النمل مسوي زحمه في البيت !

[Killer^Girl]

السلام عليكم
بنات كلانا النمل كلااااااااااااانا
زحمه زحمه
وين ماروح اشوف نمل نمل نمل
مع ان نغسل ونظف ونعقم ومااااكو فايده يردون مثل اول واكثر
ابي حل او اسم دوا او اي شي لان مليت

 

[انا مو هني]

في بودر مال النمل رشي على العتبات مايواطنونه النمل
كل مكان حطي في خل يهجوون

 

[الهاجريه]

حبيبتي مسحي الارض بخل التفاح وما راح تشوفين نمل مره ثانيه

 

[جلاديلياس]

حبوبه انا طلع فبيتي نمل ودقيت على شركه من الوسيط ورشولي البيت مرتين والحمدالله ماشفت شي بعدها ليلحين

 

[bambena]

رد : النمل مسوي زحمه في البيت !

الحين وقته

قوليلها يا نمله طلعي بره بيتي

انا رشيت البودر بس يردون يطلعون

وناس تقول حطي فلفل اسود

 

[Killer^Girl]

حبوبه انا طلع فبيتي نمل ودقيت على شركه من الوسيط ورشولي البيت مرتين والحمدالله ماشفت شي بعدها ليلحين

الرقم لو سمحتي؟

 

[صفاءء]

حياتي رشي البودر على طول لاتشيلنه من بيتج راح يروح شوي شوي

 

[ديمـه]

حبيبتي حطي سم النمل البودر على زوايا البيت واطراف الارض عند نعله الرخام داير مدار البيت والغرفه والغرفه اللي ما تستهلكينها لا تغسلينه خليه جم يوم

والمطبخ كل يوم بالليل حطي البودر والصبخ غسليه والحمام نفس الشي


هذي طريقتي في بيتي والحمدالله خف وبعدها اختفى

 

[بطريقة]

للتخلص من النمل


طريقة بسيطة جدا جدا ومجربة .

احضر إناء وضع فيه سمسم ودعه مكشوف وسترى النتيجة بنفسك . هذه الطريقة قالها العالم ( د. صبري الدمرداش ) استاذ برفسور في العلوم .

قال الدكتور : الدمرداش استاذ تدريس العلوم بكلية التربية في جامعة الكويت في حوار مطول على قناة الراي الكويتية مع الشيخ محمد العوضي حول الاعجاز العلمي عن حشرة النمل كشف خلالها اسرار هذا المخلوق العجيب , حيث ذكر خلال الحوار عن طريقة جديد تساعد بطرد النمل من أي مكان لا يريده الإنسان أن يكون فيه وباستطاعة ربة المنزل أن تمارسها في بيتها لطرده بدلا من قتله أو رش المبيدات الحشرية المعروفة لا سيما وأن قتله منهي عنه في الإسلام ما عدا النمل الأبيض .
حيث أشار الدكتور على المرأة أن بوضع السمسم في إناء بالقرب من تجمع النمل في أي مكان بالمنزل وستلاحظ اختفائه بشكل عجيب أو تقوم بذر حبوب السمسم بجوار الفتحات التي يقصدها النمل وفورا سيهاجر المكان الذي يسكنه.
وعلل الدكتور مصطفى مغادرة النمل للمنزل بسبب وجود مادة طيارة في السمسم تؤذيه وتعطل حاسة الشم لديه وهي الحاسة الأبرز لديه في بحثه عن الغذاء.

سأضع لكم رابط فيديو يتلكم عن النمل .

هذا هو الرابط على اليوتيوب :

http://www.youtube.com/watch?v=W65ZotLfing

 

[brendyshoo]

رد : النمل مسوي زحمه في البيت !

مشكوره حبيوبه بجرب السمسم انشاء الله

 

[Killer^Girl]

thanx

 

[::كيك وعسل::]

والديتول بعد
...

 

[@شمس الضحى@]

والله انا حطيت سمسم بالمطيخ كتجربه وبعد ساعه رحت اشوف النتيجه
وانصدمت لقيت ملااااااااااين النمل يتمشوون بالمطبخ وياكلون السمسم تقولين مسوين حفله خخخخخخخخخخخ
ورشيت البودرعليهم واختفو

 

[ورود خذلتها العاصفه]

ههههههههههههههههههههههههه
حبوبه جربي دوا الجرب مال الغنم وصي زوجج يجيبه من صيدلية اللي يعالجون فيه تكرمين الحيوانات

واذا جاابه كوني حريصه تشيلينه بمكان بعيد عن عيووون الجهال
المهم الطريقه تجيبين بخاخ الماي الفاضي مال الكوي وتحطين ربع البطل من الدوا والباقي خففيه بالماي وابتدي بخي على اماكن تجمع النمل وزوايا البيت وخليه نص يوم وعقب غسلي المكان اللي رشتي عليه واذا شفتي نمل تعالي حاسبيني

هاذي طريقة اهلي واهل زوجي من زمااان

 

[@شمس الضحى@]

ههههههههههههههههههههههههه
حبوبه جربي دوا الجرب مال الغنم وصي زوجج يجيبه من صيدلية اللي يعالجون فيه تكرمين الحيوانات

واذا جاابه كوني حريصه تشيلينه بمكان بعيد عن عيووون الجهال
المهم الطريقه تجيبين بخاخ الماي الفاضي مال الكوي وتحطين ربع البطل من الدوا والباقي خففيه بالماي وابتدي بخي على اماكن تجمع النمل وزوايا البيت وخليه نص يوم وعقب غسلي المكان اللي رشتي عليه واذا شفتي نمل تعالي حاسبيني

هاذي طريقة اهلي واهل زوجي من زمااان

خوش راي بنجرب
جزاج الله خير
الله يسهل عليج

 

[فرح العجرف]

ذاك اليوم مسوين عزيمة علي الدرج حطينااا بودر وكم يوم ورجع ...؟؟

ولانه منهي نذبح النمل كل من صعد ولا نزل يقول لهم انذرك ... عاد ماشفناهم لنا اسبوع ... :dddds:

بس امي تقول مسحة الدرج بالخل ...وراح ..!!

 

[Om Ghalia]

والله انا حطيت سمسم بالمطيخ كتجربه وبعد ساعه رحت اشوف النتيجه
وانصدمت لقيت ملااااااااااين النمل يتمشوون بالمطبخ وياكلون السمسم تقولين مسوين حفله خخخخخخخخخخخ
ورشيت البودرعليهم واختفو

لوووووووووووووووووووووووووووووووووول، حلوة......