الوحدة صعبه، يارب القه صديقه

[لحن الشموع]

انا ممكن اكون ربيعتج بس انا من الامارات

 

[((shoOoshoOo))]

الله يوفقج يارب

 

[شموخ وطن]

صباحك سعاده وسرور

وعسى ربي يكتب لك اللي فيه الخير
والله يرزقنا بصديقات مثل مانتمنى

واذا حابه نتعرف غلاتي ونصير صديقات ابعثي ايميلك ع الخاص
واللي حابه نكون صديقات تبعث لي خاص
وعسى ربي يرزقنا باللي نتمناه

> من السعوديه أنا <

 

[بنووته تكاانه]

كلنا صديقاتج اهني

 

[أحبك يآ كويت]

آآآآه سبحانه الله الحال من بعضه بالضبط مثلك انا &#55357;&#56852; لولا اختلاف العمر والبلاد وانا ع بالي انا بس لي كذا ماعندي صديقه اوبالاخص اخت دنيا
انا موبس يتقطع قلبي لا شفت خوات وقلب واحد ❤ الا تخنقني العبرة وتضايييق حيييل ليش انا كذا وش السببب ولي يقهر القلب اكثر لما احد يعايريك ويقول ماعندك صديقه &#55357;&#56880;
حبيتي اتشرف بمعرفتك بس مااقدر ارسل ع الخاص مثلك
اختك من السعودية

 

[براونيه]

:eh_s(15):

هالمن من كثر مشاكلها و بلاويها تشوفينها شهرين ثلاث صداقه وطايحه تليفونات ول يوم تسئل عند و فجئه تختفي

ها وينج ولله ظروف شدعوه الظروف الي ماتلي احد يسئل عن احد

ايه والله صاجه انا اايدج بهالنقطه

 

[بكيزة هانم]

الله المستعان

 

[سيكلوجيه]

وي يحليله موضوعي قديم شوصله لي فوق ههههه. أخباركم بنات ؟. انا الحمد الله اعتبر نفسي نولت من يديد مرو علي بنات مادري وضعهم شنو بس فاضين يمكن تكتب لج رساله تقول ملاك مؤ صديقه وبس تضيفينها فجئه لاحس لا خبر وفي بنات تعرفت عليهم من المنتدى خوش بنات بس طبعا تبقى علاقه سطحيه ولحد الحين أتمنى ربي يرزقني بصديقه نكون على قلب واحد وي والله صارلي فتر هم مؤ طالعه لان صايره مااحب اطلع بروحي تعوت احد يخاويني والله كريم الله يسعدكم ويسعدني

 

[ashwaq1]

ان اقول نسوي قروب بالواتساب للتعارف بنات شرايكم والى حابا تكمل تكمل والى مو عاجبها تطلع

 

[جاذبيه الكويت]

انا ان شاءاالله اصير صديقتج بس ماعندي سياره قصدي ماسوق

 

[ام فارس ولولوه]

مساء الخير :eh_s(7):

صحيح الصداقة نادرة وهالشي من ايام القرون السابقة، بس هذا مايمنع ان ممكن الوحدة تتوفق بصداقات حلوة وناجحه.


أنا والله العظيم لو كان لي ام او خوات قريبين مني، او حت بنات عم بنات خاله، ماكنت ابدا اني اتمنى القه صديقة تكون على قلبي، لأن ماكو شي بالدنيا احلا من حب الخوات والام والاهل.

يس الوالدة متوفية الله يرحمها، وعايلتنا صغيره ماعندي بنات عم ولا خاله، وخواتي علاقتي فيهم سطحية من سنين بسبت خلافات ومشاكل.

وادري في بنات بينصحوني اقوي علاقتي بخواتي، بس صدقوني محد بيكون كثري يحرص على هالشي ويبي هالشي، لكن مو كل شي نتمناه نحصله، احيانا احسن حل لبعض الامور انك تترك العلاقات سطحية.

ماتوفقت بصداقة للأسف، اتمنى القه صديقة تسأل عني وأسأل عنها تنصحني وانصحها تساعدني وساعدها، نطلع نستانس ويا بعض.

انا مابي صديقة بالنت، لأن هالشي بالنسبة لي موهدف ولا بظيف شي جديد لي، والحمدالله عندي جم صديقة اتواصل وياهم بالنت، خاصة من بنات السعودية ماشفت اطيب منهم.

شي مضحك يمكن ان الواحد يدور صداقات عن طريق النت، لكن احيانا الظروف تجبر، لاني مو موظفة، وعندي الجامعه العربيه الي اغلب بناتها قشرات بصراحة والي مسجله بهالجامعه راح توافقني الراي.

