الوحده .. كيف بيمر الوقت ؟

[جهراويه توته]

اقضي وقتج بالاستغفار والدعاء وقراءة القرآن الله يفرجها

 

[noor الدنيا]

انزين اخذي اجازه بدون راتب وسافري معاه .. واذا مو محتاجه الشغل لاتشتغلين روحي مع زوجج وايد صراحه 3 و 4 اسابيع

حبيبتي جربت قبل رحت معاه ,, ملل مو طبيعي , المدينة اللي بيروحها مملة , وما فيها وناسة ابد , بعدين زوجي مهو ونيس , جد مره , ولا يصنع جو , كلامه قليل وغير شخصيتي , يعني بلد ممل , وزوجي بعد مايونس ,,,لا و الله ماني ناقصة هم .

 

[noor الدنيا]

حبيبتي الله يرحم الوالده برحمته
سجلي بدور حفظ القرآن اعتقد دوامهم من الساعه 4لى8مساء
دوراتهم حلوه وراح تستفيدين منها ان شاء
والله كريم يرزقج الذريه الصالحه بإذنه تعالى

دور التحفيظ عندنا تبدأ بعد صلاة العصر , وتنتهي اذان المغرب !! ولا فيها دورات , بالذات اللي بالحي اللي انا ساكنته .

 

[جوري 2007]

حبيبتي قيمي الليل لمدة شهر بس وبشرينا بحملج

 

[noor الدنيا]

حبيبتي قيمي الليل لمدة شهر بس وبشرينا بحملج

الله يبشرك بكل خير ...إن شاء الله أبشرك قريب .

 

[HaWeK]

واااي بعد عمري والله
الله يرحم الوالدة ويدخلها الجنه يارب
احس الوحدة العن شئ بدنيا .. حاولي تستغلين وقتج بشئ مفيد مثلا اقري كتاب كل يوم قبل النوم
او مارسي هواية انتي تحبينها .. او سوي رياضة بس بما انه عندج اصابة بريولج ماعتقد تقدرين..
بالويك اند زوري خواتج سيري عليهم .. طلعي معاهم طلعت بنات فيها تغيرين الجو شوي