارج اي وجودهم معنا اشي مسعد وضحك..الخ

وهل تعتقدون انه الوظيفه العاليه يسعدكم؟
المهم وظيفهـ تكون وناكل من وراها عيش
وهل المعاش القوي يسعدكم ؟
القوؤي كل الناس بتتمنى معاش قوي بس الحمدلله الي من ربنا خير وبركهـ
المهم تكون الحاله مستوره وتغطي حاجاتنا


اذا شفتوا بنت اقل وظيفه اقل معاش اقل حاله اجتماعية منكم شنو شعوركم هل تحسون انها مش سعيده او حزينة ..؟
بالعكس هدول بكونوا مرتاحين البال وسعيدين
احلا شي البساطهـ مافي وجعت راس
كل هالاشياء تؤدي للسعـآده ولكن كل شخص له طريقهـ ورأي


مشكؤؤؤره خيتؤؤ

 

[الزورق222]

السلام

الوحيـــــد المســـؤول عن سعـــادتك(هو أنـــت).

حبيت نتناقش
اشلون تونسون نفسكم بالبيت وخارجه؟
سعادتى لاتكلف كثيرااا اشعر بسعادة اذا تواجدت فى المنزل اكثر من خارجهااا عكس ماكنت فى السابق فكنت احب الزيارات والطلعات مع الاهل والاقرباء لبراا والسفر اذا توفرت الفرص ..
اما الان اجد سعادة فااائقة فى غرفتى معكم وبمشاهدة فلم تلفزيونى او سوالف مع خواتى ..

وهل تعتقدون انه الرفيجات وجودهم يسعدكم؟
لا
وهل تعتقدون انه الوظيفه العاليه يسعدكم؟
مو الوظيفة العالية هى اتقان العمل اذا اتقن عملى بشى معين اجد سعادة اكثر ..
وهل المعاش القوي يسعدكم ؟
اكيد
اذا شفتوا بنت اقل وظيفه اقل معاش اقل حاله اجتماعية منكم شنو شعوركم هل تحسون انها مش سعيده او حزينة
لا مستحيل افكر بهذا الاسلوب
لا تدعون المثالية استشعروا السؤال وطبقوا
طيب اشفيج معصبة ههههههه
انتظر اجابات ونقاشاتكم

مشكورة على الموضوع الجنان ..بانتظار مزيد من المواضيع والاسئلة الكونانية ..:d

 

[ليمونة وزيتونه]

سعادتي ان الله يديم الامن والامان لديرتنا
ويديم علينا الصحه والعافيه والخير
ويخليلي امي وابوي واهلي كلهم وعيالي وزوجي
اشوفهم بااحسن حال

 

[وفاء ولين]

قيل ولست ارى السعاده جمع مالا ولكن التقي هو السعيد
بالفعل قربنا من الله سبحانه وتعالى هو. مايجعلنا سعداء
اللهم اجعلنا من السعداء ولا تجعلنا من الاشقياء اللهم ادم علينا نعمك ظاهرها وباطنها
شكرا لك موضوع حلوو :eh_s(7):*

 

[غلآ نوآف]

انا عن نفسي
اتسلى لما اكون بالبيت بالمراسلة بالبيبي مع صديقاتي وقريباتي
او ع النت بالمنتدى او اقرأ شي او اتابع مسلسل او برنامج او شي يضحك باليوتيوب
او اني اقعد بحوش البيت اشوف الزريعات واسقيهم
مرات اقري قران او اقعد استغفر

وجود الصديقات حلو اكيد بحياة الوحدة
بالذات اذا متفاهمين مع بعض
وقلوبهم صافية ويحبون ويعزون بعضهم

اما ع الوظيفة مادري ماشتغل الحقيقة
بس المعاش الزين ايه اكيد له دور ف السعادة
ممكن تسوين اشياء كثيرة عن طرق الفلوس اذا هي متوفرة معاج
لكن الفلوس ماتشتري السعادة

الراحة النفسية هي الي تخلي الشخص سعيد
سواء رضى نفسه بعدم تقصيره مع ربه
او مع اهله واحبابه
او وجود شخص ممكن يخلي من حياته كل لحظة حلوة

ومو شرط اذا عائلة وضعها المادي متدني
معناته اشوفهم مومرتاحين او غير سعداء
مثل ماقلت السعادة مو بالفلوس
السعادة بالراحة النفسية والرضى والقناعة

اذا تواجدوا سواء بفلوس او بغيره
راح تكون سعيد

 

[((غلاي))]

حلو الموضوع
بالنسبه سعادتي بالبيت اسوي الي يونسنس و يونس عيالي
بره البيت بالتمشي و الطلعات
الصديقات علاقه وتكون لها حدود طبعن
اهلي اهم شي عندي
الوظيفه اكيد مهمه و لازم يكون الراتب مناسب لمتطلبات الحياة

مشكوره على الموضوع وايد حلووووووو

 

[المرتاحة]

