صباحكمـ \ مساءكمـ ورد
حبايبي منو تقدر تفيدي بهالموضوع .. ابي انتقل من التربية ( تربية فنية ) الي الهيئة العامة للتطبيقي
وين اروح اي قسم واشلون ومنو المسؤول هناك عن النقل شنو اسمة
ومتى فترة النقل
الله يخليكم ضروري
وجزاكم الله عنا كل خير وموفقين جميعا 
:q8:
هلا حبيبتي
أنا مقلة في ردودي في المنتدي بس هاليومين صايرة ارد
لأنة أشوف أنة ممكن أعطي طريقة أو أوجة لمسألة أنا أعرفها
واحب اساعد خواتي باللي اعرفة واقدر علية
حبيبتي بالنسبة للانتقال من وزارة التربية الي الهيئة العامة للتعليم التطبيقي والتدريب
ينقسم لنوعين
1- تروحين هيئة تدريسية
2- تروحين ادارية
أذا كنتي بتروحين هيئة تدريسية فأهما يبون ماجستير او دكتوراة أو( بكلريوس بس علي شرط تلتحقين بالبعثة اللي مخصصة للهيئة )
يعني بالعربي تنطرين اعلانهم وتشوفين تخصصج مطلوب وبناء علي الاعلان تقدمين لهم
وعلي فكرة كان لهم اعلان قبل فترة قريبة
أما أذا كنتي تبين تروحين وتكونين ادارية ففية طريقتين أما تستقيلين وتقدمين عن طريق الديوان من يديد
أو تسوين نقل خدمات
وطريقة نقل الخدمات تقدمين كتاب موجة الي مدير عام الهيئة العامة للتعليم التطبيقي والتدريب بطلب نقل خدمات
أو انج تسوين نقل الكتروني عن طريق موقع ديوان الخدمة المدنية ( بس ماراح يلقي اهتمام )
اذا الامور مو واضحة انا حاضرة اوضح لج
