الواحد بيتغير بس النااااس ماتخليييه @@@@@@

[شادن33]

السلام عليكم حبايبي
ادري عورت راسكم كل يوم منزله موضوووع

موضوووع اليوم غير
يعني واحد مثلا سوى جريمه وانحبس وخذا جزاءه ويطلع من السجن
طبعا نظره الناس له اكس مع ان الريااال تاب وخذا جزاءه
وقاعد يجاول يتغير للافضل وشاد حيله بس البيبان مصكره
هذا الشي يمكن يخليه يرجع للايام السوده خصوصا اذا كان من ذوي الاراده الضعيفه
ليش نظره الناس جذي ليش مايتقبلون التغيير بسلاسه وترحيب

طبعا هذا مثال
وفي امثله وايد
مثل الزوجه اللي كانت نكديه وكانت ومهمله وفجاه تتغير وتحاول تتغير وتحافظ على بيتها
تلاقين الزوج مو مستوعب التغييير المفاجي <<<<هذي اشماااكله ههه
وحتى مايتقبل التغيير وبقول ابقلبه اكيد بترد حليمه لعادتها القديمه فالمسكينه تطخ وتصير نفس اول

وانا اكبر مثل
انا عرفوني اعيالي اني اكثر الاوقات متساهله معاهم فديت قلبهم يعني اسولف معاهم وانزل لمستواهم
بس مرات اصير صااارمه فجأه سبحان الله بس مايتقبلون هالتغييير ويحسبوني اضحك وياااهم
يعني مرات عندي ممنوع بس باجر نفس الشي يكون مسمموح بس والله العظيم مايكون بشي غلط يضرهم يعني اشياء عاديه ابي اثبت عند موقفي شلووون
والزوج بعد نفس الشي اذا غيرتي مودج للافضل يخترع ويبطل عينه
انزين مو جذي زين اشتبووون

بعدين نفس الشخص يصاااارخ
جعلووووني مجرما :eh_s(14):

تعالوا نتناقس واهم شي قولولي شلون اثبت واكووون صارمه جداام عياالي:eh_s(4):
الزوج مقدووور عليه هههههه

تحياااتي

ولا لازم يكون التشجيع من نفس الشخص اللي يبي يتغير يمكن

 

[روح امها]

عيالج حاولي انج ما تضحكين جدامهم واذا قلتي شي خلاص خلج قد كلمتج
لي صار باجر لا تغيرينها

 

[JANAA]

حبيبتي شدون فديتج

شوفي يا قلبي بالنسبه للاولاد لازم يكون فيه شد ولين

انا اتبع مع اولادي سياسه اتناقش معاهم وافهم منهم وهم اصدقائي من الحين احاول اخليهم يقولولي كل شي بيصير معاهم بالمدرسه تفكيرهم اصحابهم لأن حبيبتي الوقت الي احنا فيه يخوف وبعدين معودتهم لا يعني لا يحترموا كلمتي وامري بس انا بناقشهم ليش رفضت وليش قبلت لازم يعرفوا وبقعد معاهم حتى بمصروف البيت بشاركهم كيف نصرف وكيف ندخر وهم عارفين اني ما بخبي شي عن والدهم كل الي بيحصل بالبيت بيعرف فيه بس اذا حكيت لا خلاص لا وانا ووالدهم متفقين على شي واحد اذا هو حكا لا خلاص انا بتقيد فيها ا بكسر له كلمة اماهم حتى لو عندي اعتراض بيني وبينه وانا لما احكي شي والدهم بيحترم كلامي

فلازت تكوني جاده بقراراتك وتتناقشي معاهم بسبب اخذك للقرار لا تتراجعي علشان مستقبلهم حبيبتي

ربنا يحفظهم ويخليلك اياهم يارب

 

[شادن33]

جنوووي مشكوره
اي انا اكون صارمه مرات بس ماادري شنو اللي خليني اتساهل بعدين
شكلي لازم اخذ كتب في تربيه المراهقين الله يعين

 

[Tom ♥ Jerry]

.


ههههههههههه جنه تتكلمين عني !!
انا معروفه مافيني اعصاب كلش ما اعرف اعصب ..

