الوحام بالأشهر الأولى

[حلآوهـ حمرهـ]

ويي عاادي حبيبتي

انا باول الشهور بغيت اموت وييت اهني واشتكيت وبجيت لين قلت بس ..

في اشيا وااايد بتخفف عليها الوحام

حبوب نافيدوكسين روووعه وتخفف اللوعه وايد بس مفعولها بطئ .. اذا اللوعه تبدا وياها من الصبح خل تاكل حبه قبل النوم واذا اللوعه تبدا من عقب الريوق خل تاخذها الصبح غير جي ماراح تنفعها ..

خليها تشم ريحه البسكوت والليمون وايد بتريحها ..

وكل ماتحس بدوخة خل اتروح الطواري يعطونها مغذي

وانا سمعت عن منقوع الزنجبيل للوعه واايد زين بس تشرب شوووويه عالريج لانه كثرت الزنجبيل مب زينه للحامل

والوحام وايد زين للبيبي لانه اغلب الاكل فيه سموم تخلي الجنين يموت ف كثرة الترجيع زينه له وكل ماكان الوحام قوي كل ماثبت الحمل اكثر وكانت صحة البيبي احسن ..

واذا متضايقة من البيت وشقتها خل تروح بيت اهلها ترتاح مافيها شي لانها بهالفترة ماتبي حد الا امها واهلها .. وانا جربت هالشي وقعدت عند اهلي شهرين ونص وكرهت زوجي واهله حراام والله مايستاهلون بس الوحام شي كريه وغريب ..

وقوليلها ان شالله اخر الشهر الثالث بيخف الوحام وبترد طبيعية ولا كانه فيها شي .. بس انتي ساعديها بعد دايما غيري روايح الغرفه عشان ماتلوع جبدها وابتعدي عن ريحة عطور الفواكه او الحلويات والفانيليا اكثر شي خليها تشم ريحة الليمون واللبان العربي والكوكيز الفريش