النمسا وميونخ مع اليهال

[sweet]

شلونكم بنات النمسا وفينا وميونخ تونس حق اليهال ولا لا والي راحت مع عيالها تقولي تجربتها محتاجه مساعدتكم وجم مصرفكم في اليوم طبعا من غير سوق الله يوفق من ترد علي ويسهل أمرها :tek:

 

[بندوري]

و انا اسأل نفس السؤال ياليت اللي عندها معلومات تفيدنا ومشكورين

 

[vooom]

انا رحت فينا كان فيها مدينه العاب وتلفريك وزحلاقيات من فوق الجبل بس وااايد خطره
لان معانا جم وحده بالقروب طاحوا وتعورا
ميونخ بس سوقه مافيها شي اذكر كنا كل يوم بس رايحين السوق ورادين مافي العاب وهالسوالف

 

[bnt_7waa]

احنا رايحين هسنه معانه يهال اصغر واحد 5 سنين


ان شاءالله يستانسون

 

[جوكليت بار]

النمسا ماتصلح ليهال , رومانسيه اكثر من ترفيهيه

وميونخ احسن شوي

 

[انادي]

اليهال يستانسون بكل مكان مع امهم وابوهم بعدين انا رحت النمسا وميونخ قبل ثلاث سنين بس اهم شئ اخذي عربانه لهم لو بعدعربانتين حق اليهال لانه كله مشي بس والله بيستانسون او اخذيلهم ددايم بطاط او كاكاو او من هل السوالف

 

[sweet]

مشكورين بنات

 

[الجوررري143]

و الله الأفضل من غييييير يهال ، عشان تستانسين صج راح تتعبين مع اليهال

 

[gold hard]

لا ولا السفرة هذه حق اليهال لأنه رحلة طبيعة فيها تلفريك وثلج فوق الجبل و skiing و زحلاقيه فوق الجبل يعني اليهال راح يكيفون.. أنا بعد بروح شهر 8 انشالله

 

[manoor01]

انا رحت قبل ثلاث سنين او اربع وكان معاي اعيالي ثلاثه صج تعب شوي لان احنا اناجر سياره اهناك بس صراحه استانسوا الجهال وكافي ان انتي ماخذتهم وانتي مطمنه

ميونخ سوق بس
كابرون فيها قمه الثلج وجوها عجيب
زلامسي حلو بعد وفي مدينه يمها فيها زحليقه بس عجيبه انشاء الله ما تندمين عليها وراح يستانسون العيال فيها حتي انتي احنا لعبنا فيها مرتين
فينا فيها مدينه العاب ومتاحف وقصور وبعد فيها سوق حلو

 

[sweet]

مشكورين بنات ماقصرتوا

 

[أم خالد]

روحي واستانسي اليهال بيستانسون في كل مكان بس من خبرتي يملون من اكل المطاعم ويدورون العيش الأبيض اخذي جدر طبخ كهربائي وعيش تطبخين فيه العيش وشوربات الماجي النوع الي يحبونة وحطي معاج كرتون بسكوت بيتيفور المطاحن واخذي علب تونا ونودلز طبعا هذي الشغلات راح توفر عليج لأن اليهال ممكن إيوعون بأي وقت
انا أخذت جدر طبخ من لوازم العايلة بالخالدية حجمة مناسب وسط وتحطين فيه بالكوب الي معاه مقدارين عيش مع 3 مقادير ماي وبروحة يطبخ ولي استوى يتحول سخان بس اخذي طوس خفيفة بلاستك على عددكم وقفاش ولا تنسين واسفنجتين للغسيل تقطين كل وحدة بمنطقة واخذي شوية صابون معاج ولا تنسين جبن الكلاسات النوع الي يحبونة اخذي قلاسات صغيرة وتأكدي من الجو علشان اتعرفين اشتاخذين معاج من لبس شتوي لأن زلمسي زسالبورغ وكابرون سمعت ان جوهم بارد وتروحين وترجعين بالسلامة لا تحاتين اليهال انا بروح النمس بشهر 8 ومعاي 4 أصغرهم عمرة سنتين