لما اسوي نفسي معصبه يظحكون علي لووول
و انا اظحك على نفسي بعد احس شكلي غلط لما اتصنع العصبيه

 

[شادن33]

^^^^^
عيل شكلج مابتفيديني
اذا نفس الحااله المزريه

 

[الخجل الانثوي]

اي والله.
بس ساعات تحسين المغامره صعبه بانج تعطين شخص فرصه
كمثال شخص مجرم وانجب ابن وطلع مجرم بعد وجاب ولد وهالولد راعي هواش ومشاكل وابووه يايده. بهالشي
لو تقدم هالولد لج او لاختج بتعطونه فرصه وتتزوجينه ووتقولين اتزوجه واعقله وابعده عن طريج ابوه واذكره بربه اكثر ،؟!
خصوصا اذا الولد ضحيه اب مهمل محد بيعطيه فرصه واذا انتي رضيتي تعطينه الفرصه وراضيه بهالزواج بس لان بتبعدينه عن هالشي اهلج مايعطونج فرصه ويرفضوونه لانهم خايفين عليج لايذبحج ولا يسوي فيج شي

هذي المغامره الصعبه انج تعطين شخص فرصه *

 

[قمر بيت أبوها]

شوي اصحاب السوابق مهما قالنا ماراح يتغيرون الناس تجاهم لانهم ينظرون لهم نظره دينويه لحد مايصيرون بمثل وضعهم تالي يحسون فيهم
اما بالاسره انا بنظر اخواتي شخصيه متسلطه عشان اراقبهم واسالهم مراهقات اخاف عليهم ومرات اسولف معاهم بلين مايتجاوبون معاي يعني يبون العين الحمراء

 

[قموووره]

اكيد شدون اذا المره او اي كان بيغير طبعه الي الناس تعرفه بيوم وليله راح تستنكر هذا شي طبيعي !
بالبدايه بس.. الشخص هذا الي ناوي التغيير المفروض انه يثبت للي جدامه انه يبي التغيير ويدوم عليه حتى لو لقى استنكار من الي حواليه لازم يثبت على الي ناوي يغيره مهما لقى من الي حواليه

اذا خدامتج باقت وطحتي عليها ماراح تثقين فيها بعدين الا بعد ماتختبرينها جم مره ويالله تصدقين انها تلبت صج .. قيسي على هالسالفه

اما موضوع العيال انا اشوف ان من البدايه الام لازم تعلم عيالها ان كلمتها وحده اذا اهي تبي تكون جذيه يعني اذا في موضوع معين انتي ماترضين ان عيالج يسوونه مهما بجو ولا سوو ما يصير علشان توصليله رساله ان كلمتج وحده
اليهال اذكياء يجربون امهم بالبدايه يطلب شي وهو ممكن يكون متوقع انها ماراح ترضى فيجرب يبجي او يتدلع وفي بعض الامهات تعارض بالبدايه بعدين عقب ما بجى وسوى الي سواه ترضى تقول عور قلبي وهذا اكبر غلط لانج وصلتيله رساله ان اذا حنيت وبجيت برضى بالمرات اليايه
والعيال من عين الام او الابو يعرفون اذا يقدرون يتمادون او لا ! ترى الطفل ذكي
وسلامتج ياعيوني وايد قرقت​

 

[عادت ذكرياتي]

اللي ما عنده خوف من الله ولا له ضمير هو اللي يتصيد أخطاء الناس ويعاير السجين ....إلخ وهو شخص دوني تلاقينهم يرضون إنهم يغيرون نفسهم للأفضل بس ما يبون غيرهم يتغيرون للأفضل وإذا تغيروا ألف علامة استفهام ...زين ليش إنتوا بشر وهم مو بشر !!!!


لذلك أي شخص يتقدم للأفضل ويبتعد عن نظرة الناس الدونيين ،، لأنهم بنظري ناس فارغين من داخل ^_^


وبالنسبة للتصرف مع الأبناء حلوة مصاحبتهم والضحك معاهم بس وقت الجد جد خلاص القرار هو القرار عشان يعرفون الصح من الخطأ وما يتغير الراي

لووووووووووووووووووول شدون فديت روحج الحلوة

 

[كويتية و لكن]

بالعكس انا عيل اتفاهم مع اعيالي مثل ما اتفاهم مع صديقاتي والله واحترم وجهة نظرهم واخذها بعين الاعتبار حتي لو هي صغيرة ومتواضعة بحكم سنهم واشوف ان جايبه نتيجة واحترم جدا ادميتهم وسنهم لان اخطر سن الخمستعش والتعش كله لان اخاف الفهم الغلط ما اقدر الق له حل صعب

 

[ام سالم وايه]

انا اعيالي صغار وعصبيه من الحين مادري اشلون اتعامل معاهم الله يعييننا

 

[نعوووووومه]

اب اب

 

[Patcholli]

شدون استمرارج عالتغيير والنمط اليديد اهو الي راح يجبرهم بشكل تلقائي على الوضج اليديد

ضربتي مثال عن الزوجه وتدرين انا مسولفتلج شنو كنت اول سنه زواج كنت وحش كاسر :|

ومثل ماقلتي يوم ييت اتغير ريلي ماستوعب .. هاذي شفيها مريضه مصخنه مفلوعه ..!!