أنا ماأحب البنت الجريئة الي همها الشباب وفاصخه الحيا، من هالنوعية حصلت بس مااقدر اخلي علاقتي فيهم قوية لأسباب وايد منها ان انا نفسيا انفر من الانسانه الي جذي.

أتمنى يارب بهاليوم المبارك ان تتحق امنيتي ويكون لي صديقة، لأن كلنا بشر ونحتاج ناس حولنا نستانس وياها.

اتمنى اذا في بنت حابة نكون صديقات، مو بس بالنت، طبعا اكيد بالبداية بنسولف بالنت واذا ارتحنا حق بعض ان شاءالله تططور العلاقة، بس ياريت البنت الي ماتبي ومكتفيه لا ترسلي ايميلها، لان في بنات وايد يسوون هالحركة.

وانا موصغيره عمري 31 داشة على 32 ، ومو متزوجة، فياريت اتوفق مع بنت نكون صديقات وخوات .

أنا استغفرالله دايم أحسن أن حظي عوي بكل شي، حتى بموضوع الصداقة مع اني اشوف في بنات وايد عندهم شكثر صديقات ،، بس على امل ان اشوف حظي احسن :eh_s(11):.​

ممكن تراسليني عالخاص

 

[زهرا_*]

الحين صراحه ما في اصدقاء
تشوفينهم حولج بس اذا احتجيتهم ما تشفوين احد يمج

الله يوفقج و تلاقين لج صديقه وفيه

 

[مزيونة الخبر]

اكثر شي معقدني كان بحياه والى الان انه ليش ماعندي عمام ولاخوال كاني مقطوعه من شجرة بس خالات وعمات وعلاقتنا موداك الزود ونصهم بالكويت دايم يمر العيد علينا وحيدين بس يجون بتنا العصر ويرحون مانروح نعيد على بيت احد عندي صديقات بس اقرب شي لي بعد الله اهلي هم ملالين على حياتي وخواتي واجد والشي الي مضايقني اني صرت 28 وماتزوجت حيل متضايقه لكن الله كريم

 

[وش تبي]

اقرئيها .. ثم ارسليها في جميع المواضيع اللتي تشإهدينهـإ .. صدقيني راح تروحين وتنسينها لكن ستفاجئك يوم الدين بكثرة حسناتها .. سبحان الله وبحمده عدد خلقه ورضا نفسه وزنة عرشه ومداد كلماته استغفرالله ، استغفرالله استغفرالله ، استغفرالله " اللهم صل على محمد عدد ماذكره الذاكرون وغفل عن ذكره الغافلون : اللهم صل على محمد ماأختلف الليل والنهار : اللهم صل على محمد عدد المهاجرين والانصار : اللهم اجعلها صدقه جاريه لي ولوالدي ولجميع موتى المسلمين ولمن قرئتهاا ولمن ارسلتها

 

[Huda alotaibi]

يالله تغنيني بفضلك عن الناس
وعن حاجة اللي لابغيته خذلني​

 

[جاذبيه الكويت]

يالله تغنيني بفضلك عن الناس
وعن حاجة اللي لابغيته خذلني​

صح السانج

 

[بيبي قيرل]

ان اقول نسوي قروب بالواتساب للتعارف بنات شرايكم والى حابا تكمل تكمل والى مو عاجبها تطلع

عجبتني سالفه القروب .. ها بنات اشرايكم :eh_s(10):

 

[حلم مقيد]

الله يرزقج بصديقه طبق الاصل منج

 

[سيكلوجيه]

صباح البرررد

بنوتات انا سويت قروب بالبي بي اسمه ثلاثينيات اي وحدة حابه اضيفها بالقروب ترسلي رساله او تكتبلي هني وطبعا لقروب خاص بس حقنا الثلاثينيات

 

[diamond doll]

حبيبتي .. اول شي مادري شلون اهون عليج لان شكلج مريتي بموقف محزن او ضعفتي بفترة صعبه .. عادي تصير هذي ظروف تمر على كل الناس

بس ترا الصداقة مو شي نادر لانها تيي من المحبه والاخلاص والنية الصافية .. فاهيا يمكن زمالة يمكن مجاملة يمكن مصالح عامه بس مو صداقه

فانتي لا تتاثرين وايد وترى مصلحتج مو مع الرفيجة او الصديقة لانها ماتعرف شنو زين لج واهيا مو مسئولة عنج مرضتي تعبتي اهيا بعد عندها اولويات