انا سعادتي تكون بإنجازاتي كل ما أنجزت شي احس بسعادة حتى لو هالانجاز بسيط زيارة الأهل او اسأل عن رفيجاتي بالتلفون او انتزاور و نطلع اقعد مع الوالد والوالدة كلها أشياء تبث بنفسي السعادةالسعادة تنبع من رضاج على نفسج و رضاج باللي قسمه الله لج
مو معني كلامي أني أرضى واقعد بالعكس لازم أسعى وأطور نفسي اكثر

 

[قمر بيت أبوها]

اشلون تونسون نفسكم بالبيت وخارجه؟
بالبيت
لما اسولف مع اهلي ككل
اتصنع المواقف المضحك ولا حتي اعلق علي اهلي
خارجه نفسه اللي لاني مااحب اطلع من غير اهلي يعني اتونس لمجرد اني برفقة اسرتي

وهل تعتقدون انه الرفيجات وجودهم يسعدكم؟
اكيد اقل شي لما اعصب اتهاوش مع اي وحده اتصلت بوقت عصبيتي اناقشهم بحياتهم يعني وجودهم مهم ويسعدني

وهل تعتقدون انه الوظيفه العاليه يسعدكم؟
لا مو شرط اهم شي اكون علي رأس عمل >>>>> عاطله

وهل المعاش القوي يسعدكم ؟
لا مو شرط لان اشوف فقراء سعداء وتجار تعيسين اهم شي التأمين الصحي اللي تبع الوظيفه يكون قوي



اذا شفتوا بنت اقل وظيفه اقل معاش اقل حاله اجتماعية منكم شنو شعوركم هل تحسون انها مش سعيده او حزينة ..؟
كل إنسان عندهم افراح واحزان مو وقفت علي اقل او اكثر والسعاده نابعه من الايمان مو من كلمة اكثر

كان علي بالي موضوعك مقال طلع استبيان

 

[Miss Cherry]

اهو صح المسئول عن سعادة او تعاسة الشخص نفسه تفكيره


يعني اشوف ناس كل شي متوفرلهم ومع هذا مو راضيين عن نفسهم ولا عيشتهم .. انا اعتقد طريقة تفكير الإنسان في ناس متشائمه وكله تتحلطم وحتى اللي يقعد عندها تحوشه طاقه سلبية منها وهالشي انا لامسته معاي وحده بالدوام المشكلة انا مقابلتها طول اليوم ومغير تتشكوا وتتحلطم على الشغل وعلى بيتها وعلى كل شي حيل تنرفزني مرات والله ودي ابجي صج احس يحوشني اكتئاب لما اقعد معاها

السعادة مو بمنصب ولا بفلوس ولا بوظيفة كل إنسان له مفهوم خاص فيه بس بالأخير القناعة والراحة النفسية أهم شي

 

[شوق95]

يـــــــــــــــــــــــــعطيج العاااااااااااااافــــــــــــــيه><<

 

[فتومآ]

السعادة ترتبط بالقناعة
ودايما ادعي ربي اني اكون راضية باللي عندي ومقتنعه تماما

اشوف نفسي سعيدة لما اخلص فروض ديني بإخلاص واحس على الوجه الصحيح
ولما ادعي واكون راضية جدا بما فيني من هموم ومشاكل

اهني احس تغلبت على اللي حولي
ومثل ماقلتي الوحيد المسؤول عن السعادة هو ((( انت )))

بالنسبة للصديقات مادري الصراحة قعدت افكر حيل قبل لا ارد
بحكم تجاربنا مع الصديقات لقينا ناس مو ثقة وكثييييير
انا بالنسبة لي وصلت لدرجة فقدت ثقتي بجميع صديقاتي الا وحدة !
بسس هم ما احط ثقتي الكبيرة فيها عشان ما تسبب لي قلق
واحلى شي تكون العلاقة فيها حدود

 

[* ليــــدي *]

اشلون تونسون نفسكم بالبيت وخارجه؟
آحب اقرآ كتب ثقآفيه كثيير فـ أستمتع بالقراءهـ بدون ملل ..
و آنا من عشاق الافلام الهنديه فـ يمشي الوقت بسرعه بدون ما احس ..

وهل تعتقدون انه الرفيجات وجودهم يسعدكم؟
حصلي قبل يومين موقف صععععب فـ خلآني أؤمن بأن الرفيجآت وجودهم رآحه و أمان ..
طبعآ اذا كآنت صآلحه

وهل تعتقدون انه الوظيفه العاليه يسعدكم؟
المسمى الوظيفي بحد ذآته سعآدهـ فـ شي طبيعي يسعدنآ اذآ اعتلى دليل انجآز وجهد

وهل المعاش القوي يسعدكم ؟
آهم شي البركه في المعآش .. في نآس معآشاتهم توصل الالفين بس مايبقى شي منها لان مافيها بركه !
وناس معاشاتها ماتتعدى الـ 700 وتقعد لي اخر الشهر

اذا شفتوا بنت اقل وظيفه اقل معاش اقل حاله اجتماعية منكم شنو شعوركم هل تحسون انها مش سعيده او حزينة ؟
السعآده قناعه دآخليه ما يحكمها المعآش آو الحاله الاجتماعيه ..
"القناعه كنز لا يفنى "





شكرآ عالموضوع