وكان يكسر فيني ساعات ويقط علي نغزات اتنرفزني ساعات و ساعات يقول تمثيل وساعات يقول بتردين نفس قبل

صج كنت اتظايق وانقهر بس كنت اقول ميخالف لازم استمر وما اسمع الكلام الي يقوله بسوي روحي صمخه بسوي روحي ماسمع لازم اثبتله اني تغيرت .. والله كنت اتجاهل كلامه وماكنت اكبره

يعني تخيلي يسوي حركه يدري اني كنت ازعل عليها وكان يتعمد يسويها عشان يثبت اني ماتغيرت واني برد ازعل
بس كنت اطنش واسكت واتصرف بطريقه يديده مثلا اقوله عادي او مو مشكله بدون زعل
كان ينصدم ..

والحمدلله شويي شوي بدا يندمج مع الاسلوب اليديد والحين تعود عالتغيير

اهم الشي الانسان يستمر وما يطخ من اول كسره فيه .. اهم شي تسوين الي براسج وتوصلينله ؛)

 

[PuPa^^SWeeT]

الانسان يبني حكمه من اول موقف يتعرض له مع الاخر


فمهما يسوي الشخص الاخير

اتلاقين الانسان للحين ماخذ عنه الفكرة الاولية


حتى لو اكتشف عدم صحتها



الطبيعة البشرية جذي

 

[حبي بيرين]

حياتي الاطفال اكيد ماراح يستوعبون التغير اذاهم صغار مرة يعني حدود 7 صعب راح يفهم فالافضل الاستمراربالصارمه حتي يتقبل التغير وكمان انزلي لمستواه وحاوريه بانه هذا الشئ غلط وليه هو غلط ونتيجه عمله عشان حتى هو يقتنع

 

[الزورق222]

دوسي على قلبج لاترحمين ولا تترجاعين لو حبيتى تطبقين ماتريدين بس انتى ام اكيد راح تتراجعين الا الام القاسية او العوبه .. الفئتين مستحيل يتراجعون قدام اعيالهم لقساوة قلوبهم ..

 

[حديث الروح]

شادن العزيزة : مواضيعج كالعادة لها طابع مميز وتحمل بصمة روحج اللي تدل على إنج إنسانة محبة وهذا من فضل الله . وإنت عودت عيالك على نمط

معين في التربية وأحطتيهم بالحنان وزرعت فيهم الثقة بالتقارب وإشعارهم بأنهم في مستواج وهذا شيء ممتاز ، لكن إنت أيضاً علمتيهم بأن مافي جدار

فاصل بينكم وفهموا الرسالة ويتصرفون على أساسها ومو حاسين بأنهم غلطانين أما أنت فعليج أن توجهيهم بالحسنى وبأسلوب جد مع ابتسامة خفيفة وقور

( لازم خفيفة ووقور!) وتفهميهم اللي تبينه ولو خالفوا صبري وعيدي اكثر من مرة وقولي لهم مقدماً انني ممكن اسمحلكم بهذا في وقت اخر حسب ماأشوف

اذا كان فيه منفعة .. حسب الظروف .. وبالآخر راح يتعودون والصرامة مع حسن المعاملة والتوجيه الطيب والصوت الهاديء يعطي مفعولها .. خليج مرة

أم ومرة صديقة .. قبل مايكبرون وما تقدرين تسيطرين عليهم ..

وإنت بروحج السمحة وطبيعتج العشرية الودود أم عظيمة .. حافظي على صورتج مع شوية صرامة عند اللزوم .. وكل شي يصير تمام ان شاء الله..

 

[Pinky -cat]

كل موقف وله ظرفه وكل وقت وله اذانه مثل ما يقولون وفعلا الواحد على حسب الموقف والنفسيه يتعامل مرات يتقبل الامر

ومرات فعلا تكون ردة فعله على غير العادة بس في شي اسمع طبع وعلى الاغلب يتم مثل ما هو وما يتغير الا وين كل فترة

وفترة وحسب قوة الموقف طبعا.


والله انا اقول لو الواحد يفكر بعقل بلاول قبل لا يسوي شي حزتها راح يعرف شنو الصح وشنو الغلط والانسان مو معصوم

من الغلط.

 

[Bloom]

انا نتفتي 7 شهور فما اعرف ليحين