النقاب و البرقع

[فـــخـــر]

سوري اختي بس الموضوع في استفزاز حتى لو كان منقول كنتي تقدرين تغيرين فيه

عالعموم انا اشوف انه شي خاص فيهم يبون يتنقبون يتنقبون يبون يتبرقعون بكيفهم

من راقب الناس مات هماً

 

[هدولى]

النقاب ستر للمراه طبعا من غير شك وطبعا الصوره هذى الى حاطتها ماتعتبر متنقبه ابدا .

 

[كويتيه رزتها ملكيه]

المعروف انه الى بتحط موضوع تكون روحها رياضيه وتتقبل كل الاراء الى تشارك حتى لو ضدها 00بس انتى مو عاجبج الردود الى تكون ضد موضوعج 00وشنو شادين حيلنا شايفتنا فى حلبه مصارعه!! وقصدى بالمحدود انتى موعايشه مع الحريم الى تلبس البرقع او النقاب فاكيد ماراح تفهمين تفكيرهم وانه هالشى عاده واصل وستر وتراث

اذا مو قد النقاش مو الهواش لاتحطين مواضيع يااربى مشكله بعض العضوات اذا حطت موضوع وهى ولاشى وماتبى تسمع الا الى يعجبها بس والراى المعاكس لا تطنقر وتزعل :eh_s(2):
نصيحه خلى صدرج وسيع وروحج رياضيه

 

[PO PO22]

النقااااااااااااااااب ستر وعباااده وطااعه لله ورسوله
بس مو النقاااب هالاياام يا كافي هع هع هع تكفي لا تطيح هع
نقاااااااب اياام زماان ياحلو الستر وبس

 

[دلولي]

السلام عليكم كيفكم بنات ان شاالله بخير حبيبتي موضوعك ذكرني في مناقشه انا وصاحباتي وحمواتي كنى نتناقش فيها انا متنقبه وحمواتي متحجبات وكل وحده تقول لا النقاب سنه مو فرض ومادري ايش فوحده من البنات علقت قالت الان انتم اذا فلنى البسي النقاب قلتو سنه مو فرض والله ذاكره في القران بصيغه امر لمى امر النبي محمد صلى الله عليه وسلم (ياايها النبي قل لازواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين)على هالاساسا انا اشوف الحجاب والنقاب مافيها تخلف ولا شي بالعكس ستر للي تبي الستر وتحترم النقاب والحجاب الي هي لابسته مو تحط لي كيلو مكياج وتحط على راسها بالون وتقول انا متنقبه وتلبس بنطلون ضيق وبلوزه مبينه كل تفاصيل جسمها وتقول انا متحجبه طبقت الاسلام لا عندي انها تمشي مفرعه احسن لها

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

حبيبتي النــقــآب فرض و في أدلــة كثيرهـ تدل عليه ,,,

بس بعــض المــذآهب يعتبرونــه سنة ,,,

على العمومـ هو ستر للمرأهـ إذآ انلبس بالطريقه الصحيحــه ,,,

و في كثير يشوهون صورة النقــآب ويلبسونه بطريقه خــآطئــه ,,,

مثــلاً انفرض عليهــآ و هي مــآتبيه ,,,

أو اتكون محجبه أو سفور واتلبسه واتغطي على نفسهــآ فيه لمــآ اتوآعــد ,,,

و نفس الحــآل مــع المـحجــبــآت في فئــه يشوهونــه ,,,

و السفور عسى الله يهديــهـآ ,,,

و في بنــآت أعرفـهـمـ يلبسون برقــع ,,,

و هــو كلش مو تخــلــف إذآ النقــآب الصحــيــح صــآر تخــلف فـعــلى الدنيـــآ الســلآمـ ,,,

و عــنـد بعض النــىس يكون عــآدهـ فلــمــآ يطلعون بــرهـ ديرتــهـمـ يقطـونــه ,,,

و مشكورهـ على الموضوع الحلو ,,,

و بالنــسبه للي قــآلت :-

والله انا اشوف النقاب ماله داعي شنو الحلو فيه يخش الجيكره

هــذآ يدل على عقليتــج وتفكيرج كــآن ممكن اتعبرين عن ردج ابـ إسلوب أحسن من جذي ,,,

حبيبتي البنــآت المـتنــقـبــآت الي أعرفــهـمـ أحــلى ابــ مليوووووووووووون مرهـ من حصه وحليمــه ,,,

بس هـمـ ســآترآت جـمــآلهـمـ علشــآن مــآ يفتنون أحــد ,,,

بالنسبه لي أنــآ كل مــآ أشوف ممثــلـه عــآدي مـآ أشوف فيهــآ جــمــآل ,,,

بس البـــنآت ال يقولون الكــلآمـ نفسج و يفكرون جذي ,,

و يموتون عليهــمـ تخلي وحدهـ قــآلت ( مــآ أصدق إن أحد في الدنــيــآ مــآ يحب نــآنسي عـجّــرمـ ) ,,,


و مـــــع السلامــــه ,,,

|~|

 

[شاكليته]

البرقع من عادات وتقاليد بعض مناطق العربيه , مثله مثل الغشوه او الغطوه اللي معظم اهل الخليج العربي يلبسونه

خصوصا حريم القبايل الحاكمه , واشتهرت البحرين بالبطووله شبيه بالبرقع بس خاه معينه , واهلنا بالشرقيه بالسعوديه

يلبسونه, وقطر والامارات ... ياحلووو تراثنا ويازينه غني باللوانه وبتصاميمه فيه الذرابه والانوثه الانوثه الصافيه ,

استااااااااااااانس لين مرت علينا وحده من نساوين للول واهي لابسه بطووله ولا غشووه والدفه البحرينيه الحرير ومجبعه

بالثوب والفستان ملون الاوان بنتوون ماكان عندهم شي اسمه حجاب فيه احتشام وسنع وذرابه ,,, بس سالفه النقاب

مدري اذا من تراثنا مايندراه :gr4uu:

 

[Hello_kitty]

بعضه العلماء اللي افتوا بوجوب تغطيه الوجه حرموا النقاب نفسه خوفا من بعض النساء اللي تتجاوز في الكشف عن عينها والتزين ومكياج العيون مثل ماهو حاصل الحين وعندهم وجوب تغطيه الوجه كامل يعني خمار او بوشيه!!!

بالنسبه لنا بالكويت اشوف النقاب عاده دخيله ومو من عادات الكويتين ولا لبسهم وما عرفنا النقاب الا بعد الغزو ولا عمرنا شفنا غير البراقع للبدو والبوشيه للحضر..

للأسف الحين النقاب تشوهت سمعته ووايد ناس ما تحبه من تصرفات بعض المنقبات العبايه المخصره وبرج ايفل اللي فوق راسها..والمكياج والرموش وحتى عبايه الراس اللي يلبسونها الحين مخصره صوب الذراع وفيها بزمات وحركات بصراحه

شكل هالعباة يلوع الجبد مخصره جنها بطريق وتزحف من ورى تقولين نفنوف عروس تنظف السوق كله بعباتها!!


والحاله حاله..صح في محجبات بعد ما يحترمون الحجاب بس المجتمع يحط اللوم على المنقبه اكثر لأن اللي تلبس النقاب المفروض

تكون وصلت مرحله من عاليه من التدين والتقوى..

ومع هذا في منقبات ما شالله عسى الله يحفظهم ويثبتهم محترمين النقاب ومحتشمين

وبالنسبه لراي انه احب اللي تلبس بوشيه او غطوه خفيفه فوق النقاب احسها فعلا متدينه ومحتشمه ومغطيه وييها مو عادات وتقاليد
لا دين وعفه وبصراحه اذا صادفت وحده مغطيه ويها بالكامل تلفت نظري واحسها كتله من الحياء والنوووووووور الله يثبتها ويزيدها

يعني جد تلفت نظري حيل لي شفت حريم كبار يلبسون بوشيه خفيفه واي يا زينهم يهبلوووووووون ولا حريم البدو

الكبار بالبرقع فديتهم والله ما عليهم بالستر والطيبه هذولي حريم الكويت اول اللي والله لي راحوا ما يتعوضوووووون

فديتهم ربي يطول باعمارهم انه لا شفت وحده منهم ودي اركض ابوسها على راسها

 

[جوك احلى جو]

في فئه تلبسه عن اقتناع وتدين
وفي ناس تلبسه لمجرد ان مفروض عليها من العادات والتقاليد في بعض المجتمعات

 

[Miss Cherry]

طيب شنو اللي تبين توصلين له من الموضوع

كل واحد ينام على الجنب اللي يريحه .. اللي تبي تتفصخ تتفصخ واللي تبي تتغطي تتغطي وهذي الكويت صل على النبي

بعدين بليز بنات كل وحده تثمن الكلمة قبل ما تحطها وتتذكر انه الفتوى مو مسألة هينه

الحين الكل صار يفهم بالدين وشيخ وعلامة يفتي على كيفه يحلل ويحرم وهو كله غلط من فوق لي تحت

عجبي من هالزمن الاقشر

 

[!الجادل الصعب!]

البرقع والنقاب ..بالاصل هو ستر ..

لكن مع بعض استخدام البنات وطريقتهم فيه خلوني اصدق انه عاده ..

يعني تلبسه تجامل اهلها .. و((تكشخ زيااااااااااااااااااااااده عن اللزوم)) تجامل الناس برا..

يعني مثل ما قالت وحده من البنات .. على حسب طريقة استخدامها له ..

وبنات خلو النقاش راقي .. بلآ غلط وكلآم مآصخ ..

ما تآيدين النقاب .. من حقش .. قولي الاسباب واحترمي الي يآيدونه ..



>>>منقبه وبقوووووووووووووووووه

 

[بنت بابا جابر]

النقااااب ماااعرفنااااه الا عقب الغزو ... لما الكويتيااات عاااشوا فتره برا الكويت ... يعني عااادة دخيله علينا ... (طبعاً أقصد نقاااب دزني وأطيح) مو الخمااار الشرعي

من وعينا على الدنياااا مااانعرف الا برقع الجز وماااا يخيطه الا حريم بدويااات من اهل الكويت وسعره يتراااوح بين 10 و15 دينااار ...
أما الحين صااار البرقع والنقاااب يبيعووونه عند الهنووود والبسطااات على دينار ونص وطبعاً مو الأصلي ... والبدويه الكويتيه صح ماااا تلبسه ...

 

[شموخ q8]

موضوع ماله اي داعي
وبالنسبه للنقاب ابرك من اللي تتحجب وتلبس بنطلون قولولي بالله اللبس هذا من وين جايبينه هذا هو التخلف بعينه وعلمه اشكره والا البست لي تي شيرت قصير وجنز ضيج شنو قاعدين بطهراااان اخاف,,,,,,,,,,, خواتي اللي تحط ايدها على الكيبورد ياليت تعرف اشلون تكتب المواضيع
وتصير خووووش ادميه
انا وحده منقبه وافتخر فيه لانه ستر للمراه وعاده اصيله مودخيله مثل مايدعون بعض الناس اللي مايطولون الاصاله في بلد الحضارة؟؟؟؟؟؟؟

 

[قصة_هوانا]

دنيا ردية..... حياتي انا مقدرة انج حاطة هل موضوع علشان النقاش... مشكورة

 

[tooofy81]

المعروف انه الى بتحط موضوع تكون روحها رياضيه وتتقبل كل الاراء الى تشارك حتى لو ضدها 00بس انتى مو عاجبج الردود الى تكون ضد موضوعج 00وشنو شادين حيلنا شايفتنا فى حلبه مصارعه!! وقصدى بالمحدود انتى موعايشه مع الحريم الى تلبس البرقع او النقاب فاكيد ماراح تفهمين تفكيرهم وانه هالشى عاده واصل وستر وتراث

اذا مو قد النقاش مو الهواش لاتحطين مواضيع يااربى مشكله بعض العضوات اذا حطت موضوع وهى ولاشى وماتبى تسمع الا الى يعجبها بس والراى المعاكس لا تطنقر وتزعل :eh_s(2):
نصيحه خلى صدرج وسيع وروحج رياضيه

:weight_lift::rerrerek::weight_lift::rerrerek::weight_lift:

نفس الحجي اللي بقوله والظاهر اختنا الكريمة عندها مشكله !!!! مرة تقول ان الموضوع للنقاش ومرة تقول الموضوع ناقلته والله ماعرفنا لها خخخخخخخخخخخخخخخخخ:eh_s(4)::eh_s(4):

الظاهر تبي تسب النقاب ومو عارفه شلون فدخلت من هالجانب لوووووووووووووووووووووول :eh_s(2):

وانا واثقه مليون بالمية انها تدري ان النقاب ستر وحشيمة بس حابة تسوي مشاكل وتقلل من شأنة لانه واضح من اسلوب طرحها هالشي !! والدليل انها قالت ان النقاب عادة تخلف :tongue22: حمدالله والشكر عقول فاضيه وسطحية :lkmnkl:

 

[ماغنوليا]

اللي اعرفة ان المجتمع الكويتي طول عمرهم يلبسون البوشية اوالبرقع ...


أما النقاب فطول عمرنا نعرف وسوري عالكلمة لبس نور.. انزين .. حلو ..

ولكن بعد الغزو ولما جزء من الكويتيين طلعوا برة الكويت لدول الخليج غطوا بناتهم ولأن البنات مايبون بوشية أو برقع

لجأوا للنقاب .. تماما مثل عباة الكتف اللي كانت بالأصل لبس الزلمات واللي نعرفه باسم المانتو وكانوا ملونين جان

تذكرون ابلات المدارس يعني تقدرين تقولين ان النقاب وعباية الكتف كانت محاولة للهروب من تزمت ماله داعي

هذي طبعا وجهة نظري واتمنى محد يزعل ​

 

[حرية رأي]

ليس هذه تغظيه الوجه الي امرنا فيها الاسلام

الذي يظهر جمال الخد وجمال العين وجمال الانف

ولم نعرف ان الاسلام امرنا بنقاب او برقع

بل امرنا بتغطية الوجه كاملاً

وماعرفت غير هذا الغطاء

الكامل للوجه

 

[درب السنع وينه؟]

النقااااب ماااعرفنااااه الا عقب الغزو ... لما الكويتيااات عاااشوا فتره برا الكويت ... يعني عااادة دخيله علينا ... (طبعاً أقصد نقاااب دزني وأطيح) مو الخمااار الشرعي

من وعينا على الدنياااا مااانعرف الا برقع الجز وماااا يخيطه الا حريم بدويااات من اهل الكويت وسعره يتراااوح بين 10 و15 دينااار ...
أما الحين صااار البرقع والنقاااب يبيعووونه عند الهنووود والبسطااات على دينار ونص وطبعاً مو الأصلي ... والبدويه الكويتيه صح ماااا تلبسه ...

هلا والله بنت بابا جابر كلامج صحيح 100%

النقاب عاده دخيله على أهل الكويت وكااانوا قبل جداتنا يلبسون البرقع الثقيل المصنوع من قماش الجز غالي الثمن ويبونه من ايران ما يتقن خياطته الا نساء الباديه

أما نساء الحضر كانو يلبسون البوشيه أو الغطوه

أما البراقع الخفيفه والنقاب مالها اي دخل بعاداتنا وتقليدنا ولا بتراثنا

 

[princess89]

السلام عليكم
حبيباتي المتغطيات والمنقبات والمحجبات والسفور
كل وحدة فيكم لازم تكون واثقه بلي تلبسه ومايهمها البشر شنو يقولون عنها
خلي يقولون إلي يقولونه المهم ربج شنو يقول عنج ربج يقول تخلف ولاستر

أنا ماراح أنتقد أنا راح أمدح
ملينا من النقد
ياحلو المنقبه المحتشمة وعبايتها واسعة
وياحلو المحجبة إلي هم عبايتها واسعه وموحاطه مكياج كلش
والمتغطية أقولج إنتي أحلاهم كلهم

والله يهدي حبيباتنا السفور

وأقول حق كل البنات قدوتنا عائشة رضي الله عنها

اناا اتفق مع حبيبتي كو كو نت براااايهاا
وياليت كل وحده تبي تطرح موضووع يكون عندهااا اسلووب حلووو وراقي لان يعبر الموضووع يعبر عن صااحبته
والكلام مثلة للي تردع الموضووع
وشكرأ

 

[بنت بابا جابر]

اناا اتفق مع حبيبتي كو كو نت براااايهاا
وياليت كل وحده تبي تطرح موضووع يكون عندهااا اسلووب حلووو وراقي لان يعبر الموضووع يعبر عن صااحبته
والكلام مثلة للي تردع الموضووع
وشكرأ

ايه والله صدقتي انتي و كوكو نت ... احم شي بالنقاااش احترااام الآرااااء و الإسلوووب الررررراااااقي ...